Yohane 1 5:1 - Katɔti Ɔku Kedee

¹ Bekyuli bani ƒui náƒɔ bádi ka Yesu ndi Ukyuli Ɔƒunadi ɔmmɔ ni, badi Katɔti bebi. Na alakana ubi ɔti bɔyɔ na ekisi nwuna bebi! Anwuɔsu si aayɔ́ Katɔti ni, aayɔ́ nwuna bebi lɛnɔ.

Yohane 1 5:1 Referans Kwoze

Yohane 1 2:29

Si bɛgyi ka Kristo use siin ni, ɔlɛka bɛti ka ukyuli ɔni mɔɔbla ala ani nse siin ni, ɔdi Katɔti ubidi aani Kristo kalɛ.

Yohane 8:42

Amu na Yesu ɔ́su-ma ɔnini, “Si Katɔti ndi bina ɔti ni, bɛdubɔyɔ-mi. Ɔsika Katɔti ɔmmɔ kudɔ geen na lɛ́si líbo mɛni. Ńtebo na ami ɔlati bɔyɔ kemmo. Mmomu anwu ɔmmɔ nátala-mi.

Yohane 1 4:7

Banwa bayɔne, bɛya na bɔyɔ lɛlɔ. Ɔsika bɔyɔ bɔ́si Katɔti kudɔ. Na ukyuli biala ɔni mɔɔyɔ́ bekyuli ɔdi Katɔti ubi, na ɔgyi Katɔti.

Yohane 1 3:14

Na bɔgyi ka bɔ́ɔlɛ kukpi enu kemmo, na búbo buli ngba geen, ɔsika bɔɔyɔ́ bula banwa baƒɔtaadine. Na ukyuli biala ɔni naaayɔ bekyuli ni, úkpi na kɔyu kemmo.

Yohane 1 5:4

Ɔsika Katɔti ubi biala ɔɔkana na ɔɔdi kayawi lɛlɔ. Na bɔƒɔtaadi ndi lɛla lɛni na buuti taadi kayawi lɛlɔ.

Yohane 1 4:20

Si ukyuli ɔdi ɔɔsu ɔnii ɔɔyɔ́ Katɔti nsu uukisi nwuna ɔnwa ɔƒɔtaadine ni, ɔkɔ ɔnyine na ɔdi. Ɔsika ukyuli biala ɔni naaayɔ ɔnwani ɔni na ɔɔnu ku nwuna anumi ni, dɛ na wakana na wayɔ Katɔti ɔni na ulánu ku anumi?

Yohane 1 3:9

Ama bani ndi Katɔti bebi ni, belélie taabla likpidi. Ɔsika Katɔti udu nkya-ma lɛlɔ kemmo ɔƒaani. Na ka Katɔti ndi-ma Ɔti ɔsu ni, balakana bulie butaabla likpidi.

Yohane 3:3

Amu na Yesu údie kenye ɔnini, “Mɔɔsu-ɔ geen ka ni, si bátasɔku ukyuli bátawɔ ni, Katɔti ulakana lɛga bɔdi na nwuna kayi kemmo.”

Mateo 16:16

Mmɔ na Simon Petro údie kenye ɔnini, “Awɔ ndi Ukyuli Ɔƒunadi ɔmmɔ. Na adi Katɔti ɔni nli ngba uwi ƒui Ubidi.”

Yohane 1 2:10

Na ukyuli biala ɔni mɔɔyɔ́ ɔƒɔtaadine ɔkpana ni, uli ngba na bukeye kemmo, na lɛla lɛdi liiibo-nwu lɛlɔ lɛni maya na weduo likpidi kemmo.

Yohane 15:23

Na ukyuli biala ɔni muukisi-mi ni, uukisi mina Ɔti lɛnɔ.

Yohane 1 4:2

Na ukyuli biala ɔni muudie kenye taasu ɔnii Kristo Yesu úbo aani ɔyawine kalɛ ni, ukyuli ɔmmɔ ubo Kɔyu kɔni nási Katɔti kudɔ. Na ɔmɛni ndi ulu ɔni lɛlɔ na bɛdubɔsia bɛti Katɔti Kɔyu.

Petro 1 1:3

Bɛya na bɔgya Katɔti ɔni ndi Blɔti Yesu Kristo Ɔti enu. Ka Katɔti ɔɔnu-bu kɔnyana geen ɔsu ni, ɔ́ya na bɔdubulie ngba bɔwɔdi na kɔyu kemmo, ɔsika ɔ́gyila Yesu Kristo ɔ́lɛku kekpine. Anwuɔsu na bubo lɛnunsia lɛni naaayii udu kudii.

Yakobo 1:18

Katɔti ɔkɛ ngba bɔƒɔ litemi geen lɛlɔ na ɔ́ya na bɔ́kɛ kɔyu kemmo ngba. Ɔ́bla ɔmɛni ɔ́siaku nwuna lɛƒɔyɔ lɛlɔ. Ɔsika ɔɔwia ka bɔbla bedeedi na nwuna ala ani na údie ƒui akɔ.

Yohane 6:69

Na abu bɔ́ɔƒɔ bɔdi na bɔ́ɔnu bɔ́ti ka awɔ ndi Katɔti Ubidi Kedee ɔmmɔ.”

Yohane 1 3:17

Si ukyuli ɔdi ubo ala adi na ɔɔnu ka ɔnwani ɔɔyaki nsu útete-nwu kebunku kadi mmomu ɔ́da anumi údie ɔnwani ɔmmɔ lɛlɔ ni, dɛ na wakana bɔsu ɔnii ɔɔyɔ́ Katɔti?

Batalane Kabla 8:36

Amu na uwi ɔni na bakɛ bésela ni, bátánu ntu bɔdi ka bunye likpo lɛdi na ulu kudɔ mmɔ. Na unengu ɔmmɔ ɔ́su Ƒilipo ɔnini, “Aanu ntu bɔdi. Bi ɔsu na naaakana Katɔti ntu bɔkpila ɔdi ɔmmɔ bɔƒɔ?” Amu na Ƒilipo ɔ́su-nwu ɔnini, “Si áƒɔ ádi ku ƒula kayi ƒui ni, adubɔkana.”

Yohane 1:3

Ɔkɛ Anwu ɔmmɔ lɛlɔ na Katɔti ɔ́sia údie lɛla biala. Na lɛla lɛdi liiibo ɔni na ɔɔɔdi nwuna lɛlɔ na Katɔti ɔ́sia údie-ni.

Yohane 1 5:5

Nsu ukyuli ɔdi ulakana kayawi lɛlɔ bɔdi amu ntu ɔ́ƒɔ ɔ́di ka Yesu ndi Katɔti Ubidi ɔmmɔ.

Yohane 1 5:18

Bɔgyi ka ukyuli ɔni ndi Katɔti Ubi ni, ulélie taabla likpidi. Ɔsika Katɔti Ubidi ɔɔgyumana-nwu kalɛ na uleduo ukisine ɔmmɔ enu kemmo.

Luka 7:5

ɔsika ɔɔyɔ́ bula kadi. Na anwu ɔlati ɔ́tu Yudaƒuɔ kasalakɔ úte-bu.”