Yona 1:4 - Katɔti Ɔku Kedee

⁴ Amu na Unwoti ɔ́ya na ɔƒɛƒɛɛ ubendi ɔdi úkpo na ɛpu lɛlɔ. Na ɔƒɛƒɛɛ ɔmmɔ ɔ́yu ɔkplu geen ɔni na ɔkɔlɔ ɔmmɔ ɔ́ya bɔbwɛ muedi.

Yona 1:4 Referans Kwoze

Amos 4:13

“Ami nédie abi ku ɔƒɛƒɛɛ. Na ami mɔɔyá na bekyuli baatí mina kasusu. Na ami mɔɔyá na ɔƒɛ kadi kaasá. Na mɔɔkɔ́ taayu abi ammɔ ƒui eli ku kesi kesii. Ami ndi Unwoti Katɔti Ɔyikune Ƒui ɔmmɔ!”

Kɔgya 135:7

Ɔɔyá na liƒlukutu lɛɛsí kalɔ ekpo ƒui taakɔ katɔ. Na ɔɔyá na katɔ kaabwɛ ogya na ɔnantu ɔɔna. Na ɔƒɛƒɛɛ ɔɔsí kesii kani na ɔ́bala-nwu ɔ́kya na uubo teebekpo.

Israelƒuɔ Bɔlɛ 10:19

Amu na Unwoti ɔ́vumana ɔƒɛƒɛɛ ɔmmɔ bukpo na ɔbambadi úkpo kpakplaa ɔ́si ɔƒɛ kanukɔ. Na ɔƒɛƒɛɛ ɔmɛni úbo baalɔlɔ bamɛni ƒui útákya Ɛpugyie kemmo. Na baalɔlɔ bammɔ ɔdi biala ɔ́sɔ útebu na Egyipte kalɔ lɛlɔ.

Bumomo Bɔka 11:31

Kɔnakunwi Unwoti ɔ́ya na ɔƒɛƒɛɛ ubendi ɔdi úkpo na ɔ́sala baasɛ wɛlɛ wɛlɛ badi ɔ́siku ɛpu kudɔ. Na bakya beeveyi taavi kalɔ kalɔ. Na bébo bewi bekyuli bammɔ kakyakɔ mmɔ ƒui.

Israelƒuɔ Bɔlɛ 15:10

Nsu ka Unwoti ɔ́nya ɔ́nwuna kunwi pɛ kani na ɛpu ɔmmɔ úti Egyipteƒuɔ bammɔ ƒui. Na bányi ntu kemmo aani lɛbuala lɛni mbo unu.

Israelƒuɔ Bɔlɛ 14:21

Amu na Mose únene nwuna ugyii ɔdadi ɔmmɔ ɔ́tina Ɛpugyie ɔmmɔ, na Unwoti ɔ́ya na ɔƒɛƒɛɛ bonwu ɔdi úkpo ɔ́si ɔƒɛ katukɔ kakɛ na ɔƒɛƒɛɛ ɔmɛni údi ɛpu ntu bɔmɛni úsienku kama na ɔ́ya na kalɔ kakwiidi kálɛ. Ntu bɔmmɔ búle lɛlɔ kemmo inyɔ,

Israelƒuɔ Bɔlɛ 10:13

Anwuɔsu Mose únene kɔnu na úti nwuna ugyii ɔdadi ɔmmɔ ɔ́tina Egyipte kalɔ kammɔ lɛlɔ, na Unwoti ɔ́ya na ɔƒɛƒɛɛ ɔdi úkpo ɔ́si ɔƒɛ katukɔ ɔ́vi kalɔ kammɔ lɛlɔ limeyi lɛmmɔ ku usien umodi. Na kadi buteegye ni, baalɔlɔ bani muubile ala mmɔ báyu bébewi geen.

Kɔgya 135:6

Lɛla lɛni mɔɔyɔ́-nwu kaƒɔ ni, ani na Unwoti Katɔti ɔɔbla na katɔ mmɔ ku kalɔ lɛlɔ ku ɛpu kemmo ku kalɔ kemmo ƒui.

Yeremia 51:16

Eedie lɛdi teete ntu bɔni na áya na bɔƒa kayaa na buudu ku kɔku bonwu. Na liƒlukutu lɛɛdá taalɛ kayaa. Aayá na ɔƒɛƒɛɛ ɔɔsí ƒula kesii kani na áklibi ala ése teebekpo. Na kayaa kemodi kaabwɛ ogya si ɔnantu ɔɔna.

Kɔgya 148:8

Ogya ku etubankɛ ku ulɔyɔ ku ɔƒɛƒɛɛ kpakplaa ɔni muukpó na biinú-nwu lɛdi ƒui bimwi-nwu.