Yohane 1 2:24 - Katɔti Ɔku Kedee

²⁴ Bɛnu kaduɛ na bɛya na ala ani na bínu ɔ́si kalɔ kesekɔ mmɔ áƒɔ-mii lɛlɔ kemmo ƒui. Na si bɛda-nya kaduɛ ni, bɛdubulieku Ubidi ku Ɔti ɔmmɔ ƒui uwi biala.

Yohane 1 2:24 Referans Kwoze

Yohane 14:23

Mmɔ na Yesu údie kenye ɔnini, “Ukyuli biala ɔni mɔɔyɔ́-mi ni, ɔdubɔdi mina ala ani mɔɔtina lɛlɔ. Na mina Ɔti ɔdubɔyɔ-nwu. Na ami ku mina Ɔti bɔdububo-nwu kudɔ na abu ku-nwu bɔsɔ bulie.

Yohane 1 4:13

Bɔgyi ka buliku Katɔti geen, na anwu lɛnɔ uliku-bu, ɔsika anwu ɔlati Kɔyu na úti úte-bu.

Yohane 1 4:16

Na abu alati bɔgyi na bɔ́ƒɔ bɔ́di ka Katɔti ɔɔyɔ́-bu. Katɔti ablala ƒui adi bɔyɔ. Na ukyuli biala ɔni muulie taayɔ bekyuli ni, uliku Katɔti, na Katɔti lɛnɔ uliku-nwu.

Budie Taatina 3:3

Ɔmɛni ɔsu ni, binyimo lɛla lɛni na bátina-mii na bínu lɛnɔ, na bɛda-ni kaduɛ na bina ekpidi eduo-mii na binwini kama bɛkya-nya. Nsu si bítagyinya ni, ndubo-mii kudɔ aani uyune kalɛ na biláti uwi ɔni kemmo na meti mada malɛ-mii lɛlɔ.

Yohane 1 2:7

Mina bayɔne, ɔɔɔdi ɔda bubo bɔwɔdi na muunweni lite-mii. Mmomu ɔdi bɔni na bɛ́ƒɔ bɛ́si kalɔ kesekɔ. Ɔda bubo bɔkukudi bɔmɛni ndi lɛla lɛni na bɛ́ka bunu.

Yohane 1 1:3

Na ala ani na bɔ́nu na búnu ni, ani na buudie kenye bute-mii mɛni, kalɛ na amii lɛnɔ bɛdiku-bu kɔkpana. Na bula kɔkpana bɔdi bɔkya abu ku Katɔti ku ngba litemi lɛni ndi Ubidi Yesu Kristo ntɛ.

Yohane 15:7

Si biliku-mi na mina etemila ákɛ keliekɔ na bina lɛlɔ kemmo ni, bivele lɛla biala na bɛɛwia, na ndubute-mii.

Budie Taatina 3:11

“Ndubo uwi klukui kemmo. Anwuɔsu bɛda lɛla lɛni nse-mii kaduɛ kalɛ na ukyuli ɔdi uláƒɔ bina lɛyuƒɔla ulásiku-mii enu kemmo.

Koloseƒuɔ 3:16

Bɛya na Kristo litemi buni lilie-mii kayi kemmo kaduɛ. Na bitaatina ala na bitaalɛ lɛlɔ na lɛnunda kemmo. Bitaatu Bunweni Kedee Ɔku kemmo lɛnu ku baƒɔtaadine lɛnu ku lɛnu lɛni nkɛnku Katɔti Kɔyu ala lɛlɔ teeti taagya Katɔti enu ku bina kayi ƒui.

Kɔgya 119:11

Lɛ́klibi ƒula litemi lɛ́kya mina kayi kemmo kalɛ na naaabla likpidi lɛdi naaaƒiɔ-ɔ.

Yohane 1 1:7

Nsu si bɔkɛ na bukeye kemmo aani kalɛ na anwu ɔkya bukeye kemmo ni, ɔɔtina ka bɔɔdiku lɛlɔ kɔkpana. Na Ubidi Yesu ubugya ɔɔbla-bu lɛlɔ sɛɛn taalɛku ekpidi biala kemmo.

Hebriƒuɔ 3:14

Bubo kadikɔ ɔkɛnku Kristo lɛlɔ si búƒie-nwu bɔ́da kpakplaa na búti bula lɛlɔ ƒui bɔ́sia-nwu lɛlɔ útédu kawɔlɔkɔ.

Ƒilipiƒuɔ 4:15

Na amii Ƒilipiƒuɔ ni, amii alati bɛgyi geen ka uwi ɔni na lɛ́tɔlɔ Makedonia na líse kalɔ mɔɔkɔ́ litemi buni lɛmmɔ lɛsa ni, amii kani ndi baƒɔtaadine lɛkpa lɛni néte-mi kebunku na lɛla lɛni na lɛ́bla líte-mii kenye.

Yohane 3 1:3

Lɛlɔ lɛ́yɔ-mi geen uwi ɔni na banwani badi bébo na bábasu-mi kalɛ na aadi litemi geen lɛmmɔ lɛlɔ aani kalɛ na ngyi ka asiaku-ni kama.

Yohane 2 1:2

Ɔsika litemi geen lɛmmɔ lɛ́ƒɔ abu ku-mii ƒui lɛlɔ kemmo na lɛdubulie-bu kudɔ uwi ƒui.

Hebriƒuɔ 2:1

Ɔmɛni ɔsu na ɔdi ka bɔbla bɔsiaku ala ani na búnu lɛlɔ kaduɛ na bɔda-nya kpakplaa kalɛ na bulayii ulu geen ɔmmɔ.

Yohane 8:25

Amu na béye-nwu banini, “Awɔ ndi ɔma?” Amu na údie kenye ɔ́su-ma ɔnini, “Lɛla lɛni na lɛ́su-mii ɔ́si kalɔ kesekɔ kani na ndi.

Luka 1:2

Bénweni-nya aani kalɛ na bekyuli bani nánu ala amɛni ɔ́si nyana kalɔ kesekɔ básu-bu na bákɔ-nya lɛsa lɛnɔ.

Agba 23:23

Ƒɔ litemi geen bɛla se lɛlɔ, na teti-ni teye. Na ada anu na aya batumini-ɔ kalɛ na anu ala ati kaduɛ.

Luka 9:44

“Bitayiƒala lɛla lɛni na líse kalɔ ndaku-mii bɔsu! Badubo Ukyuli Ɔyawine Ubi buti bɔkya bekyuli enu kemmo.”

Yohane 6:56

Ukyuli ɔni mɔɔdi mina ɔlɔna na ɔɔní mina ubugya ni, ɔɔblaku-mi unwi, na ami lɛnɔ mɔɔblaku-nwu unwi.

Yohane 1 3:24

Bekyuli bani mɔɔdi Katɔti ɔda bubo lɛlɔ ni, beliku Katɔti. Na Katɔti lɛnɔ uliku-ma. Na Kɔyu kɔni na Katɔti úti úte-bu ɔsu ni, bɔgyi ka Katɔti uliku-bu.

Yohane 1 4:15

Si ukyuli biala údie ɔ́su ɔnii Yesu ndi Katɔti Ubidi ni, ɔɔtina ka Katɔti uliku-nwu, na anwu lɛnɔ uliku Katɔti.

Yohane 2 1:9

Ukyuli ɔni náda ɔ́via Kristo ala bɔtina na ulásia-nya kama ni, uuubo kɔna ku Katɔti. Nsu ukyuli ɔni nsiaku Kristo ala bɔtina bɔmmɔ kama ni, uliku Katɔti ku Ubidi lɛnɔ.