Yohane 1 2:5 - Katɔti Ɔku Kedee

⁵ Nsu ukyuli ɔni mɔɔdi nwuna litemi lɛlɔ ni, bɔyɔ bɔni na ubo ute Katɔti búdu bɔ́wɔlɔ. Bɛya na lɛsu-mii kalɛ na bɔɔnu taati ka buliku Katɔti.

Yohane 1 2:5 Referans Kwoze

Yohane 14:23

Mmɔ na Yesu údie kenye ɔnini, “Ukyuli biala ɔni mɔɔyɔ́-mi ni, ɔdubɔdi mina ala ani mɔɔtina lɛlɔ. Na mina Ɔti ɔdubɔyɔ-nwu. Na ami ku mina Ɔti bɔdububo-nwu kudɔ na abu ku-nwu bɔsɔ bulie.

Yohane 14:21

“Ukyuli biala ɔni mɔɔdi mina ɔda bubo lɛlɔ ni, anwu mɔɔyɔ́-mi. Na mina Ɔti ɔdubɔyɔ ukyuli ɔni mɔɔyɔ́-mi. Na ami lɛnɔ ndubɔyɔ-nwu na lidie lɛlɔ lɛtina-nwu na ɔnu-mi.”

Luka 11:28

Amu na Yesu údie kenye ɔnini, “Bekyuli bani muunú Katɔti litemi na baabla taasiaku-ni lɛlɔ mmomu na lɛlɔ lɛyɔ!”

Yohane 1 3:24

Bekyuli bani mɔɔdi Katɔti ɔda bubo lɛlɔ ni, beliku Katɔti. Na Katɔti lɛnɔ uliku-ma. Na Kɔyu kɔni na Katɔti úti úte-bu ɔsu ni, bɔgyi ka Katɔti uliku-bu.

Kɔgya 119:2

Na lɛlɔ lɛdubɔyɔ bani ƒui mɔɔsia nwuna ɔda bubo anu na baadi-mu lɛlɔ ku bana kayi ƒui.

Budie Taatina 14:12

“Ɔmɛni ɔsu ɔlɛka amii Katɔti bekyuli bani mɔɔdi Katɔti litemi lɛlɔ na bɛsiaku Yesu kama ulu lɛlɔ ni, binye lɛbibo kenye kpakplaa.”

Yohane 1 5:2

Na dɛ na bɔdubɔnu bɔti ka bɔɔyɔ́ Katɔti bebi? Bɔɔnu ɔmɛni taati si bɔɔyɔ́ Katɔti na bɔɔdi nwuna etemila lɛlɔ.

Yohane 15:5

“Ami ndi kɔdingyii kɔmmɔ, na amii ndi kuna kɔgba. Ukyuli ɔni nliku-mi na ami lɛnɔ nliku-nwu ni, ɔɔnwu ebi pii. Ɔsika bilakana lɛla lɛdi bɔbla si liiibo-mii kemmo.

Esekiel 36:27

Ɔsika ndubuti mina kɔyu lite-mii na lɛya na mina litemi lɛlɔ bɔdi ku ala ani mɔɔtina-mii kama bɔsia kɔka kutaada-mii.

Yohane 1 4:18

Liƒu lɛdi liiibo bɔyɔ kemmo. Mmomu bɔyɔ bɔni nédu bɔ́wɔlɔ bɔɔgyá liƒu biala. Ɔsika liƒu ku kɔtu bɔni nkɛ. Na ukyuli ɔni mbo liƒu ni, nwuna bɔyɔ bútedu bútawɔlɔ.

Kɔgya 119:146

Awɔ na muuwulo taakpali! Ƒɔ-mi kalɛ na makana ƒula ɔda bubo lɛlɔ bɔdi.

Korintoƒuɔ 2 5:17

Anwuɔsu si ukyuli ɔdi ku Kristo bábla unwi ni, ɔgyi ɔnii únwini ukyuli ɔwɔdi. Na nwuna ukyuli udu ɔkukudi ɔmmɔ ɔ́vi. Na ɔwɔdi ɔ́ƒɔ ɔmmɔ kenye.

Budie Taatina 12:17

Mmɔ ni, kɔlakpi kɔmmɔ kúti kɔnyi kɔ́kya uleku ɔmmɔ geen, na kɔ́gyu kɔ́tɔlɔ kúsie kútékpoku nwuna bawɔ bakladi bani muunú Katɔti litemi na beedie Yesu kenye.

Yohane 1 5:20

Na abu bɔgyi lɛnɔ ka Katɔti Ubidi úbo kayawi kamɛni úbedie ala kalɔ úte-bu kalɛ na bɔti anwu ɔni geen ndi Katɔti. Na ɔƒaani ni, buliku anwu ɔni geen ndi Katɔti ɔmmɔ ku nwuna Ubidi Yesu Kristo lɛnɔ. Na anwu geen ndi Katɔti ɔmmɔ ɔni ndi ngba bɔni nsɔ naaadubo bɔsa kudii.

Korintoƒuɔ 1 1:30

Katɔti náya na bɛ́bla unwi ku Yesu Kristo. Na Kristo ɔmmɔ ndi bula lɛnunda lɛni na Katɔti úti úte-bu. Na ɔkɛnku Kristo ɔmmɔ lɛlɔ ɔsu na Katɔti ɔɔnu-bu ka buse siin. Na búnwini Katɔti bekyuli kedee. Na ɔ́ƒɔ-bu lili kayu ɔ́lɛku ekpidi kemmo.

Romaƒuɔ 8:1

Ɔmɛni ɔsu ni, kɔtɔ bɔdu bɔdi buuubo buuute bani nábla unwi ku Kristo Yesu na bana ngba bulie kemmo.

Yakobo 2:22

Bilánu taati ka nwuna bɔƒɔtaadi úti ɔ́salaku lɛla lɛni na ɔ́bla? Na kabla kammɔ náya na nwuna bɔƒɔtaadi bɔmmɔ bɔ́bla bɔbuni bɔ́wɔlɔ?

Korintoƒuɔ 2 5:21

Kristo útabla likpidi lɛdi. Nsu bula alaekpidi lili ɔsu na Katɔti úti-nwu ɔ́bla alaekpidi ɔblane. Na ɔmɛni maya na abu bani mablaku-nwu unwi ni, bɔbla siin na Katɔti anumi.

Yohane 6:56

Ukyuli ɔni mɔɔdi mina ɔlɔna na ɔɔní mina ubugya ni, ɔɔblaku-mi unwi, na ami lɛnɔ mɔɔblaku-nwu unwi.

Etemila 8:5

Si aabu ɔga ni, eleduo ɔgbankpi kemmo. Anwuɔsu sia anu na ati lɛla lɛni na abla ku uwi ɔni na abla-ni.

Kɔgya 106:3

Lɛlɔ lɛdubɔyɔ bekyuli bani mɔɔbla ala ulu lɛlɔ. Na baabla ala ani nse siin uwi biala kemmo.

Agba 8:32

“Ɔmɛni ɔsu ni, mina bebi, binu-mi litemi, ɔsika lɛlɔ lɛdubɔyɔ bekyuli bani ƒui mɔɔsia-mi kasiakɔ.

Kɔgya 119:4

Unwoti, awɔ néti ƒula ɔda bubo éte-bu na ásu-bu ka bɔdi-mu lɛlɔ kaduɛ.

Agba 28:7

Ukyuli ɔni mɔɔdi ɔda bubo lɛlɔ ɔdi ubi ɔni mɔɔdá anu. Nsu ubi ɔni mɔɔdiku bakpana bekpidi ku badivone kɔkpana ni, ɔɔkya ɔti kɔƒa.

Kɔgya 105:45

Ɔ́bla ɔmɛni úte-ma kalɛ na basia anu na badi nwuna etemila ku ɔda bubo lɛlɔ. Bɛya na bumwi Unwoti.

Yohane 1 4:17

Na ulu ɔmɛni lɛlɔ na bɔyɔ búdu bɔ́wɔlɔ na bula akɔ. Ɔmmɔ ɔsu na bɔdubɔkana na bunye Katɔti anumi na litemi bɔtɛ limeyi lɛmmɔ lɛlɔ ku kayi buse. Ɔsika kalɛ na Kristo use ni, lɛni kani na buse na kayawi kamɛni kemmo.

Yohane 2 1:6

Na bɔgyi ka bɔɔyɔ́ lɛlɔ si bɔsiaku Katɔti ɔda bubo bɔmmɔ kama. Na ɔda bubo bɔmɛni ndi ka bulie ngba na bɔyɔ kemmo aani kalɛ na bínu ɔ́si kalɔ kesekɔ mmɔ.