Yona 1:6 - Katɔti Ɔku Kedee

⁶ Amu na unengu ɔni mɔɔka ɔkɔlɔ ɔmmɔ útánu Yona ka ɔtɛ ɔlɛɛ, na úye-nwu ɔnini, “Bi ɔsu na atɛ alɛɛ lɛni? Ta pla na akpali ƒula Katɔti na eye kebunku. Ɔƒɛni kalɛ ɔdubɔnu bu kɔnyana na ɔƒɔ-bu ngba.”

Yona 1:6 Referans Kwoze

Yona 3:9

Ɔƒaalɛ Katɔti ɔdubo bɔvumana nwuna kasusu, na ɔnu-bu kɔnyana na nwuna kɔnyi kɔsɔ kulebo-bu lɛlɔ na ɔyila-bu ku udu.”

Samuel 2 12:22

Mmɔ na Dawid údie kenye ɔnini, “Uwi ɔni na ubi ɔmmɔ uli ngba ni, línyimi kenye na líwulo kɔnyana. Na mina kasusu ndi ka ukyuli ɔdi ɔɔɔgyi lɛla, ɔƒɛni kalɛ Unwoti ɔdubɔnu-mi kɔnyana na ɔya na ubi ɔmmɔ ɔnwanya na ɔsɔ ulekpi.

Eƒesoƒuɔ 5:14

Ɔsika lɛla lɛni na bédie keyi líduo bukeye kemmo. Ɔmɛni ɔsu na básu banii, “Awɔ ɔni mɔɔlɛɛ ni, gyinya na ata alɛ bekpine akɔ, na Kristo ɔdubukeye uwi-ɔ lɛlɔ.”

Amos 5:15

Bini likpidi na bɛyɔ lɛbuni bɔbla. Na bɛya na litemi geen kama bɔsia bɔkya bina etemila katɛkɔ. Ɔƒɛni kalɛ Unwoti Katɔti Ɔyikune Ƒui ɔdubɔnu Yoseƒ kaba kemmo bebi bani nébu kanyana.

Batalane Kabla 21:13

Mmɔ na ɔ́su-bu ɔnini, “Bi ɔsu na biiwulo na bɛɛƒɛ-mi enu lɛni? Ami lɛ́tuna ka benyimi-mi na Yerusalem, na likpi lite Blɔti Yesu lɛnyi.”

Yoel 2:11

Unwoti Katɔti mɔɔtɔnku bekpone lisu bonwu bamɛni na beenú-nwu lɛdi. Katɔti litemi bɔtɛ limeyi lɛdi liƒu limeyi bonwu geen na ukyuli biala ulakana-ni kenye bunye.

Esekiel 18:2

“Esekiel, muunú Israelƒuɔ lɛsugba kukuuku lɛdi lɛni na ɔdi biala ɔɔsu ɔnini, ‘Ebi ekpidi ani na bawɔne bádi ni, nyana ɔdu mɔɔƒɔ́ lɛlɔ taakya bana bebi nnye kemmo.’

Yesaia 3:15

Unwoti Ɔyikune Ƒui ɔnini, “Ulu ɔmani udu na bɛ́kɛ, na bɛɛkɔ́ mina bekyuli bawabane kpɛtɛ kpɛtɛ lɛni binwini ɔtumu?”

Kɔgya 107:6

Mmɔ na báva bákpali Unwoti na bana lɛbibo kemmo. Na údie-ma sɔsɔ.

Kɔgya 78:34

Na uwi biala na ɔ́ya na badi békpi lɛni ni, bakladi baata ku usi na babawia-nwu kama ulu, Na benwini bebo-nwu kudɔ ku bana kayi ƒui.

Ester 4:16

“Sala Yudaƒuɔ bani ƒui nkya Susa ɔma kemmo lisu, na binyimi kenye emeyi atɛ usien ku ɔƒɛ na ami ɔsu, na ɔdi utadi lɛla lɛdi. Ami ku mina beleku kabla bablane bani mɔɔnu-mi lɛlɔ lɛnɔ bɔdubɔbla lɛni kani. Na si bɔ́wɔlɔ ɔmɛni ni, ndubusie ɔga kudɔ ina ka kuƒi kuuubo lɛni. Na si kukpi na ɔdi ka likpi lɛnɔ ni, na likpi ƒaa.”

Romaƒuɔ 13:11

Bɛgyinya! Na bɛsia ulu ɔmɛni lɛlɔ. Ɔsika bɛgyi uwi ɔni kemmo na bɔkya. Uwi ɔni kemmo na Katɔti ɔdubɔƒɔ-bu úude útulo uwi ɔni na bɔ́ƒɔ Kristo bɔ́di kalɔ kesekɔ.

Yona 3:8

Bekyuli ku bebuo ƒui báda lɛlɔ na béti bátina ka bana alaekpidi éduo-ma. Na ukyuli biala ɔ́kpali Katɔti ku nwuna kayi kemmo ƒui, na báda bana likyulikpi ku ekpidi ƒui bɔbla báya.