Yosua 1:5 - Katɔti Ɔku Kedee

⁵ Na mɔɔsu-ɔ ka ukyuli ndi ukyuli ɔdi ulakana bɔta bukpoku-ɔ ƒula ngba emeyi ƒui kemmo. Na kalɛ kani na lílieku Mose ni, lɛni kani na ndubulieku-ɔ. Na lɛɛɛdubo-ɔ bɔnyonu iye lidie-ɔ atu kudii.

Yosua 1:5 Referans Kwoze

Romaƒuɔ 8:31

Ɔmɛni ɔsu ni, bi na ɔdi ka bɔsu? Si Katɔti unye-bu kama ni, ɔma ndubɔkana na ukpoku-bu?

Mateo 28:20

Na bɛtina-ma bɛnii badi ala ani ƒui na lɛ́tina-mii lɛlɔ. Na ndubɔkya-mii akɔ uwi ƒui utálɛ kayawi kawɔlɔkɔ.”

Yosua 1:9

Nyimo ka lɛ́su-ɔ ka nye kpakplaa na ese kayi. Na taya na liƒu lɛdi lɛda-a iye enu aƒɛ-ɔ. Ɔsika ami ɔni ndi ƒula Unwoti Katɔti nlieku-ɔ uwi biala kemmo.”

Lɛkpa Ulu 20:4

Ɔsika bina Unwoti Katɔti ɔkya-mii akɔ na ɔdubɔya na bɛdi lɛlɔ.”

Timoteo 2 4:17

Nsu ni, Blɔti únyeku-mi na ɔ́kya-mi ɔyikun na lɛ́kana lɛ́su Blɔti litemi lɛmmɔ kaduɛ lite bani naaadi Yudaƒuɔ na mmɔ. Na Blɔti údie-mi kukpi kemmo.

Kɔgya 46:11

Unwoti Katɔti Ɔyikune Ƒui ɔkya-bu akɔ. Yakob Unwoti Katɔti ɔni na ɔ́kpa ndi bula katamikukɔ.

Hebriƒuɔ 13:5

Anumi asɔ etegyie-mii na egulabi lɛlɔ. Mmomu bɛya na lɛla lɛni bibo limo-mii. Ɔsika Katɔti ɔ́su ɔnini, “Lɛɛɛdubo-mii bɔnyonu kudii, na neeedie-mii atu lɛnɔ kudii.”

Yosua 3:7

Mmɔ na Unwoti ɔ́su Yosua ɔnini, “Lɛla lɛni ndubo bɔbla ɔmwi kadi mɛni ɔdubɔya na Israelƒuɔ bese kalɔ bataabu-ɔ aani ukyuli ubendi na adi. Na badubo bɔnu bɔti ka nlieku-ɔ aani kalɛ kani na lílie-ku Mose.

Israelƒuɔ Bɔlɛ 3:12

Amu na Katɔti údie Mose kenye ɔnini, “Ndubulie-ku-ɔ. Na likposela lɛni na ndubɔtina-a ka ami nátala-a sɔsɔ ndi ka si ákpanku-ma álɛku mmɔ áwɔlɔ ni, amii Hebriƒuɔ bɛdubo-mi bɔkpa na kɔbi kɔmɛni lɛlɔ.”

Romaƒuɔ 8:37

Na ɔmɛni ƒui kemmo ni, butulo lɛlɔ badine ɔkɛnku Kristo ɔni mɔɔyɔ́-bu ɔsu.

Yosua 1:17

Na kalɛ kani na búnu Mose litemi ni, lɛni kani na bɔdubunu ƒula litemi lɛnɔ. Na buuvele bɔnii ƒula Unwoti Katɔti ulieku-ɔ aani kalɛ kani na úlieku Mose.

Lɛkpa Ulu 7:24

Na bɛdubɔdi baga bammɔ lɛlɔ na ɔdi ɔsɔ ulenyimo si bélie ngba dii. Na ɔdi ulakana-mii bunye bɔsiaku lɛnɔ.

Yosua 6:27

Na ala ani nálɛ mɛni kemmo ƒui ni, Unwoti ulieku Yosua na ɔ́ya na nwuna lɛnyi lɛ́ƒɔ kuye, nwuna lɛnyi lígyingya líyile kalɔ kammɔ ƒui.

Lɛkpa Ulu 31:23

Amu na Unwoti ɔ́su Yosua ɔni ndi Nun ubidi ɔnini, “Nye kpakplaa na akya ɔkplu. Ɔsika awɔ ndubo Israelƒuɔ bamɛni bɔkpanku busienku kalɔ kani lɛ́su líse ka meti mete-ma lɛlɔ. Na ndubulieku-ɔ.”

Lɛkpa Ulu 4:31

Ɔsika Katɔti ubo lɛƒɔndia na ulada-mii ulanyonu iye ɔyila-mii udu na ulayiƒala bunyimi bɔni na anwu ɔlati únyimi ku bina bati kuuku.

Yosua 10:8

Mmɔ na Unwoti ɔ́su Yosua ɔnini, “Tayia Amoriƒuɔ baga ku bana bekpone bammɔ Líiti-ma lɛ́kya-a enu kemmo kukuuku. Na mɔɔsu-ɔ ka ni, ina ukyuli unwi ulakana-a anumi bɔkpɛ bude.”

Litemi Batɛne 2:18

Uwi biala na Unwoti ɔ́ya na litemi ɔtɛne ɔdi ɔ́kɔ ɔ́lɛ Israelƒuɔ akɔ ni, uunye litemi ɔtɛne ɔmmɔ kama nwuna ngba kemmo ƒui, na uukpó taaƒɔ-ma taalɛku bana bekisine enu kemmo. Na Unwoti ɔɔnu-ma kɔnyana si beedumo na ɔgbankpi ɔni kemmo na bana bekisine béti-ma bákya ɔsu.

Litemi Batɛne 6:16

Amu na Unwoti ɔ́su Gideon ɔnini, “Nnyeku-ɔ, na adubukpoku Midianƒuɔ ƒui na abla-ma kpɛtɛ kpɛtɛ.”

Samuel 1 10:7

Si ala amɛni álɛ ni, kabla biala na anii aabla ni, na enye-ka lɛlɔ kpakplaa ɔsika Katɔti ulieku-ɔ.

Baga 1 1:37

Na kalɛ na Unwoti úlieku awɔ mina ati ku ɔga ni, ulieku Salomo lɛnɔ lɛni kani. Na ɔya na nwuna lɛgadi libomo litulo mina Ɔga Dawid lɛdi muedi!”

Baga 1 6:13

Na ani ndi ka ndubulie mina kadi bekyuli Israelƒuɔ akɔ, na lɛɛɛdubo-ma bɔnyonu kudii.”

Baga 1 8:57

Na muuvele nnii Unwoti, bula Katɔti, ulieku-bu aani kalɛ na úlieku bula bati kuuku. Na utanyonu-bu iye udie-bu atu kudii.

Baga 1 11:38

Na si ádi ɔda biala mebo-ɔ lɛlɔ, na ásia mina ulu lɛlɔ ábla ala siin na mina anumi, na ádi mina ɔda bubo lɛlɔ aani kalɛ na mina kabla ɔblane Dawid ɔ́bla ni, ndubulieku-ɔ na lɛya na ƒula lɛgakadikɔ kenye kpakplaa na ketu uwi aani kalɛ na lɛ́bla líte Dawid, na liti Israel lite-ɔ na adi-ma lɛlɔ.

Ala Alɛdi 1 28:20

Anwuɔsu sia anu na akya kayi na abla lɛla biala aani kalɛ na bɔtaa bɔmɛni bɔɔtina. Na tayia na enu lɛnɔ ataƒɛ-ɔ, ɔsika Unwoti mina Katɔti ɔdubo-ɔ bubunku na abla lɛla biala lɛni na ɔdi ka abla na eti awɔlɔ kakpakɔ kammɔ bɔtu kalɛ na bekyuli beteesie mmɔ taatákpa-nwu.

Yesaia 42:16

Na ndubɔtɔnku mina banumbwɛne bɔsiaku ulu ɔni na baaagyi kudii lɛlɔ. Na lɛkpanku-ma lɛsiaku ulu ɔni lɛlɔ na bátasia kudii lɛlɔ. Na ndubɔya na kasuudikɔ kani na bakya kenwini bukeye. Na kesii kani na kese kpukplo kpukplo kabla suɛlɛ suɛlɛ. Na ndubo ala amɛni bɔbla ɔni na lɛɛɛdubo-nya bɔda buse.

Yeremia 1:8

Tayia-ma, ɔsika ndubulieku-ɔ na lɛgyumana-a kpakplaa.”

Daniel 11:16

“Na ɔga ɔni nékpo ɔ́si katɔ kakɛ mmɔ ɔdubɔbla kalɛ biala mɔɔyɔ́-nwu kaƒɔ na ɔdubo kalɔ kedee kammɔ muedi buƒie bɔƒɔ na ubile-ka.

Ala Kalɔ Buse 39:2

Ɔƒɛni Yoseƒ ɔmɛni ni, ɔdi ukyuli ɔni na Unwoti Katɔti uliku-nwu kaduɛ. Na nwuna ablala ƒui álɛ-nwu kɔsia geen na nwuna Egyipteni ɔtɔlati ɔmmɔ kesii kani na ɔkya mmɔ.

Lɛkpa Ulu 20:1

Si bísela bitékpoku bina bekisine badi na bɛ́nu ka bekyuli bammɔ belie bapɔnkɔ ku kɛɛkɛ ɔni na bapɔnkɔ baaní lɛlɔ ni, na bɛ́nu bekyuli bumomo bɔni ntulo amii ni, bitanu-ma bitayia. Ɔsika bina Unwoti Katɔti ɔni náda-mii údie Egyipte kalɔ lɛlɔ ni, anwu ndubukpo ute-mii.

Yosua 21:44

Na Unwoti ɔ́ya na bákɛ atu bɔyɔ na kalɔ kammɔ ƒui kemmo aani kalɛ na ɔ́su bana bati kuuku úse. Na bana bekisine ƒui bátakana na bénye basiaku-ma. Ɔsika Unwoti ɔlati nékpo úte Israelƒuɔ.