Yona 1:9 - Katɔti Ɔku Kedee

⁹ Mmɔ na Yona údie kenye ɔnini, “Hebrini na ndi. Na mɔɔkpali Unwoti Katɔti ɔni nkya katɔ. Na anwu nédie kalɔ ku ɛpu.”

Yona 1:9 Referans Kwoze

Nehemia 9:6

Awɔ lɛti ndi Unwoti. Na awɔ nédie katɔ ku katɔ katɔ ƒui muedi, ku ala ani nkya-nya kemmo. Na awɔ kani nédie kalɔ ku ala ani ƒui nkya-ka ƒui kemmo ku ɛpu ku ala ani ƒui nkya-nwu kemmo. Na awɔ muute lɛla biala ngba, na ala ani nkya katɔ eeboku lili kalɔ teete-ɔ.

Kɔgya 136:26

Bɛgya Katɔti ɔni nkya katɔ enu. Ɔsika ɔɔyɔ́-bu uwi ndi uwi.

Nehemia 1:4

Amu ka línu etemila amɛni ni, lílie kalɔ emeyi adi na líwulo kɔnyana na línyimi kenye na lívele Unwoti ɔni nkya katɔ na lɛ́kpali-nwu.

Esra 1:2

Na ɔda ɔni na úbo ndi ɔmɛni. Lɛni na ami Ɔga Kores mɔɔsu. Unwoti Katɔti Ɔyikune úti kayawi lɛga kɔdikɔ ƒui ɔ́kya-mi kalɔ na ɔ́ƒuna-mi ka lɛtu kakpakɔ lite-nwu na Yerusalem na Yuda kalɔ lɛlɔ.

Baga 2 17:28

Ɔmmɔ ɔsu Israelni ɔkpane ɔni bábɔku bálɛku Samaria únwini na útélie Betel na ulie mmɔ ɔɔtina bekyuli bammɔ kalɛ na baakpá Unwoti.

Baga 2 17:25

Na uwi ɔni na bekyuli bammɔ báka mmɔ butélie ni, na bekyuli bammɔ balákya lili kalɔ teete Unwoti. Ɔmmɔ ɔsu Unwoti ɔ́ya na bagyata bábadu badi.

Ala Kalɔ Buse 14:13

Na ukyuli ɔni kani nákana bukeli ni, anwu nébo ubedie litemi lɛmɛni kalɔ úte Abram, Hebrini ɔmmɔ. Na uwi ɔmmɔ kemmo ni, Abram kakyakɔ kedenku Mamre egyii enengudi ammɔ. Na Mamre ɔmɛni ɔdi Amorini ɔni ndi Eskol ku Aner ɔnwani. Na bekyuli bamɛni ƒui ni, ama ku Abram básala lɛlɔ na badi benwi.

Budie Taatina 16:11

Na bekyuli bammɔ béwida Katɔti, ɔsika bana alɛbi áya na beenú ɔlɛ geen! Nsu bátada bana alaekpidi bɔbla bátaya.

Budie Taatina 15:4

Ɔma makana-a anumi bunye na ulayia awɔ Blɔti, na uleti bumwi ulete ƒula lɛnyi? Ɔsika awɔ lɛti nse kedee, na kalɔ ƒui bekyuli badubo babakya-a lili kalɔ. Ɔsika bédie bátina ka aabla lɛla biala ulu siin lɛlɔ.”

Budie Taatina 11:13

Kɔnakunwi ni, kalɔ bɔkunku kpakplaa bɔdi bɔ́lɛ na ɔma ɔmmɔ lɛkpa leevudi lɛ́bwɛ, na bekyuli mpim maatɛ békpi. Liƒu pim líƒie bekyuli bakladi, na bákɔliku Ati ɔni nkya katɔ lɛnyi katɔ!

Ƒilipiƒuɔ 3:5

Uwi ɔni na lɛ́kɛ Kwasida unwi ka báwɔ-mi kani na békulo-mi lego. Na ami lɛnɔ ndi Israelni. Na lɛ́si Benyamin kaba kemmo. Na mina bati kuuku badi Hebriƒuɔ geen. Na si Mose ɔda bubo lɛti pɛ lɛlɔ bɔdi ɔsu ni, na nka Ƒarisini na ndi.

Batalane Kabla 27:23

Ɔsika kamaadi usien ni, Katɔti ɔni mbo-mi na anwu na mɔɔkpá ni, nwuna ɔtu ɔdi úbenye-mi kudɔ.

Batalane Kabla 14:15

básu banini, “Ati bene, bi na bɛɛbla mɛni? Abu lɛnɔ bekyuli bayawine kani na bɔdi aani amii kalɛ. Búbo mɛni bɔnii buuti litemi buni lɛmɛni buboku-mii. Bɛda ala keeke amɛni udu kama bɔsiaku bɛya na binwini biteemwi Blɔti ɔni mbo ngba. Anwu nédie katɔ ku kalɔ ku ɛpu ku ala ani nkya-nya kemmo ƒui!

Hosea 3:5

Nsu kama ƒui ni, Israel ɔdubɔsɔ unwini usie nwuna Unwoti Katɔti ku nwuna Ɔga Dawid kudɔ. Badubusie Unwoti kudɔ ku bɔyia ku ɔbu. Na emeyi ekplodi ammɔ kemmo ni, badubɔnu nwuna lɛƒɔndia.

Daniel 2:44

Na uwi ɔni na baga bammɔ badubo bekyuli lɛlɔ butaadi ni, Katɔti ɔni mɔɔdi lɛla biala lɛlɔ ɔ́siku katɔ kakaaka mmɔ ɔdubudie lɛga kadikɔ bamba kadi use kani ndubunye kete uwi ƒui na kelebo kawɔlɔkɔ kudii. Na kadubɔbla aani lɛtabi lɛni na bánwi básiku kɔbi lɛlɔ mmɔ, na ɔɔɔdi ukyuli nánwi-ni. Lɛtabi lɛmɛni nábwɛ abuala kpakplaa ku abuala egyiedi ku lɛti ku sika ɔƒualadi ku sika ugyiedi ɔmmɔ ƒui. Ɔga Ɔbune, na ƒula kɔna kemmo ni, Katɔti Ɔyikune Ƒui ɔ́su-ɔ lɛla lɛni ndubo libalɛ na ɔdi ka aƒɔ kalɔ budie bɔmɛni adi.”

Hiob 1:9

Ka Satan únu kenye kamɛni ni, údie kenye ɔnini, “Ɔɔɔdi keeke na Hiob ɔɔbu-ɔ na ɔɔyɔ́-ɔ lɛni nɔɔ?

Nehemia 2:4

Amu na ɔga ɔmmɔ ɔ́su ɔnini, “Bi na aayɔ́ ka lɛbla lite-ɔ?” Amu na lɛ́kpali Ati ɔni nkya katɔ

Esra 5:11

“Amu na bédie kenye banini, ‘Bɔdi Katɔti ɔni nédie katɔ ku kalɔ kabla bablane. Na Unwoti kakpakɔ kani na Israelƒuɔ ɔga ɔdi ɔni mbo ɔyikun ɔ́tu dii ni, bɔ́sɔku ka bɔɔtú.

Ala Kalɔ Buse 39:14

ɔ́lɔ nwuna kaduli kabla bablane. Mmɔ na ɔ́su-ma ɔnini, “Bɛnu ka Hebrini ɔni na bákpanku béboku mɛni úbo úbanu-bu ɔ́wɔlɔ. Úbo ɔnii ubatɛ-mi kudɔ.

Israelƒuɔ Bɔlɛ 1:15

Amu na Egyipteƒuɔ ɔga ɔmɛni ɔ́su Siƒra ku Pua bani mɔɔƒɔ́ kɔwɔ teete Hebriƒuɔ beleku bammɔ ɔnini,

Israelƒuɔ Bɔlɛ 2:13

Na ka kadi kégye ni, Mose ɔ́nu ka Hebriƒuɔ lɛti lɛti badi bakya beekpó. Amu na ɔ́su ɔnwa ɔni náƒiɔ ɔnini, “Bi ɔsu na eebó ƒula ɔnwa Hebrini?”

Ala Kalɔ Buse 1:10

Na kesii kani nákwii mmɔ na Katɔti ɔ́lɔ ɔnii, “kalɔ,” na ntu bɔni násala lɛlɔ buwi likpo linwi mmɔ na Katɔti ɔ́lɔ ɔnii, “ɛpu.” Na Katɔti ɔ́nu ka ɔdia.

Ala Kalɔ Buse 24:7

Na ɔ́sɔ ɔ́su-nwu ɔnini, “Unwoti ɔni ndi Katɔti ni, anwu nálɔ-mi ɔ́siku mina ɔti kaduli ku mina kalɔ lɛlɔ. Na anwu nákpali lɛlɔ úse-mi kenye ɔnini, ‘Ƒula bawɔ na ndubuti kalɔ kamɛni lite.’ Anwu ɔmmɔ ndubɔya na nwuna ɔtu ɔtɔnku-ɔ. Na ɔdubɔya na akɛ uleku asiku mmɔ eboku mina ubi ɔnanabi.