Yona 1:12 - Katɔti Ɔku Kedee

¹² Amu na Yona ɔ́su-ma ɔnini, “Ngyi ka mina bɔƒiɔ ɔsu na ɔƒɛƒɛɛ ubendi ɔmɛni udu uukpó. Anwuɔsu bibo-mi bɛkya ɛpu kemmo na ɔƒɛƒɛɛ ɔmmɔ ɔdubɔda bukpo bɔya.”

Yona 1:12 Referans Kwoze

Samuel 2 24:17

Ka Dawid ɔ́nu Katɔti ɔtu ɔni mɔɔdú bekyuli bammɔ ni, ɔ́su Unwoti Katɔti ɔnini, “Ami ndi ukyuli ɔni nábla likpidi lɛmmɔ na bamɛni ama ni, baƒonu na badi. Bi na ama bábla? Ya na ƒula kukpi kɔtu bɔni bɔmmɔ bubo ami ku mina kaduli bekyuli lɛlɔ mmomu.”

Ala Alɛdi 1 21:17

Na Dawid ɔ́kpali Unwoti úvele ɔnini, “Mina bɔƒiɔ na bɔdi! Lɛ́bla likpidi na uwi ɔni na lɛ́su nnii baka bekyuli bammɔ. Ɔɔɔdi ama nábla likpidi lɛdi bese aani koƒonu kɔni naaakɛ ku lɛla. Unwoti Katɔti, buvele ya na lɛtuni lɛmɛni líbo ami ku mina kaduli bekyuli lɛlɔ. Ta ya na ɔlɛ buɛ ɔmɛni ɔdu ƒula kadi bekyuli ƒui udie.”

Yosua 7:12

Ɔmɛni ɔsu na Israelƒuɔ bátakana bunye bɔsiaku bana bekisine na bukeli mmomu na bekeli-ma. Ɔsika ala ani udu na ɔlɛka bɛyila ni, bíti-nya bɛkya lɛlɔ. Ɔmɛni ɔsu na ɔ́lɛku-mii lɛni. Na nsɔ lɛɛɛdubo bukpo bute-mii lɛnɔ wetédu uwi ɔni na bɛyila lɛla biala lɛni na lɛ́su-mii.”

Batalane Kabla 27:24

Na ɔ́su-mi ɔnini, ‘Paulo, sɔ tayia. Ɔlɛka atɛ ƒula litemi na Kaesare anumi! Katɔti lɛƒɔndia ɔsu ni, únu ƒula buvele na ɔ́nu-ɔ kɔnyana ɔnii awɔ ku belusiene bammɔ ƒui ɔdi ulekpi.’

Yohane 11:50

Bɛɛɛgyi bɛnii ɔdia ka ukyuli unwi ukpi na kadi ƒui lili utulo ka kadi ƒui bekyuli bayii ku udu?”

Etemila 9:18

Si ukyuli ubo lɛnunda ni, ɔdia utulo si ada ekpola. Nsu ukyuli ukpidi unwi ɔɔkana na ubile ala abuni pii.

Yona 1:11

Na uwi ɔmɛni ƒui kemmo ni, na ɔƒɛƒɛɛ ɔmmɔ bukpo bɔɔkɔ́ katɔ teebu, ɔmɛni ɔsu ɔkɔlɔ ɔmmɔ kemmo bekyuli béye-nwu banini, “Bi na ɔlɛka bɔbla-a ɔƒɛni asa na ɔƒɛƒɛɛ ɔmmɔ ɔda ɔya?”

Yona 1:13

Nsu ɔkɔlɔ ɔmmɔ kemmo bekyuli bákya ɔkplu ka basɔku ɔkɔlɔ ɔmmɔ besienku ketudɔ. Nsu uwi ɔmmɔ geen na ɔƒɛƒɛɛ ɔmmɔ ɔ́sɔ ɔ́nyi anyi úbu. Ɔmɛni ɔsu bátakana.

Hiob 35:8

Ƒula ekpidi ku abuni ani na aabla ni, bekyuli kani na adanku.