Yona 3:5 - Katɔti Ɔku Kedee

⁵ Niniweƒuɔ ƒui báƒɔ litemi lɛmɛni bádi. Ɔmɛni ɔsu bábla kasusu ka ɔ́si benengu útálɛ banamu ƒui ni, badubunyimi kenye na bényimi adikpi beti batina ka bana ekpidi éduo-ma.

Yona 3:5 Referans Kwoze

Luka 11:32

Niniweƒuɔ badubɔta benye na bebo-mii lɛnimi enwu na litemi bɔtɛ limeyi. Ɔsika uwi ɔni na Yona ɔ́su-ma Katɔti litemi ni, bávumana udu na bénwini bana ekpidi kudɔ. Nsu mɔɔsu-mii geen ka ni, ukyuli ɔdi ɔkya-mii akɔ mɛni na utulo Yona!

Mateo 12:41

Na litemi bɔtɛ limeyi lɛmmɔ lɛlɔ ni, Niniweƒuɔ badubɔta bebebo-mii lɛnimi enwu, ɔsika bénwini kama bákya bana ekpidi uwi ɔni na Yona ɔ́kɔ lɛsa úte-ma. Na mɔɔsu-mii ka ukyuli ɔdi ɔkya-mii akɔ mɛni na utulo Yona.

Daniel 9:3

Na kalɛ na lɛla lɛmɛni líkpoku-mi ɔsu ni, línyimi kenye na nda ala ani mɔɔtina ka muuwulo kɔnyana. Na lɛ́yu lɛ́tɛ ntɔ akɔ, na lídie mina alaekpidi kalɔ.

Yoel 1:14

Bɛlɔ benengu bammɔ ku bekyuli bani ƒui nkya kalɔ kammɔ lɛlɔ na bɛsa bɔsa kedee na mina lɛnyi lɛlɔ na Unwoti kakpakɔ na ete-ma bɔti na benyimi kenye ku lɛlɔ kalɔ buboku ku lɛlɔ bɔti bɔda sɛɛn. Na bewulo bakpali Unwoti bevele-nwu.

Ala Alɛdi 2 20:3

Amu na Yehosaƒat ɔ́kpali Unwoti na úvele-nwu ɔnii ɔtina-nwu lɛla lɛni na ɔlɛka ɔbla, ɔsika ɔ́yia geen.

Hebriƒuɔ 11:1

Si ebo bɔƒɔtaadi ni, ɔɔtina ka ebo lɛnunsia kpakplaa na ala adi lɛlɔ. Na agyi geen ka adubɔkɛ ala adi ina ka alánu-nya.

Hebriƒuɔ 11:7

Uwi ɔni na Katɔti ɔ́lɛ Noa kpakplaa na ala ani na útanu tɔ lɛlɔ ni, Noa ɔ́ƒɔ ɔ́di. Anwuɔsu ɔ́nwi ɔkɔlɔ ubendi ɔni kemmo na anwu ku nwuna kaduli bekyuli béduo bákɛ bɔƒɔ na bɔyia bɔni na úti úte Katɔti ɔsu. Noa bɔƒɔtaadi bɔmɛni búnwini kɔtɔ bɔdu úte kayawi bekyuli ƒui. Na ka Noa ɔ́ƒɔ Katɔti ɔ́di ɔsu ni, Katɔti ɔ́su ka Noa ɔdi ukyuli ɔni nse siin.

Batalane Kabla 27:25

Anwuɔsu banana, bɛkɛ kayi! Mɔɔƒɔ́ Katɔti taadi ka ni, lɛla lɛdi biala lɛdubo bɔsia aani kalɛ na ɔ́su.

Batalane Kabla 8:10

Samariaƒuɔ banana ku beleku ƒui baabu-nwu ɔ́si nwuna lɛlɔ bɔtina kabla kamɛni ɔsu. Anwuɔsu básu básiku-nwu lɛlɔ banini, “Anwu ndi katɔ ɔyikun ɔni baalɔ banii Ɔyikun Unengudi.”

Yeremia 42:8

lɛsu Yohanan ku bekpone benengu ku bekyuli bakladi bammɔ ƒui lɛlɔ. Anwuɔsu lɛ́lɔ-ma ƒui lɛ́sala,

Yeremia 42:1

Mmɔ na Karea ubidi Yohanan ku Hosaia ubidi Yesenia ku bekpone bamba bakladi ƒui na kasala kammɔ kemmo bébo-mi kudɔ,

Yeremia 31:34

“Na ɔ́si ɔƒɛni ni, ukyuli ɔdi ɔsɔ ulatina ɔkpanadi iye ɔnwani ka ɔti Blɔti. Ɔsika bana ƒui badubo-mi bɔti ɔ́si ubliidi ƒui útálɛ unengudi lɛlɔ. Na ɔ́si ɔƒɛni ni, ukyuli ɔdi ɔsɔ ulatina ɔkpanadi iye ɔnwani ka ɔti Blɔti. Ɔsika bana ƒui badubo-mi bɔti ɔ́si ubliidi ƒui útálɛ unengudi lɛlɔ. Na ndubuti bana alaekpidi ani ƒui bábla lɛkyiɛ-ma. Na nsɔ lɛɛɛdubo bana ekpidi bunyimo kudii.

Esra 8:21

Amu uwi ɔni na búdu Ahawa Ketu kudɔ ni, mmɔ na líbo ɔda na ɔ́ya na búnyimi kenye kalɛ na buboku lɛlɔ kalɔ na Katɔti anumi na buvele-nwu ka ɔgyumana abu ku bula bebi ku bula ala ani ƒui na bɔdanku kalɛ na bula ulu busie bɔbla buɛɛ.

Budie Taatina 11:3

Ndubute mina kenye bediene inyɔ ɔyikun na bedie-mi kenye na emeyi apim unwi ku emeyi eti alɔ ku leevu kemmo. Badubunyimi adala ani mɔɔtina ka beewulo kɔnyana na bekyuli alaekpidi ɔsu.”

Ester 4:1

Ka Mordekai únu ɔku ɔmmɔ kenye ni, ɔ́ni nwuna awu ɔni na ɔkya ɔ́bwɛ, na úti adikpi ɔ́sabla, na ɔ́kpi ntɔ anumi, na ɔkɛ uuwulo momoomo taavi na Susa ɔma ɔmmɔ ƒui kemmo.

Yona 3:7

Ɔga ɔmmɔ ku nwuna benengu bátala na bakɛ beete Niniweƒuɔ ƒui bɔti banii, “Bekyuli ku ɔmantɛ bakɔ ku baƒonu ƒui badubo kɔka bulie, na baaadubo ntu muedi bɔni.

Israelƒuɔ Bɔlɛ 33:6

Anwuɔsu ka bátɔlɔ Sinai kɔbi lɛlɔ mmɔ ni, básɔ bátada sika ugyiedi ala.

Baga 2 19:1

Uwi ɔni na Hesekia ɔnya únu bekyuli bammɔ kenye kani na ɔ́ni nwuna adala ɔ́duli na lɛƒɛda kemmo, na úti adikpi ɔ́da lɛlɔ na ɔ́tɔlɔ úsie Unwoti kakpakɔ.