Yohane 2 1:5 - Katɔti Ɔku Kedee

⁵ Na ɔƒɛni ni, uleku ɔyɔne, muuvele-ɔ ka aya na bula ƒui bɔyɔ lɛlɔ. Ɔmɛni ɔɔɔdi ɔda bubo bɔwɔdi na muunweni lite-ɔ. Mmomu ɔdi ɔda bubo bɔni nkya ɔ́si kalɔ kesekɔ.

Yohane 2 1:5 Referans Kwoze

Yohane 1 3:11

Ɔmɛni ndi kenye kani na bínu bɛ́si kalɔ kesekɔ ƒui, na ani ndi ka ɔlɛka bɛyɔ lɛlɔ.

Tesalonikaƒuɔ 1 4:9

Na bina banwa baƒɔtaadine lɛlɔ bɔyɔ ni, útalɛka bunweni-mii lɛla lɛdi na ɔmmɔ lɛlɔ. Ɔsika Katɔti ɔ́tina-mii ɔmɛni ƒui.

Yohane 15:12

Na ɔda ɔni na líbo-mii ndi ɔmɛni. Bɛyɔ lɛlɔ aani kalɛ kani na ńtaayɔ-mii.

Yohane 1 3:23

Ɔda bubo bɔni na úse úte-bu ndi ka bɔƒɔ Ubidi Yesu Kristo ɔmmɔ bɔdi, na bɔyɔ bula lɛlɔ aani kalɛ kani na úbo-bu ɔda úbavi.

Yohane 1 4:20

Si ukyuli ɔdi ɔɔsu ɔnii ɔɔyɔ́ Katɔti nsu uukisi nwuna ɔnwa ɔƒɔtaadine ni, ɔkɔ ɔnyine na ɔdi. Ɔsika ukyuli biala ɔni naaayɔ ɔnwani ɔni na ɔɔnu ku nwuna anumi ni, dɛ na wakana na wayɔ Katɔti ɔni na ulánu ku anumi?

Petro 1 4:8

Na ɔni ntulo ƒui ni, bitaayɔ lɛlɔ ku kaƒɔ nwaa. Ɔsika si bɛɛyɔ́ lɛlɔ ni, bɛsɔ bilátaanu bina banwa ekpidi pii.

Petro 2 1:7

Na si bílie ngba bɔbuni bɔmɛni ni, na bɛkana na bɛdi kɔnwa geen. Na si bɛ́di kɔnwa geen kɔmɛni ni, na ɔya na bitaayɔ bekyuli ƒui.

Hebriƒuɔ 13:1

Bitaayɔ lɛlɔ uwi biala kemmo aani banwa kalɛ.

Eƒesoƒuɔ 5:2

Na bɛsiaku Kristo ɔbladu kama na bɛyɔ lɛlɔ aani kalɛ na ɔɔyɔ́-bu na úti lɛlɔ ɔ́kpa na bula lili aani akpala ƒɛƒɛɛ úte Katɔti. Na adi akpala ani mɔɔyɔ́ Katɔti kaƒɔ.

Galatiƒuɔ 5:22

Nsu Kɔyu ablala ani nse aani ebi buni kalɛ ni, anya ndi bɔyɔ ku kubiti ku keyi buɛɛ ku kayi bɔkɛ ku lɛƒɔndia ku lɛbuni bɔbla ku ala bɔbla ulu lɛlɔ

Yohane 15:17

Anwuɔsu ɔda ɔni muubo-mi ndi ɔmɛni. Bɛyɔ lɛlɔ.

Yohane 2 1:1

Ami baƒɔtaadine unengu muunweni ɔku ɔmɛni lite awɔ uleku ɔni na Katɔti ɔ́ƒuna aani nwuna ɔdi ku ƒula bebi. Mɔɔyɔ́-mii na litemi geen lɛmmɔ kemmo. Na ɔɔɔdi ami lɛti mɔɔyɔ́-mii, mmomu ami ku bani ƒui ngyi litemi geen lɛmmɔ.