Yohane 1 2:1 - Katɔti Ɔku Kedee

¹ Mina bebi bayɔne, muunweni ɔmɛni lite-mii kalɛ na bilabla ekpidi. Nsu si ɔdi ɔ́bla likpidi lɛdi ni, bubo ukyuli ɔni nnye-bu kenye uuvele Katɔti teete-bu. Na anwu ndi Yesu Kristo ɔni nse siin.

Yohane 1 2:1 Referans Kwoze

Timoteo 1 2:5

Sɔsɔ ni, Katɔti unwi kani nkya. Na kɔnu ɔsiane lɛnɔ unwi kani nkya. Anwu ndi ukyuli ɔni baalɔ banii Kristo Yesu. Anwu mɔɔklibi abu ku Katɔti ntɛ.

Romaƒuɔ 8:34

Na ɔma ndubɔkana na ɔdu-ma kɔtɔ? Kristo Yesu ndi ukyuli ɔni nékpi, na ɔni nsɔ nsia ndi ka Katɔti ɔ́gyila-nwu ɔ́lɛku bekpine akɔ na ɔ́sɔ úbo uli ngba na ulie Katɔti kɔdianu na uuvele-nwu teete-bu.

Yohane 14:6

Amu na Yesu údie kenye ɔnini, “Ami ndi ulu ɔmmɔ ku litemi geen lɛmmɔ ku ngba bɔmmɔ. Na ɔdi ulakana Katɔti kudɔ buduo, amu ntu mina lɛlɔ na ɔ́sia.

Korintoƒuɔ 2 5:21

Kristo útabla likpidi lɛdi. Nsu bula alaekpidi lili ɔsu na Katɔti úti-nwu ɔ́bla alaekpidi ɔblane. Na ɔmɛni maya na abu bani mablaku-nwu unwi ni, bɔbla siin na Katɔti anumi.

Yohane 1 4:4

Nsu amii bebi bayɔne ni, bɛ́si Katɔti kudɔ, na bɛ́ɛdi ɔkɔ kenye bediene bammɔ lɛlɔ. Ɔsika Kɔyu kɔni náƒɔ-mii lɛlɔ kemmo ni, kubo ɔyikun kutulo kɔyu kɔni nlie ama bani ndi kayawi badi mmɔ lɛlɔ.

Yohane 1 3:18

Mina bebi bayɔne, bitaya na bɔyɔ lɛlɔ ku kenyekplu. Mmomu biteebunku lɛlɔ geen.

Yohane 1 3:7

Bitaya na ukyuli ɔdi ɔtɔlɔ-mii! Mina bebi bayɔne, ukyuli ɔni mɔɔbla ala ulu lɛlɔ ni, ɔdi ukyuli ɔni nse siin aani kalɛ na Kristo use siin.

Yohane 8:11

Amu na uleku ɔmmɔ ɔnini, “Oowo, Ati.” Anwuɔsu Yesu ɔ́su-nwu ɔnini, “Lɛni kani na ami lɛnɔ naaadu-ɔ kɔtɔ. Anwuɔsu teesie. Mmomu tasɔ telie ataabla likpidi.”

Hebriƒuɔ 9:24

Ɔsika ɔɔɔdi kakpakɔ kani na bekyuli bayawine béti enu bábla básiaku katɔ ɔdi kenye kemmo na Kristo úduo. Mmomu Katɔ Ɔga Ɔma geen kadi kemmo na úduo ɔkya ɔƒɛni na Katɔti anumi na bula lili.

Yohane 1 3:5

Na bɛgyi ka Kristo úbo kalɛ na ubada-bu udie ekpidi kemmo. Na anwu ni, likpidi lɛdi lɛɛɛma-nwu lɛlɔ.

Eƒesoƒuɔ 2:18

Ɔkɛnku Kristo lɛlɔ na bula akpa anyɔ ƒui, Yudaƒuɔ ku bani naaadi Yudaƒuɔ, bɔkɛ Katɔti Kɔyu kunwi lɛlɔ búbo Katɔti anumi.

Yohane 6:27

Bitekpoku lɛlɔ bitawia adila ani muubie kama ulu. Mmomu bɛwia adila ani neeebie na ese ésela uwi ƒui. Adila ammɔ udu na ami Ukyuli Ɔyawine Ubi ndubo-mii bute. Ɔsika ami na Katɔti ɔ́sia kɔnu úse.”

Esekiel 3:21

Nsu si álɛ-ma na bénu na bénwini kayi ni, ndubɔya na belie ngba. Na lɛla lɛdi lɛɛɛda awɔ lɛnɔ.”

Petro 1 3:18

Ɔsika Kristo ɔni nse siin ni, úkpi na bekyuli bani neeese siin lili. Na kunwi kɔni kani na úkpi mmɔ ni, ɔ́ƒɔ ala ekpidi ƒui kayu na ɔ́klibi abu ku Katɔti ntɛ. Bekyuli bádu Kristo. Nsu ɔkɛnku Katɔti Kɔyu lɛlɔ ni, Katɔti ɔ́sɔku-nwu úboku ngba.

Eƒesoƒuɔ 4:26

Si bíti kɔnyi ni, bitaya na bina kɔnyi kɔya na bɛbla likpidi. Na bitaya na ɔƒɛ ɔ́nu ɔkya-mii na bina kɔnyi kemmo.

Galatiƒuɔ 4:19

Mina bebi bayɔne, nsɔ muunú-mii lɛlɔ ɔlɛ aani uleku ɔni ntɛ kɔwɔ úti utédu uwi ɔni na manu ka Kristo udu ɔ́ƒɔ-mii lɛlɔ kemmo ƒui.

Yohane 5:36

“Nsu kenye kani na mbo na medie ni, ketulo Yohane ɔdi ƒui. Kabla lidu lɛni na Ati úte-mi ka mbawɔlɔ na kana lɛlɔ na nnye ni, aka muudie taatina ka Anwu nátala-mi.

Luka 10:22

Amu na ɔ́sɔ ɔ́su ɔnini, “Mina Ɔti úti ala ƒui úte-mi. Ɔdi biala ɔɔɔgyi ukyuli ɔni na Katɔti Ubi ɔmmɔ ɔdi, ntu Katɔti lɛti pɛ. Na ɔdi lɛnɔ ɔɔɔgyi ukyuli ɔni na Katɔti ɔmmɔ lɛnɔ ɔdi, ntu Ubidi ɔmmɔ lɛti pɛ ku bekyuli bani na Ubi ɔmmɔ ɔ́ƒuna ka udie Ɔti ɔmmɔ ɔtina kani.”

Petro 1 2:22

“Anwu útabla likpidi lɛdi, na útanyi ɔkɔ ɔdi lɛnɔ kudii.”

Korintoƒuɔ 1 15:34

Bɛsɔku kasusu buni bɛbla, na bɛda bina ekpidi lilu bɛva. Mɔɔsu-mii nwaa kalɛ na kɔƒa kukpo-mii ka bina badi bɛɛɛgyi Katɔti.

Yohane 5:14

Ɔmmɔ kama ni, Yesu ɔ́nu-nwu na Katɔti kakpakɔ na ɔ́su-nwu ɔnini, “Nu! Ɔƒɛni lɛlɔ lɛ́sɔ lɛ́yu-ɔ ɔkplu. Na tasɔ telie ataabla likpidi! Si ɔɔɔdi lɛni ni, lɛla lɛni ntulo lɛmɛni lɛdubo-ɔ bɔbla!”

Sakaria 9:9

Ukyuli biala ɔni nkya Sion ɔdi limeyi na ɔva momoomo ku ebiti banini, “Bɛnu! Bina ɔga ɔdubo-mii kudɔ. Use siin na ɔdanku bɔƒɔ. Uboku lɛlɔ kalɔ na ulie ebuo ala utine ubi lɛlɔ ɔdubo.

Yakobo 1:27

Bɔƒɔtaadi ulu ɔni na Katɔti ɔɔnu ka use sɛɛn na bɔƒiɔ bɔdi buuubo-nwu kemmo ndi ɔmɛni. Ɔlɛka ukyuli ubunku bekyuli bani muubó abi aani bekpinebi ku bekpinele kalɛ. Na ɔda lɛlɔ udie kayawi ekpidi biala kemmo.

Kɔgya 4:4

Si bíti kɔnyi ni, bitaya na bina kɔnyi kɔya na bɛbla likpidi. Na si bɛ́yu bɛ́tɛ ni, na biduo lɛlɔ ku ala amɛni kemmo bɛnu kaduɛ na bɛbla kpoo.

Yohane 1 5:21

Anwuɔsu, mina bebi bayɔne, bɛda lɛlɔ bidie lɛƒiɔkpa kemmo.

Yakobo 3:9

Unyemi ɔmɛni na buuti teemwi Katɔti. Na anwu kani na buuti teewida bula ukyulikpana ɔni na Katɔti údie aani anwu ɔlati kalɛ.

Romaƒuɔ 6:15

Na bi na bɔdubo bɔsu? Ka bɔɔɔkya ɔda bubo kalɔ na Katɔti lɛƒɔndia kalɔ mmomu na bɔkya ɔsu ni, ɔlɛka butaabla ekpidi? Oowo. Kudii!

Yohane 13:33

“Mina bebi, uwi blii ɔdi kani nébu na lɛkya-mii kudɔ. Bɛdubo-mi bɔwia, nsu mɔɔsu-mii lɛla lɛni na lɛ́su Yudaƒuɔ benengu nnii, ‘Kesii kani na lísela ni, bilakana mmɔ bubo.’

Timoteo 1 3:14

Na nsia lɛnu ka ndububo uwi klukui kemmo mbanu-ɔ. Nsu muunweni ala amɛni lite-ɔ kalɛ na si mɔɔkpɛ kama ni, na ebunku-ɔ na ati kalɛ na ada ƒula lɛlɔ aani ɔtɔnkune na Katɔti ɔtɔ bebi akɔ. Na ngba ƒui Katɔti ɔtɔ bebi bani ndi baƒɔtaadine kasala ni, baagyumana nwuna litemi geen.

Yohane 21:5

Amu na ɔ́kpali-ma ɔnini, “Bakloƒu, bítedie kɔbɛ kɔdi?” Mmɔ na ama bédie kenye banii, “Oowo!”

Yohane 14:16

Na ndubuvele mina Ɔti na ute-mii Ubunkune ɔbambadi ɔni ndubulie-mii kudɔ uwi ƒui.

Batalane Kabla 7:52

Katɔti kenye udiene ɔmani na bina bati kuuku bátawia ka badu? Bádu Katɔti kenye bediene bani muedi násu ka Ukyuli Ɔƒunadi ɔni nse siin webo. Na Ukyuli Ɔƒunadi ɔmmɔ lɛnɔ bídie-nwu bíte na bádu.

Romaƒuɔ 5:10

Na si Katɔti ɔ́sɔku abu ku-nwu ntɛ ɔ́klibi ɔkɛnku ubidi kukpi lɛlɔ na uwi ɔni kemmo na nka bɔdi-nwu bekisine mmɔ ni, na uwi ɔni na abu ku-nwu ntɛ bɔdia mɛni ni, Katɔti ɔdubɔnu-bu kɔnyana utulo ƒui na bɔkɛ ngba bɔƒɔ ɔkɛnku Kristo ɔmmɔ lɛlɔ.

Yohane 1 5:17

Lɛla biala naaakɛ ulu siin lɛlɔ ni, ɔdi likpidi. Nsu ekpidi adi akya ani naaakpanku ukyuli taatákya kukpi ƒui kemmo.

Yohane 3 1:4

Lɛla biala lilayɔ-mi kaƒɔ teetulo ɔni na muunú ka mina bebi basiaku litemi geen lɛmmɔ kama.