Yohane 2 1:3 - Katɔti Ɔku Kedee

³ Na si bulie na litemi geen lɛmmɔ ku bɔyɔ kemmo ni, lɛƒɔndia ku kɔnyana bɔnu ku keyi buɛɛ kadubɔsiaku-bu ɔ́si Katɔti ɔni ndi bula Ɔti Ku Yesu Kristo ɔni ndi Katɔti Ubidi kudɔ.

Yohane 2 1:3 Referans Kwoze

Yohane 1 4:10

Bɛya na lɛsu-mii lɛla lɛni geen muudie bɔyɔ keyi. Ɔɔɔdi kalɛ na bɔɔyɔ́ Katɔti muudie bɔyɔ keyi. Mmomu Katɔti ɔ́yɔ-bu, na úti Ubidi ɔ́kpa na bula ekpidi lili kalɛ na ɔklibi abu ku-nwu ntɛ.

Romaƒuɔ 1:7

Ɔmɛni ɔsu na muunweni ɔku ɔmɛni lite amii bani ƒui nkya Roma na Katɔti ɔɔyɔ́-mii, na ɔ́lɔ-mii ka bɛbla nwuna badi. Katɔti ku Blɔti Yesu Kristo lɛƒɔndia ku keyi buɛɛ kasiaku-mii.

Timoteo 1 1:14

Mina tati tati ɔ́ya na lɛ́du-nwu kaƒɔ, na ɔ́ya na lɛ́nu Kristo Yesu lɛ́ti na lɛ́ƒɔ-nwu lɛ́di na lɛ́blaku-nwu unwi. Ɔmɛni ɔsu na ami lɛnɔ mɔɔyɔ́ bekyuli.

Timoteo 1 1:2

Na líti muute awɔ Timoteo. Agyi ka ubi na adi-mi na bɔƒɔtaadi kemmo. Na muuvele Unwoti Katɔti ku Blɔti Yesu nnii bana lɛƒɔndia lɛsiaku-ɔ na banu-ɔ kɔnyana na bete-ɔ keyi buɛɛ.

Galatiƒuɔ 5:6

Na si bɔ́bla unwi ku Kristo ni, lego bukulo ku tekulo ɔsɔ uuubo kɔsia kɔdi. Lɛla lɛni bɔɔwia ndi bɔƒɔtaadi bɔni mɔɔtina kalɛ na bɔɔyɔ́ lɛlɔ.

Yohane 2 1:1

Ami baƒɔtaadine unengu muunweni ɔku ɔmɛni lite awɔ uleku ɔni na Katɔti ɔ́ƒuna aani nwuna ɔdi ku ƒula bebi. Mɔɔyɔ́-mii na litemi geen lɛmmɔ kemmo. Na ɔɔɔdi ami lɛti mɔɔyɔ́-mii, mmomu ami ku bani ƒui ngyi litemi geen lɛmmɔ.

Timoteo 2 1:13

Da etemila geen ani na lɛ́tina-a ƒui kaduɛ na abla asiaku-nya lɛlɔ. Nye bɔƒɔtaadi bɔmmɔ lɛlɔ kpakplaa na abla unwi ku Yesu Kristo na bɔyɔ kemmo.

Sakaria 8:19

“Amii Yuda kadi bekyuli, ami Unwoti mɔɔwia ka uwi biala na bɛnii biinyimi kenye na biti bɛkpali-mi ni, ɔlɛka uwi ɔmmɔ unwini limeyi bɔdi uwi. Kɔbuli kunedi kɔdi o-o, kɔbuli kɔlɔndi kɔdi o-o, kɔbuli maatɛdi o-o, leevudi kɔdi o-o ni, ɔlɛka bɛdi limeyi ku lɛlɔyɔ. Anwuɔsu bɛyɔ litemi geen kama bɔsia na bilieku lɛlɔ ku keyi buɛɛ.