Yohane 1 2:9 - Katɔti Ɔku Kedee

⁹ Na ukyuli biala ɔni masu ɔnii ɔkya bukeye kemmo nsu uukisi nwuna ɔƒɔtaadine ɔkpana ni, ɔmu ɔkya lɛdisa kemmo.

Yohane 1 2:9 Referans Kwoze

Yohane 1 4:20

Si ukyuli ɔdi ɔɔsu ɔnii ɔɔyɔ́ Katɔti nsu uukisi nwuna ɔnwa ɔƒɔtaadine ni, ɔkɔ ɔnyine na ɔdi. Ɔsika ukyuli biala ɔni naaayɔ ɔnwani ɔni na ɔɔnu ku nwuna anumi ni, dɛ na wakana na wayɔ Katɔti ɔni na ulánu ku anumi?

Yohane 1 2:11

Nsu ukyuli ɔni muukisi ɔƒɔtaadine ɔkpana ni, ɔkya lɛdisa kemmo ku nwuna ablala ƒui. Na ɔɔɔgyi likpo lɛni na úsela, ɔsika lɛdisa ablala ammɔ áya na use aani ɔnumbwɛne.

Kɔgya 82:5

“Balalane bamɛni baaagyi lɛla lɛni na baabla na belenu lɛla lɛdi lɛnɔ kalɔ. Lɛdisa kemmo kani na bakɛ bésela. Na lɛlɔ lɛɛtɔ́ kalɔ kemodi kammɔ.

Petro 2 1:9

Na si ɔdi ɔɔyaki ala amɛni adi ni, na ukyuli ɔmmɔ use aani ukyuli ɔni na ulánu ɔgyu. Na ɔ́yiƒala lɛnɔ ka Katɔti úti nwuna ekpidi ani na ɔ́ɔbla ƒui ɔ́kyiɛ-nwu.

Yohane 1 2:4

Si ɔdi ɔ́su ɔnii, “Ngyi-nwu,” nsu uládi nwuna etemila lɛlɔ ni, ukyuli ɔmmɔ ɔɔnyi ɔkɔ. Na litemi geen lɛmmɔ lítaƒɔ-nwu lɛlɔ kemmo.

Yohane 1 1:6

Anwuɔsu si bɔnii abu ku-nwu bɔɔdi kɔkpana nsu bɔkɛ na lɛdisa ngba bukpidi bulie kemmo ni, na bɔɔnyi ɔkɔ na bɔɔɔsiaku litemi geen lɛmmɔ kama.

Yohane 9:41

Mmɔ na Yesu ɔ́su-ma ɔnini, “Si banii anumi nábwɛ-mii ni, nka bítaƒiɔ. Nsu ka amii alati bɛnii bɛɛnu ɔsu ni, ɔmɛni ɔɔtina ka bɛ́ƒiɔ.”

Lewiƒuɔ Ɔda Bubo 19:17

“ ‘Ɔdi uteti ɔnwani litemi utakya kayi kemmo na uteekisi-nwu. Dɔnku ƒula ɔkpana ulu lɛlɔ nwaa kalɛ na nwuna likpidi lɛdi lilasia-a lɛlɔ.

Samuel 2 13:22

Nsu Absalom útakpete ɔnwani Amnon na ɔsu-nwu ɔnii ɔ́bla lɛbuni iye ɔ́bla likpidi. Mmomu úti-nwu bukisi kpakplaa ɔ́si kalɛ na úbile ɔnwani ulekubi ɔsu.

Batalane Kabla 1:15

Amu na emeyi ammɔ kemmo kani ni, ama bani náƒɔ bádi mmɔ bábasa, na bana bumomo bɔbla aani nkyuli eti anyɔ ku aavlanyɔ. Na mmɔ Petro ɔ́ta únye na ɔ́su-ma ɔnini,

Yohane 1 3:10

Bɛya na lɛtina-mii kalɛ na bɔɔnu taati kavumana kani nkya Katɔti bebi ku Satan bebi ntɛ. Ukyuli biala ɔni naaabla ala siin ni, iye ulayɔ nwuna ɔnwa ɔƒɔtaadine ni, ɔɔɔdi Katɔti ubidi.