Yohane 1 4:6 - Katɔti Ɔku Kedee

⁶ Nsu abu ni, bɔdi Katɔti badi. Na ukyuli biala ɔni ngyi Katɔti ni, uunú-bu litemi. Na ukyuli biala ɔni nátasi Katɔti kudɔ ni, ulenu-bu litemi. Ɔmɛni buuti taanu taati Kɔyu kɔni mɔɔtina litemi geen lɛmmɔ ku kɔyu kɔni mɔɔtɔ́lɔ bekyuli.

Yohane 1 4:6 Referans Kwoze

Yohane 14:17

Anwu ndi Kɔyu kɔni muudie litemi geen lɛni ndanku Katɔti lɛlɔ taatina. Nsu kayawi bekyuli balakana enu bugyingya bɔƒɔ-nwu. Ɔsika balanu-nwu balati. Nsu amii ni, Kɔyu kɔmmɔ kuliku-mii na kɔdubɔƒɔ-mii lɛlɔ kemmo ƒui.

Yohane 10:27

Mina baƒonu beenú-mi lɛla lɛni mɔɔsu-ma. Na ngyi-ma. Na ama lɛnɔ basiaku-mi.

Yohane 15:26

“Katɔti Kɔyu kɔni ndi Ubunkune ɔ́si Katɔti kudɔ ɔdubo. Na anwu muudie litemi geen lɛni ndanku Katɔti lɛlɔ taatina. Ami ndubɔtala-nwu lɛsiku Katɔti kudɔ lɛkya-mii. Na ɔdubɔsu-mii ala ɔsiku-mi lɛlɔ.

Yohane 1 4:1

Banwa bayɔne, bitaƒɔ kɔyu biala muulie ukyuli lɛlɔ bitadi. Mmomu bɛkɔku ɔdi biala bɛnu si kɔyu kɔmmɔ kɔ́si Katɔti kudɔ. Ɔsika ɔkɔ kenye bediene béegyingya bakya kayawi ekpo ƒui.

Yohane 1 4:4

Nsu amii bebi bayɔne ni, bɛ́si Katɔti kudɔ, na bɛ́ɛdi ɔkɔ kenye bediene bammɔ lɛlɔ. Ɔsika Kɔyu kɔni náƒɔ-mii lɛlɔ kemmo ni, kubo ɔyikun kutulo kɔyu kɔni nlie ama bani ndi kayawi badi mmɔ lɛlɔ.

Yohane 18:37

Ka ɔ́su-nwu lɛni ni, Pilato úye-nwu ɔnini, “Anwuɔsu ɔga na adi?” Amu na Yesu ɔ́su-nwu ɔnini, “Awɔ mɔɔsu ka ɔga na ndi. Na ɔmɛni ɔsu geen na báwɔ-mi. Na líbo kalɔ kamɛni lɛlɔ kalɛ na mbedie litemi geen lɛtina. Na ukyuli biala ɔni nkɛnku litemi geen lɛmmɔ ni, uunú lɛla lɛni na mɔɔsu.”

Korintoƒuɔ 1 14:37

Si bina akɔ ɔdi ɔɔkali ɔnii Katɔti kenye udiene na ɔdi iye ubo Kɔyu kemmo litela lɛdi ni, ɔdi ka ɔnu ɔti ka lɛla lɛni na muunweni-mii lɛdi ɔda ɔni na Katɔti úbo.

Tesalonikaƒuɔ 2 1:8

Na bekyuli bani naaabu Katɔti na bátaƒɔ Blɔti Yesu Kristo litemi buni bátadi ni, ɔdubɔni-ma kɔtu na lɛgyavonku kemmo.

Yohane 16:13

Nsu si uwi ɔni na Katɔti Kɔyu kɔni muudie litemi geen lɛni ndanku Katɔti lɛlɔ mmɔ úbo ni, ɔdubo-mii bɔtɔnku kalɛ na bɛnu litemi geen lɛmmɔ ƒui bɛti. Na ulatɛmi na anwu ɔlati ɔyikun kemmo. Mmomu lɛla lɛni na únu ni, ɔdubo-mii bɔsu na ɔsu-mii ala ani ndubo bɔlɛ.

Mika 3:8

Nsu ami ni, Katɔti Kɔyu kɔ́ƒɔ-mi lɛlɔ kemmo ƒui na úte-mi ɔyikun ka lɛtɛmi lɛsiku litemi geen lɛlɔ bɔdi ulu lɛlɔ siin. Na lidie lɛtina amii Israelƒuɔ kalɛ na bina ekpidi ese.

Yohane 1 4:8

Na ukyuli biala ɔni naaayɔ bekyuli ni, ɔɔɔgyi Katɔti. Ɔsika Katɔti ablala ƒui adi bɔyɔ.

Timoteo 1 4:1

Katɔti Kɔyu kuudie taasu-bu nwaa ka ni, asa na emeyi ekplodi adubudu ni, bekyuli badi badubɔlɛ bɔƒɔtaadi litemi geen lɛmɛni kama na basiaku ayu ekpidi katɔlɔ ku bani néti lɛlɔ béte ukisine ɔmmɔ ala bɔtina kama.

Yohane 13:20

Mɔɔsu-mii geen nnii ukyuli biala ɔni muugyingya enu taaƒɔ ukyuli ɔni na lɛ́tala ni, ami na ɔ́ƒɔ. Na ukyuli ɔni megyingya enu na waƒɔ-mi ni, anwu ɔni nátala-mi lɛnɔ na ɔ́ƒɔ.”

Yohane 8:19

Amu na béye-nwu banini, “Ńtɛlɛ ƒ'ɔti ɔmmɔ?” Yesu údie kenye na ɔ́su-ma ɔnini, “Bɛɛɛgyi-mi iye mina Ɔti. Ɔsika si bɔgyi na bɛgyi-mi ni, nka bɛdubɔti mina Ɔti lɛnɔ.”

Luka 10:22

Amu na ɔ́sɔ ɔ́su ɔnini, “Mina Ɔti úti ala ƒui úte-mi. Ɔdi biala ɔɔɔgyi ukyuli ɔni na Katɔti Ubi ɔmmɔ ɔdi, ntu Katɔti lɛti pɛ. Na ɔdi lɛnɔ ɔɔɔgyi ukyuli ɔni na Katɔti ɔmmɔ lɛnɔ ɔdi, ntu Ubidi ɔmmɔ lɛti pɛ ku bekyuli bani na Ubi ɔmmɔ ɔ́ƒuna ka udie Ɔti ɔmmɔ ɔtina kani.”

Hosea 4:12

Na bakɛ beebó like na egyiiku kudɔ ka bati lɛla lɛni na babla! Na egyiiku ammɔ lɛnɔ aasu-ma lɛla lɛni na baawia bati! Bányonu-mi aani uleku ɔni nányonu ɔnana na únwini ɔyalɛ, na bakɛ basiaku ala bamba kama.

Yesaia 29:10

Unwoti ɔ́ya na lɛlɛɛ lɛ́ƒɔ-mii anumi susuusu na bɛ́lɛɛ bísie ɔgyu. Na úti ala úbi bina lili ku anumi amii bani ndi nwuna kenye bediene ku bekyuli bani mɔɔnu ala taasu bekyuli.

Yesaia 8:20

Bɛnu bɛti ka si bana ala aaakɛnku mina litemi lɛni ndanku ɔda bubo ku bunyimi bɔmɛni ni, na bukeye bɔdi buuubo-ma kemmo.

Yuda 1:17

Nsu ni, mina banwa, bɛkali etemila ani na Yesu Kristo batalane básu-mii.

Petro 2 3:2

Mɔɔyɔ́ ka binyimo ala ani na Katɔti kenye bediene kedee básu dii ku ala ani na batalane bátina na Blɔti Yesu Kristo lɛlɔ.

Korintoƒuɔ 2 10:7

Ɔlɔna lɛlɔ kasusu kani na biiti. Si ukyuli ɔdi ɔ́ƒɔ lɛlɔ ɔ́di ka ɔdi Kristo ɔdi ni, ɔlɛka ɔnu-bu ɔti aani nwuna lɛlɔ kalɛ ka abu lɛnɔ bɔdi Katɔti ɔdi.

Romaƒuɔ 11:8

Lɛni na Bunweni Kedee Ɔku ɔ́su ɔnini, “Katɔti ɔ́nyonu-ma na kɔdɔlɔ kɔ́ƒɔ-ma kayi ku kasusu ƒui. Na úti úbalɛ ku ɔmwi kadi ni, belenu na balánu lɛla lɛdi taati.”

Romaƒuɔ 1:1

Ami Paulo, ɔni ndi Yesu Kristo kabla ɔblane na ndi ɔtalane ɔni na Katɔti ɔ́ƒuna ka lɛkɔ-nwu litemi buni lɛsa ni, ami muunweni ɔku ɔmɛni.

Yohane 20:21

Ɔmmɔ kama ni, Yesu ɔ́sɔ ɔ́su-ma ɔnini, “Keyi buɛɛ kasiaku-mii. Kalɛ na Ati ɔ́tala-mi ni, lɛni kani na ami lɛnɔ mɔɔtala-mii.”

Yohane 10:16

Mbo baƒonu babambadi na beeebo lɛƒonuyu lɛmɛni kemmo tɔ. Na ɔlɛka lɛkpanku ama lɛnɔ liboku. Na badubunu-mi lɛdi. Na bana ƒui badubunwini baƒonu lisu linwi na baƒonu ɔdane unwi kalɔ.

Mika 2:11

Kenye Udiene ɔni kani na bɛɛwia ndi ɔkɔ ɔnyine ɔni masu-mii ɔnii bɛdi na bɛni ntɛ bikpi!

Yohane 8:23

Amu na ɔ́su-ma ɔnini, “Amii ni, kalɔ mɛni na bɛ́si. Na ami ni, lɛ́si katɔ. Kayawi kamɛni ɔdi na bɛdi. Na ami ni, ɔɔɔdi kayawi kamɛni ɔdi na ndi.

Yohane 10:3

Kayakun kenye ɔgyumanane ɔɔlɛmi kayakun kammɔ teete anwu. Na baƒonu bammɔ beenú-nwu lɛdi si ɔɔkpali-ma kalɛ na ɔ́sia-ma anyi na ɔɔtɔnku-ma taalɛku.

Yohane 1 5:19

Abu bɔgyi ka bɔdi Katɔti badi geen, na kayawi bekyuli bakladi ƒui bakya ukisine ɔmmɔ lɛlɔ bɔdi kalɔ.

Ala Alɛdi 2 18:21

“Mmɔ na kɔyu kɔmmɔ kɔnini, ‘Ndubusie na liti ɔkɔ etemila lɛkya kenye bediene bammɔ ƒui kenye.’ “Amu na Unwoti ɔ́su-nwu ɔnini, ‘Adubɔkana-nwu bɔtɔlɔ sɔsɔ, anwuɔsu teesie na atábla lɛni.’