Yona 2:6 - Katɔti Ɔku Kedee

⁶ Lɛ́yu lísie ɛpu ntu kalɔ kalɔ na abi enengudi ƒui kalɔ kesii kani na lɛ́bu nnii bébo-mi lɛkpu bákya uwi ƒui. Nsu awɔ Unwoti mina Katɔti áda-mi édie éboku ngba.

Yona 2:6 Referans Kwoze

Kɔgya 30:3

O mina Unwoti, édie-mi na kaƒiɔtɔ kemmo na línwini líbo nli ngba.

Kɔgya 16:10

Na alanyonu mina kɔyu alakya kekpine. Na lɛnɔ ni, alaya ƒula Ubi Kedee ɔlɔna webu.

Yesaia 38:17

Geen ni, ami mina bɔdia ɔsu na lɛbibo lɛmɛni líbo-mi lɛlɔ. Nsu na ƒula lɛƒɔndia ɔsu ni, ánu-mi lɛlɔ, na áda-mi édie kaƒiɔtɔ kani mɔɔyila ukyuli udu kemmo. Na énwini kama ákya mina alaekpidi.

Habakuk 3:10

Uwi ɔni na áda álɛ ni, abi ammɔ aatɔ́ kpakpaakpa, na ɔnantu ɔɔna taasi liƒlukutu kemmo, na ɛpu uubó avlɔvɔ taakɔ taayu na ɔɔkwanyi ku kɔku bonwu.

Habakuk 3:6

Si údi únye ni, kalɔ kammɔ ƒui kaakunku. Na si ɔ́nu ɔnusɛ ni, kadi bekyuli ƒui baatɔ́ kpakpaakpa. Na si ɔ́sia nwuna lilu kuuku lɛmmɔ lɛlɔ ɔɔví ni, abi ku abinkpo ani nnye uwi ƒui mmɔ aanyonu lɛlɔ na aabwɛ.

Yesaia 40:12

Ɔma ndubɔkana na ɔkɔku ɛpu ntu bumomo ku bɔgyu na nwuna lɛkɔkɔ iye unene kayaa ku nwuna enu na ɔti kana bune? Ɔma ndubɔkana na ɔsala kalɔ kamɛni lɛti uwi kagyigyɛ kemmo? Na ɔma ndubɔkana na uti abi ku abinkpo ɔsia unu lɛkɔkula lɛlɔ, na ɔti-nya unu?

Kɔgya 143:7

Unwoti, nu-mi bɔkpali. Mina lɛnunsia lɛ́sa. Na téti lɛlɔ tabɛla-mi, si ɔɔɔdi lɛni ni, ndubo bukpi aani bamanvine bani ntɔ kalɛ.

Kɔgya 104:8

taayu abi ammɔ lɛlɔ na bútéduo kɔwɛ kemmo kesii kani na áƒuna éte-mu.

Kɔgya 104:6

Áya na ntu buwi-ka anumi aani kɔdi, na abi muedi alátina.

Kɔgya 65:6

Ebo ɔyikun, na ƒula ɔyikun ɔmmɔ lɛlɔ na áya na abi ƒui enye ana kenyekɔ.

Kɔgya 55:23

Nsu ni, O Katɔti, adubɔya na bekyuli badune ku ɔkɔ banyine bamɛni bekpi na bakya-ma kaƒiɔtɔ kemmo na bayii udu ɔni na bana ngba bulene. Nsu ami ni, mina anu ƒui adubɔsia-a lɛlɔ.

Kɔgya 30:9

Lɛ́nu lɛ́ti ka aaadubo kɔsia kɔdi bɔkɛ si líkpi. Ɔsika si línwini lɛti ni, dɛ na ndubɔkana na limwi-ɔ iye libo-ɔ kudu na ƒula lɛƒɔndia lɛni naaavumana kudii lɛlɔ?

Hiob 33:28

Údie-mi ɔ́siku kukpi enu kemmo na ńteduo kekpine. Mmomu ɔ́ya na nsɔ nlie ngba.’

Hiob 33:24

Na ɔtu ɔmmɔ ɔɔnu ukyuli ɔmmɔ ku lɛƒɔndia na ɔbɔku kukpi ku kaƒiɔtɔ kammɔ ƒui ɔnii betebo-nwu lɛkpu, ɔsika báaƒɔ kayu biala na nwuna lili.

Lɛkpa Ulu 32:22

“Mina kɔnyi kɔdubo bɔta bɔda aani ogya kalɛ na lɛkyula lɛla biala na kayawi. Na ɔvi utákyula lɛla biala na lɛkya kalɔ kalɔ. Na ɔkyula abi ƒui.

Mateo 16:18

Anwuɔsu mɔɔsu-ɔ ka awɔ ndi Petro ɔni kalɔ ndi lɛtakpɛ. Na lɛtakpɛ lɛmɛni lɛlɔ na ndubuti mina baƒɔtaadine lɛtu linyine aani ɔtɔ kalɛ. Na kukpi ɔyikun muedi ulakana-ma lɛlɔ bɔdi.

Kɔgya 18:5

Kukpi abuli ényimi-mi. Na kunye-mi anumi kɔɔkya-mi liƒu uwi ndi uwi.

Kɔgya 116:3

Kukpi ɔgbankpi abuli ényimi-mi. Na kekpine kénwini aani liƒu kakpagyuɛ kani ndubo-mi budie.

Yesaia 38:10

“Lɛ́kali ka uwi ɔni na mina ngba búle ntɛ ni, líduo kekpine lɛ́wɔlɔ na nsɔ lɛɛɛdubo mina ngba emeyi akladi bɔnu.

Esekiel 26:20

na bɛyii bɛkya kekpine kesii kani na bati kuuku bani lɛma na bábwɛ bésie bákya ɔ́si kukuuku uwi ƒui. Mmɔ na bɛdubo bɔkya na bɛsɔ bilabla ɔma bonwu ɔni na bekyuli badubɔƒɔ-nwu kemmo pii kudii.

Esekiel 31:14

Na kugyii kɔdi kɔsɔ kɔɔɔdubo lili bɔlɛ na kɔkuku aani kugyii kɔmɛni udu kudii ina bi ntu nkya-ku. Kugyii biala kɔdubo bukpi aani kalɛ kani na ukyuli uukpi na kuduo kalɔ kemmo na kekpine.

Kɔgya 69:2

Na lɛba lɛɛyɔ́ liƒie-mi, ɔsika mina lɛgba lilakɛ kenyekɔ. Ligyu kemmo na ḿbedu na ntu bɔni mɔɔgbá momoomo mmɔ bɔɔyɔ́ butiku-mi.