Yohane 1 2:15 - Katɔti Ɔku Kedee

¹⁵ Bitayɔ kayawi ku kana lɛlɔ ala ani náta énye Katɔti lɛlɔ. Ɔsika ukyuli ɔni mɔɔyɔ́ kayawi lɛni ni, ulayɔ Katɔti geen.

Yohane 1 2:15 Referans Kwoze

Yakobo 4:4

Bɛdi bekyuli bani na biládi Katɔti ɔda bubo lɛlɔ. Bɛɛɛgyi ka si bɛ́bi bɛsiaku kayawi ala ni, bíti lɛlɔ bínwini Katɔti bekisine? Na ukyuli biala ɔni meti kayawi ala aani nwuna ɔkpana ni, ɔdi ukisine ute Katɔti.

Romaƒuɔ 12:2

Bɛsɔ bitabla unwi ku kayawi kamɛni lɛlɔ ala bɔbla. Mmomu bɛya na Katɔti ɔvumana-mii kasusu ƒui na binwini bekyuli bawɔdi. Ɔmmɔ ndubɔya na bɛnu lɛla lɛni na Katɔti ɔɔyɔ́ bɛti, na bɛbla lɛla lɛni ndia na lɛɛyɔ́-nwu kaƒɔ na lise sɛɛn lɛ́wɔlɔ.

Mateo 6:24

“Ukyuli biala ulákana na wabla benwoti inyɔ kabla. Ɔdubukisi unwi na ɔyɔ ɔkladi litemi. Na ɔdubɔdi unwi etemila lɛlɔ, na ɔta unye ɔkladi etemila lɛlɔ. Alakana Katɔti ku lɛlakɛ kabla bɔsala.

Luka 16:13

“Kabla ɔblane ɔdi ulakana benwoti inyɔ kabla bɔbla. Si ɔɔɔdi lɛni ni, ɔdubɔyɔ unwi na ukisi ɔkladi. Lɛnɔ ni, ɔdubunu unwi litemi na weni ɔkladi lɛdi. Bilakana Katɔti bɔsiaku na bɛsɔ bɛsiaku lɛlakɛ lɛnɔ.”

Yohane 15:19

Si bɛ́bla unwi ku kayawi bekyuli na bana ablala kemmo ni, badubɔyɔ-mii aani bana badi. Nsu ami lɛ́ƒuna-mii lɛ́lɛku kayawi bekyuli bammɔ akɔ, na bɛsɔ bɛɛɛdi bana badi. Ɔmmɔ ɔsu na beekisi-mii.

Yohane 1 3:17

Si ukyuli ɔdi ubo ala adi na ɔɔnu ka ɔnwani ɔɔyaki nsu útete-nwu kebunku kadi mmomu ɔ́da anumi údie ɔnwani ɔmmɔ lɛlɔ ni, dɛ na wakana bɔsu ɔnii ɔɔyɔ́ Katɔti?

Timoteo 1 6:10

Ɔsika sika lɛnungyie kemmo na ekpidi lidu lidu lɛɛkwɛ́ taasi. Ɔmɛni ɔsu na bekyuli badi báyila bɔƒɔtaadi ulu geen ɔmmɔ. Na bana ngba ƒui búduo lɛbibo kemmo.

Galatiƒuɔ 1:10

Na kabla kani na mɔɔbla mɛni ni, bɛɛkali bɛnii bekyuli bumwi na mɔɔwia? Munuu Katɔti bumwi na mɔɔwia? Munuu mɔɔbla-ka kalɛ na kaƒɔ kayɔ bekyuli? Na si bekyuli lɛyɔla kabla na mɔɔbla ni, nka lɛɛɛdi Kristo kabla ɔblane.

Yohane 1 4:5

Kayawi lɛlɔ bekyuli kani na badi. Na baatɛmi taasiku kayawi ala lɛlɔ. Na kayawi bekyuli lɛnɔ beenú-ma litemi.

Eƒesoƒuɔ 2:2

Na bɛ́siaku kayawi ala ekpidi kama ku ukisine ɔni mɔɔdi ayu ekpidi ƒui lɛlɔ na kayaa, na anwu kani mɔɔdi batuɔkplune ƒui lɛlɔ ɔƒɛni.

Yohane 1 5:10

Anwuɔsu ukyuli ɔni náƒɔ Katɔti Ubidi ɔmmɔ ɔ́di ni, ɔgyi geen na nwuna kayi kemmo ka kenye budie bɔmmɔ bɔdi litemi geen. Nsu ukyuli ɔni nátaƒɔ Katɔti útadi ni, ɔɔnu Katɔti aani ɔkɔ ɔnyine, ɔsika útaƒɔ ala ani na Katɔti ɔ́su ɔ́siku Ubidi ɔmmɔ lɛlɔ útadi.

Mateo 4:8

Amu na ukisine ɔmmɔ úti Yesu úsienku kɔbi kangyaa kɔdi lili. Mmɔ na ɔ́tina-nwu kayawi agala ku ana bukeye ƒui.

Yakobo 1:27

Bɔƒɔtaadi ulu ɔni na Katɔti ɔɔnu ka use sɛɛn na bɔƒiɔ bɔdi buuubo-nwu kemmo ndi ɔmɛni. Ɔlɛka ukyuli ubunku bekyuli bani muubó abi aani bekpinebi ku bekpinele kalɛ. Na ɔda lɛlɔ udie kayawi ekpidi biala kemmo.