Yona 1:7 - Katɔti Ɔku Kedee

⁷ Amu na bekyuli bani ƒui nkya ɔkɔlɔ ubendi ɔmmɔ kemmo básala eli lisu na básu banini, “Bɔdubo egulabi bɔtu bɔnu ukyuli ɔni lɛlɔ ɔsu na bɔɔkɛ́ ɔgbankpi ɔmɛni udu.” Na ka bátu-ni, Yona lɛnyi nálɛ.

Yona 1:7 Referans Kwoze

Agba 16:33

Adubɔkana na ebo egulabi akɔliku katɔ, nsu Unwoti mɔɔtina ɔƒɛnyi ɔni lɛlɔ na ɔdubo bɔyu.

Yosua 7:10

Amu na Unwoti ɔ́su Yosua ɔnini, “Ta pla! Bi ɔsu na ebi kalɔ lɛni?

Bumomo Bɔka 32:23

“Nsu si bɛ́nyi ɔkɔ na bítesie bítetékpo bɔdi ni, na bɛnu bɛti ka bɛ́bla likpidi na lɛdubo-mii budie bute.

Batalane Kabla 13:19

Na ɔ́kyula kɔlɔ akpa maatɛ bekyuli na Kanaan, na úti bana kɔlɔ kɔmɛni úte Israelƒuɔ aani bana kadikɔ.

Mateo 27:35

Amu na bekpone bammɔ bákana-nwu bámana ugyii lɛlɔ na bátu egulabi asa na béti nwuna lɛwu béle béte lɛlɔ.

Kɔgya 22:18

Beele-mi lɛlɔ ala teete lɛlɔ. Na baatu egulabi na mina awu lɛlɔ.

Korintoƒuɔ 1 4:5

Anwuɔsu ni, ɔdi utatɛku ɔkpanadi litemi wetédu ka uwi ɔbuni ɔmmɔ webo. Si uwi ɔni na Blɔti úbo ni, anwu ndubɔtɛku ukyuli biala litemi na limeyi likplodi lɛmmɔ lɛlɔ. Na anwu ndubudie kasuudikɔ ala abɛdi keyi na ɔdubudie ala ani na bekyuli kakali kadanku ɔtina. Mmɔ na Katɔti ɔdubumwi ukyuli biala kalɛ na ɔ́bla nwuna kabla ɔ́vinku.

Hiob 10:2

Katɔti, buvele, tadu-mi kɔtɔ. Mmomu su-mi lɛla lɛni na lɛ́bla-a na eedie-mi bɔƒiɔ.

Ester 3:7

Na uwi ɔmɛni kemmo ni, Ahasweros úuduo nwuna lɛkwa aavlanyɔdi kemmo ka ɔɔdi lɛga. Na bana kɔbuli kudeedi kɔni baalɔ Nisan kemmo ni, Benengu badi bábatu egulabi banu na Haman anumi na bati uwi ɔni na ɔ́manku ka badu Yudaƒuɔ bammɔ. Na egulabi ammɔ átina ka kɔbuli leevu-kunyɔdi kɔni baalɔ Ada na ɔlɛka babla lɛla lɛmmɔ.