Yosua 10:4 - Katɔti Ɔku Kedee

⁴ beti bana bekpone ƒui na bebo na bebebunku-nwu na bekpoku Gibeonƒuɔ. Ɔsika Gibeonƒuɔ bábla ku Yosua ku Israelƒuɔ ƒui unwi.

Yosua 10:4 Referans Kwoze

Yosua 9:15

Ɔmmɔ kama Yosua únu kalɔ na bényimi na bábla unwi. Na Israel batɔnkune bákpali Katɔti lɛnyi bálɛ ugyii béte-ma ka balabla-ma lɛla lɛdi.

Yosua 10:1

Yerusalem ɔga ɔni baalɔ banii Adoni-Sedek únu ka Yosua úkpo ɔ́di Ai lɛlɔ na ɔ́yila ɔma ɔmmɔ udu kede kede na ɔ́du Aiƒuɔ ɔga aani kalɛ kani na ɔ́bla Yerikoƒuɔ ɔga. Na únu lɛnɔ ka Gibeonƒuɔ bésie bétévele Israelƒuɔ na bényimiku-ma na bábla unwi. Na belie bede-ma.

Budie Taatina 16:14

Ayu ammɔ ndi ukisine ayu ekpidi ani muudie akɔla taatina. Na ayu atɛ amɛni muusié kayawi baga ƒui kudɔ kalɛ na basala lɛlɔ na bekpo Katɔti bekyuli na Katɔti ɔni ndi Ɔyikune Ƒui limeyi linengudi lɛmmɔ lɛlɔ.

Petro 1 4:4

Na ka bɛsɔ biláblaku-ma unwi na bitaabla ala ammɔ udu ɔsu ni, ɔ́bla-ma kalɛ kadi! Anwuɔsu na beetemi teewi-mii lɛlɔ.

Yakobo 4:4

Bɛdi bekyuli bani na biládi Katɔti ɔda bubo lɛlɔ. Bɛɛɛgyi ka si bɛ́bi bɛsiaku kayawi ala ni, bíti lɛlɔ bínwini Katɔti bekisine? Na ukyuli biala ɔni meti kayawi ala aani nwuna ɔkpana ni, ɔdi ukisine ute Katɔti.

Timoteo 2 3:12

Sɔsɔ na ɔdi ka ni, bekyuli bani ƒui melie ngba buni na Kristo kemmo ni, badububo abi na bekpoku-ma.

Batalane Kabla 21:28

Na bákya baava taasu banini, “Israelƒuɔ banana, bibebunku-bu o-o! Ɔnana ɔmɛni nkɛ mɔɔsu bekyuli ƒui taavi na kesi kesii ku mɛni lɛnɔ ɔnii batadi bula Yudaƒuɔ ɔda bubo lɛlɔ. Na lɛnɔ ni, uuti Grikiƒuɔ teeduoku Yudaƒuɔ kakpakɔ ɔni mɔɔtina ka bula Yudaƒuɔ kakpakɔ kammɔ keesé lɛlɔ!”

Yohane 15:19

Si bɛ́bla unwi ku kayawi bekyuli na bana ablala kemmo ni, badubɔyɔ-mii aani bana badi. Nsu ami lɛ́ƒuna-mii lɛ́lɛku kayawi bekyuli bammɔ akɔ, na bɛsɔ bɛɛɛdi bana badi. Ɔmmɔ ɔsu na beekisi-mii.

Mateo 16:24

Amu na Yesu ɔ́su nwuna batɛyane ɔnini, “Si ukyuli ɔdi ɔɔwia ka ɔsiaku-mi kama ni, ɔlɛka udie nwuna lɛlɔ atu na ubo abi na ɔsiaku-mi kama.

Yosua 10:5

Ɔmmɔ kama Amoriƒuɔ baga ɛlɔ bammɔ ku Yerusalem ɔga ku Hebron ɔga ku Yarmut ɔga ku Lakis ɔga ku Eglon ɔga básala bana bekpone na bátáka bámana Gibeon na békpoku-ma.