Yona 3:10 - Katɔti Ɔku Kedee

¹⁰ Ka Katɔti ɔ́nu kalɛ na bávumana na báda bana likyulikpi báya ɔsu ni, ɔ́vumana nwuna kasusu na ɔ́sɔ útani-ma kɔtu aani kalɛ na ɔ́su use kalɛ.

Yona 3:10 Referans Kwoze

Yeremia 18:8

na kadi kammɔ bekyuli bávumana bana udu na baabla lɛbuni ni, ndubɔvumana mina kasusu na kɔtu kɔni na nnii mɔɔní-ma lɛlɔ.

Luka 15:20

Amu na ɔ́ta kɔnakunwi na úti ala na ɔ́yu ulu úsela ɔti kudɔ. “Ka ɔti ɔ́nu-nwu ɔ́ti ɔni na ubidi ɔmɛni ɔmu ɔkɛ ɔgyu ɔdubo ni, ubidi lɛlɔ lɛ́bla-nwu kɔnyana, na úkeli útátu ɔda-nwu ku kubiti.

Amos 7:6

Na lɛla lɛmɛni líkpoku Unwoti ɔlati, anwuɔsu enu áƒɛ-nwu ka ɔbla lɛla lɛni na ɔ́su. Na ɔnini, “Nsɔ lɛɛɛdubo bɔya na anwu lɛnɔ ubo-nwu kemmo lɛni.”

Luka 11:32

Niniweƒuɔ badubɔta benye na bebo-mii lɛnimi enwu na litemi bɔtɛ limeyi. Ɔsika uwi ɔni na Yona ɔ́su-ma Katɔti litemi ni, bávumana udu na bénwini bana ekpidi kudɔ. Nsu mɔɔsu-mii geen ka ni, ukyuli ɔdi ɔkya-mii akɔ mɛni na utulo Yona!

Israelƒuɔ Bɔlɛ 32:14

Ɔmɛni ɔsu Unwoti kasusu kávumana, na útaya na ɔgbankpi ɔni na ɔ́su ka webo nwuna bekyuli lɛlɔ ubo-nwu kemmo lɛni.

Amos 7:3

Na lɛla lɛmɛni líkpoku Unwoti ɔlati, anwuɔsu enu áƒɛ-nwu ka ɔbla lɛla lɛni na ɔ́su. Na ɔnini, “Nsɔ lɛɛɛdubo bɔya na ubo-nwu kemmo lɛni.”

Yoel 2:13

Ɔɔɔdi bina lɛwu na bɛɛní bɛbwɛ biti bɛtina ka biiwulo kɔnyana. Mmomu binwini bibo-mi kudɔ ku kayi kani muunú ɔlɛ na bina ekpidi ani na bɛ́bla lili. Mɔɔnu kɔnyana na mbo lɛƒɔndia na ndaku ukyuli lɛda. Neeeti kɔnyi buti buti. Na naaayɔ ka ntaani kɔtu lɛnɔ.

Yona 4:2

Ɔmɛni ɔsu ɔ́kpali Katɔti ɔnini, “Unwoti ɔɔɔdi ɔmɛni na lɛ́su nnii aaadubo ɔma ɔmɛni bɔkyula iye ɔ́si ɔni nkya ɔma. Ɔmɛni ɔsu na lɛ́kya ɔkplu ka likeli lisie Tarsis! Ngyi ka awɔ adi kɔnyana ɔnune Katɔti na ebo kayi buɛɛ uwi ndi uwi, na aakana tavumana ƒula kasusu uwi biala kemmo kalɛ na aláni ukyuli kɔtu lɛnɔ.

Ala Alɛdi 1 21:15

Na ɔmmɔ kama ni, ɔ́ya na nwuna ɔtu ɔdi úbo kalɛ na ubayila Yerusalem udu ƒui. Nsu uwi ɔni lɛlɔ na ɔtu ɔmmɔ ɔ́klibi lɛlɔ ka use kabla kammɔ kalɔ kani na bekyuli bammɔ lɛlɔ lɛ́bla Unwoti kɔnyana na ala ani néebo-ma lɛlɔ ɔsu na ɔ́bala ɔtu ɔmmɔ ɔnini, “Sɔ nye! Bana lɛbibo lɛ́bɔ.” Na ala amɛni álɛ na Yebusini ɔnana ɔni baalɔ banii Arauna kakpa kesii kani na uuwiile nwuna edula ebi mmɔ.

Yesaia 30:18

Unwoti Katɔti ɔɔyɔ́ geen ka ɔnu-mi kɔnyana ku lɛƒɔndia, ɔsika Unwoti ɔdi Katɔti ɔni mɔɔtɛ litemi na ulu siin lɛlɔ. Na bekyuli bani ƒui muunye taanu-nwu anumi ni, uute-ma kusɛ kusɛ.

Yeremia 36:3

Na aka ala ammɔ ƒui atina Yudaƒuɔ. Ɔƒɛni kalɛ si bénu ɔgbankpi ɔni na lɛ́su ka ɔdubɔlɛku-ma si betenwini kayi ni, ɔdubɔya na bada alaekpidi bɔbla baya na si bénwini bébo-mi kudɔ ni, ndubuti lɛkyiɛ-ma.”

Yeremia 42:10

Nsu muute-mii bɔbuɛ, ɔsika bina ɔbladu náya na ɔdi ka lɛni-mii kɔtu kɔmmɔ udu. Na mɔɔsu-mii ɔƒaani nnii bɛsɔ bilie Yuda mɛni kani na ndubɔsɔku-mii lɛlɛ aani kalɛ na baalɛ lɛla lɛdi na lɛnu-mii lɛlɔ na bɛbi lɛlɔ. Na ɔɔɔdi ɔni na lɛgyingya-mii iye lɛgyu-mii lidie bina kenyekɔ ku ligyiitu.

Yona 4:11

Na Niniwe ɔma bonwu ɔmɛni kemmo ni, bekyuli bani metulo aani nkyuli apim eti anyɔ ku aavlanyɔ bakya. Na bebuo lidu lidu mpim eti anyɔ lɛnɔ bakya. Na bana ƒui baaagyi likpidi ku lɛbuni kavumana. Si ama baayii ku udu ni, utalɛka ukpoku-mi?”

Agba 28:13

Bekyuli bani muuti ala teebi bana ekpidi ni, ala aládianku-ma. Nsu si bédie-nya kalɔ na béni-nya ni, Unwoti ɔdubɔnu-ma kɔnyana.

Yeremia 18:7

Si lɛ́kya-mii ngba liƒu ka ndubɔyila kadi bekyuli bani na bebo likyulikpi udu badi