Yosua 1:9 - Katɔti Ɔku Kedee

⁹ Nyimo ka lɛ́su-ɔ ka nye kpakplaa na ese kayi. Na taya na liƒu lɛdi lɛda-a iye enu aƒɛ-ɔ. Ɔsika ami ɔni ndi ƒula Unwoti Katɔti nlieku-ɔ uwi biala kemmo.”

Yosua 1:9 Referans Kwoze

Ala Kalɔ Buse 28:15

Nliku-ɔ na ndubɔsia-a anu kesii biala na aaví. Na ndubɔsɔku-ɔ liboku kalɔ kamɛni lɛlɔ. Lɛɛɛdubo-ɔ bɔnyonu buse uwi ɔdi wetédu ka lɛ́bla lɛla lɛni kenye na líse-ɔ ka mabla.”

Lɛkpa Ulu 20:1

Si bísela bitékpoku bina bekisine badi na bɛ́nu ka bekyuli bammɔ belie bapɔnkɔ ku kɛɛkɛ ɔni na bapɔnkɔ baaní lɛlɔ ni, na bɛ́nu bekyuli bumomo bɔni ntulo amii ni, bitanu-ma bitayia. Ɔsika bina Unwoti Katɔti ɔni náda-mii údie Egyipte kalɔ lɛlɔ ni, anwu ndubukpo ute-mii.

Kɔgya 46:7

Unwoti Katɔti Ɔyikune Ƒui ɔsiaku-bu. Anwu ɔni na bula Nana Yakob ɔ́kpa ndi bula katamikukɔ.

Yesaia 43:1

Unwoti ɔnini, “Ami nédie amii Yakob kaba kemmo bebi na lɛ́bla-mii na bɛdi Israel kadi. Bɛda bɔyia bɛya, ɔsika ami nédie-mii. Lɛ́sia-mii lɛnyi lɛni na mɔɔlɔ-mii na ɔƒaani bɛdi mina badi.

Yesaia 43:5

Bitayia, ɔsika nliku-mii. Na ndubɔsala-mii lɛsiku ɔƒɛ katukɔ ku kanukɔ ƒui liboku liku linwi.

Litemi Batɛne 6:14

Amu na Unwoti ɔ́su-nwu ɔnini, “Ami mɔɔtala-a nnii teesie ku ɔyikun ɔni ƒui na ebo na etédie Israelƒuɔ alɛku Midianƒuɔ enu kemmo.”

Samuel 2 13:28

Ɔmmɔ kama ni, Absalom úsie útébo nwuna kabla bablane ɔda na ɔ́su-ma ɔnini, “Binu kaduɛ! Si uwi ɔni na bɛ́nu ka Amnon ɔ́ni ntɛ úkpi na bɔdaku-nwu bɔda ni, ndubo-mii bɔsu nnii, ‘Bibo Amnon bɛva kalɔ.’ Na mmɔ ni, bɛdu-nwu. Na bitayia. Ami nébo-mii ɔda lɛni. Ɔmmɔ ɔsu bise kayi na bɛdi lɛnanabi.”

Batalane Kabla 4:19

Amu na Petro ku Yohane bédie kenye banini, “Amii alati bɛbu bɛnu. Bi mada Unwoti kubiti? Si bunu bina ɔda bubo munuu Unwoti bɔdi?

Lɛkpa Ulu 31:28

Amu na Mose ɔ́su ɔnii balɔ adua benengu ku bana bebunkune bammɔ ƒui beboku na ɔtɛmi ute-ma. Na ɔ́su-ma ɔnini, “Lɛla lɛni mɔɔsu-mii ni, katɔ ku kalɔ ndubudie bina bɔƒiɔ ɔtina-mii.

Lɛkpa Ulu 1:21

Anwuɔsu bɛɛnu kalɔ kammɔ ka kewi mmɔ. Biteesie na bitéti-ka aani kalɛ na Unwoti ɔni ndi bina bati kuuku Katɔti ɔ́su-mii. Na bitayia ukyuli ɔdi, na enu ataƒɛ-mii lɛnɔ.

Yosua 1:10

Anwuɔsu Yosua úbo Israelƒuɔ batɔnkune bammɔ ɔda ɔnini,

Yosua 1:17

Na kalɛ kani na búnu Mose litemi ni, lɛni kani na bɔdubunu ƒula litemi lɛnɔ. Na buuvele bɔnii ƒula Unwoti Katɔti ulieku-ɔ aani kalɛ kani na úlieku Mose.

Yosua 8:1

Amu na Unwoti ɔ́su Yosua ɔnini, “Ta na eti ƒula bekpone ƒui na bɛkɔ bisie Ai bitékpoku-ma.” Na ɔ́su-nwu ɔnini, “Bitayia-ma, na ɔdi lɛnɔ enu ataƒɛ-nwu, ɔsika ami Unwoti ndubɔya na bɛdi Aiƒuɔ lɛlɔ. Na ndubɔnyonu bana ɔga ku bana ɔma ku bana bekyuli ku bana kɔlɔ lɛkya-mii enu kemmo.

Yosua 10:8

Mmɔ na Unwoti ɔ́su Yosua ɔnini, “Tayia Amoriƒuɔ baga ku bana bekpone bammɔ Líiti-ma lɛ́kya-a enu kemmo kukuuku. Na mɔɔsu-ɔ ka ni, ina ukyuli unwi ulakana-a anumi bɔkpɛ bude.”

Ala Alɛdi 2 15:7

“Anwuɔsu ɔlɛka bise kayi. Na bitete lili! Katɔti ɔlati ɔdubɔbu-mii na ɔkɔliku-mii katɔ si bɛɛdi nwuna ɔda bubo lɛlɔ.”

Yesaia 41:10

Bitayia, nliku-mii. Liƒu lɛsɔ litada-mi na bitaatɔ kpakpaakpa. Ami ndi bina Katɔti. Ndubɔya na bɛkɛ ɔyikun, na libunku-mii. Ndubɔtalaku-mii katɔ ku mina ɔyikun ablala ani nse siin.

Ala Kalɔ Buse 39:2

Ɔƒɛni Yoseƒ ɔmɛni ni, ɔdi ukyuli ɔni na Unwoti Katɔti uliku-nwu kaduɛ. Na nwuna ablala ƒui álɛ-nwu kɔsia geen na nwuna Egyipteni ɔtɔlati ɔmmɔ kesii kani na ɔkya mmɔ.

Ala Kalɔ Buse 39:3

Ka nwuna ɔtɔlati ɔ́nu ɔ́ti kalɛ na Unwoti Katɔti uliku Yoseƒ ku kalɛ na nwuna ablala aatɛ-nwu ɔsu ni,

Lɛkpa Ulu 31:23

Amu na Unwoti ɔ́su Yosua ɔni ndi Nun ubidi ɔnini, “Nye kpakplaa na akya ɔkplu. Ɔsika awɔ ndubo Israelƒuɔ bamɛni bɔkpanku busienku kalɔ kani lɛ́su líse ka meti mete-ma lɛlɔ. Na ndubulieku-ɔ.”

Yosua 1:18

Na ukyuli biala ɔni mata menye-ɔ lɛlɔ na uladi ƒula litemi iye ɔda ɔni na ébo-nwu lɛlɔ ni, bɔdubɔdu-nwu. Mmomu awɔ ni, nye kpakplaa na ese kayi.”

Yosua 3:7

Mmɔ na Unwoti ɔ́su Yosua ɔnini, “Lɛla lɛni ndubo bɔbla ɔmwi kadi mɛni ɔdubɔya na Israelƒuɔ bese kalɔ bataabu-ɔ aani ukyuli ubendi na adi. Na badubo bɔnu bɔti ka nlieku-ɔ aani kalɛ kani na lílie-ku Mose.

Yosua 6:27

Na ala ani nálɛ mɛni kemmo ƒui ni, Unwoti ulieku Yosua na ɔ́ya na nwuna lɛnyi lɛ́ƒɔ kuye, nwuna lɛnyi lígyingya líyile kalɔ kammɔ ƒui.

Yosua 10:25

Amu na Yosua ɔ́su bekpone bammɔ banini, “Bitayia, na enu lɛnɔ ataƒɛ-mii. Mmomu bɛkya ɔkplu na bise kayi. Na lɛni na Unwoti ɔdubuti ɔbla bina bekisine bani ƒui amii ku-ma bɛdubo bukpo.”

Samuel 1 10:7

Si ala amɛni álɛ ni, kabla biala na anii aabla ni, na enye-ka lɛlɔ kpakplaa ɔsika Katɔti ulieku-ɔ.

Ala Alɛdi 1 28:20

Anwuɔsu sia anu na akya kayi na abla lɛla biala aani kalɛ na bɔtaa bɔmɛni bɔɔtina. Na tayia na enu lɛnɔ ataƒɛ-ɔ, ɔsika Unwoti mina Katɔti ɔdubo-ɔ bubunku na abla lɛla biala lɛni na ɔdi ka abla na eti awɔlɔ kakpakɔ kammɔ bɔtu kalɛ na bekyuli beteesie mmɔ taatákpa-nwu.

Yesaia 8:12

“Lɛla lɛni na badubɔlɔ kelisa kekpidi ni, tasiaku-ma anii kelisa kekpidi kadi. Na uwi ɔni badubɔlɔ unwi bɔbla kasala ni, tenuku-ma kalɔ na asiaku-ma lɛni. Tayia lɛla lɛni na baayia, na liƒu lɛnɔ litada-a.

Hagai 2:4

Nsu amii ni, bɛkya ɔkplu na binye kabla kammɔ lɛlɔ! Ɔsika ami, Unwoti Ɔyikune Ƒui, ndubɔkya-mii akɔ mɛni, na libunku-mii na kabla kammɔ kemmo

Hagai 2:5

aani kalɛ na líse bina bati kuuku kenye uwi ɔni na lɛ́kpanku-ma lɛ́lɛku Egyipte kalɔ lɛlɔ. Bitekpoku lɛlɔ. Nkya-mii akɔ mɛni!