Yohane 1 1:9 - Katɔti Ɔku Kedee

⁹ Nsu ka Katɔti use siin na ɔdi bula kama kekpokɔ ɔsu ni, si búdie bula alaekpidi kalɔ bɔ́tina-nwu ni, ɔdubɔnu-bu kɔnyana na uti bula alaekpidi ɔkyiɛ-bu na ɔbla-bu sɛɛn ɔlɛku ala ani mɔɔyá na buusé lɛlɔ ƒui kemmo.

Yohane 1 1:9 Referans Kwoze

Kɔgya 32:5

Amu na lɛ́nu mina alaekpidi lɛ́ti na lɛ́su nnini, “Ndubudie mina bɔƒiɔ ƒui kalɔ lite awɔ Unwoti.” Lídie-nya kalɔ líte-ɔ sɔsɔ na nteti ɔdi ntabɛla-a. Anwuɔsu awɔ lɛnɔ ti kyiɛ-mi.

Agba 28:13

Bekyuli bani muuti ala teebi bana ekpidi ni, ala aládianku-ma. Nsu si bédie-nya kalɔ na béni-nya ni, Unwoti ɔdubɔnu-ma kɔnyana.

Yeremia 33:8

Bábla alaekpidi na báta bénye-mi lɛlɔ, nsu ndubuti lɛkyiɛ-ma na lidie bana bɔƒiɔ ƒui bana lɛlɔ.

Yohane 1 1:7

Nsu si bɔkɛ na bukeye kemmo aani kalɛ na anwu ɔkya bukeye kemmo ni, ɔɔtina ka bɔɔdiku lɛlɔ kɔkpana. Na Ubidi Yesu ubugya ɔɔbla-bu lɛlɔ sɛɛn taalɛku ekpidi biala kemmo.

Esekiel 36:25

Ndubo ntu bɔni nse sɛɛn bɔkuna buwi-mii lɛlɔ na bina lɛlɔ lɛbla sɛɛn na lɛƒɔ-mii. Ndubo-mii ntu bɔkpila na bɛlɛ sɛɛn bɛsiku lɛla biala náya na biisé lɛlɔ kudɔ ku baƒiɔ ala anu ƒui muusé lɛlɔ mmɔ kudɔ.

Hebriƒuɔ 10:23

Na bɛya na bunye bɔƒɔtaadi bɔni kenye na buudie lɛlɔ kpakplaa. Ɔsika ukyuli ɔni nése-bu kenye kammɔ ni, ɔɔbla ala ulu lɛlɔ.

Timoteo 1 1:15

Kenye kani na ndubo bɔsu mɛni kadi litemi geen, na ɔlɛka ukyuli biala ɔƒɔ-ka ɔdi. Yesu ɔni ndi Ukyuli Ɔƒunadi úbo kayawi kamɛni kemmo ɔnii ubedie bekyuli ɔlɛku bana ekpidi ani na baabla kemmo. Na ala ekpidi bablane bammɔ ƒui akɔ ni, ami ntulo.

Nehemia 1:6

Anwuɔsu buvele nda-a, se atu na ebimi anumi, na enu ami ƒula kabla ɔblane bɔkpali bɔni na mɔɔkpali-ɔ usien ku ɔƒɛ na ƒula kadi bekyuli Israelƒuɔ lili. Unwoti buvele muudie alaekpidi ani na ami ku mina kaduli bekyuli ku Israelƒuɔ ƒui bɔ́bla kalɔ ka eti-nya kyiɛ-bu.

Esekiel 37:23

Basɔ baaadubo baƒiɔ bɔkpa na bataabla ala ani ndubɔya na naaakana-ma bɔƒɔ aani mina bekyuli. Ndubɔƒɔ bana ekpidi lidie-ma lɛlɔ ƒui na babla sɛɛn. Na ndubo-ma bɔgyumana bɔsiku lɛla biala na mɔɔyá na beesé-mi lɛlɔ kudɔ. Na benwini mina bekyuli na ami lɛnɔ linwini bana Katɔti.

Korintoƒuɔ 1 1:9

Katɔti ɔni nálɔ-mii ɔnii bɛbla unwi ku Ubidi Blɔti Yesu Kristo ni, ɔdi ukyuli ɔni lɛlɔ na bɛkada bikpo.

Lɛkpa Ulu 7:9

Na bɛti nwaa ka bina Unwoti Katɔti kani ndi Katɔti ɔni nkya na ɔɔdi nwuna litemi lɛlɔ uwi ndi uwi na ulalɛ-ni kama. Na ɔɔdi nwuna bunyimi lɛlɔ na uudie nwuna bɔyɔ taatina bekyuli bani mɔɔyɔ́-nwu na baadi nwuna ɔda bubo lɛlɔ útédu kaba apim apim.

Batalane Kabla 19:18

Amu na bani nénwini kayi ni, bébo bébedie bana lɛlɔ kalɔ na bekyuli anumi.

Marko 1:5

Bekyuli pii bási Yudea kalɔ lɛlɔ ku bana ɔma unengudi ɔni baalɔ Yerusalem bésie ketele kamɛni kemmo béténu Yohane litemi. Bédie bana ekpidi kalɔ béte Katɔti, na Yohane ɔ́kpila-ma ntu na ketu kani baalɔ Yordan kemmo.

Tito 2:14

Úti lɛlɔ úte na bula lili kalɛ na udie-bu na likpidi biala kemmo na bɔbla bekyuli kedee bani ndi nwuna badi kani, na baawia ka bataabla lɛbuni.

Kɔgya 19:12

Ukyuli ulánu anwu ɔlati ekpidi ƒui taati. Unwoti, die-mi lɛku ala ani na lɛ́bla na lɛɛɛgyi ka bɔƒiɔ na bɔdi kemmo.

Korintoƒuɔ 1 6:11

Lɛni na nka amii badi bíse. Nsu Blɔti ɔ́ƒɔ-mii ekpidi údie-mii lɛlɔ kemmo na ɔ́bla-mii kedee úte Katɔti. Na amii ku Katɔti ntɛ bɔ́sɔ bɔ́dia ɔkɛ Blɔti Yesu Kristo ku Katɔti Kɔyu ɔsu.

Kɔnyana Buwulo 3:23

Unwoti ɔdi ukyuli ɔni lɛlɔ na basia anu ka ɔdubɔnu-bu kɔnyana ɔtanta biala.

Hebriƒuɔ 6:10

Katɔti ɔɔbla lɛla biala ulu lɛlɔ. Na uláyiƒala bina ala ani na bɛ́bla. Ɔgyi ka bɛɛyɔ́-nwu ɔkɛnku kalɛ na bíbunku nwuna bekyuli. Na bɛmu biibunku-ma úbedu ɔƒɛni.

Baga 1 8:47

Nsu bakana bavumana kayi na kɔlɔ kɔni lɛlɔ na béƒie-ma bátákya mmɔ na bavumana kasusu na bevele-ɔ basu banini, ‘Bɔ́bla likpidi bɔ́ƒiɔ-ɔ na bula likyulikpi ku kalala ala bɔbla kemmo.’

Budie Taatina 15:3

Na lɛnu lɛni na beedie mmɔ ni, lɛdi Mose ɔni ndi Katɔti kabla ɔblane ku Koƒonu Ubi ɔmmɔ lɛnu. Na beedie banini, “Blɔti ɔni mbo ɔyikun ƒui, ƒula ala bɔbla ébomo, na bulakana-nya kalɔ bunu. Na ƒula ablala ese siin, na ƒula etemila adi litemi geen. Awɔ ndi Uwi Ƒui Ɔga.

Hebriƒuɔ 11:11

Ɔkɛnku bɔƒɔtaadi lɛlɔ ɔsu na ina ka Abraham ɔ́ɔbi ɔ́vili na Sara ɔlati muedi ɔ́vi kɔwɔ ni, Katɔti ɔ́ya na úbenwini ubi ɔti. Ɔsika Abraham ɔgyi ka Katɔti ɔni násu lɛla lɛmɛni úse ni, ɔɔdi nwuna etemila lɛlɔ.

Mateo 3:6

Bédie bana ala ekpidi kalɔ na Yohane ɔ́kpila-ma ntu na Yordan Ketu kemmo.

Yesaia 45:21

Bɛta na bɔsa na litemi katɛkɔ, munuu ńtasu-mii ɔ́si kukuuku lɛla lɛni ndubo libalɛ? Ami lɛti kani ndi Katɔti ɔmmɔ! Na ɔdi ɔsɔ uuubunku-mi. Ami kani mɔɔƒɔ́ bekyuli ngba na ami kani mɔɔbla ala ulu siin lɛlɔ.

Eƒesoƒuɔ 5:26

Ɔ́bla ɔmɛni kalɛ na ɔbla nwuna ɔyɔne ɔmmɔ kedee. Na etemila ani na ɔ́su-nwu ɔsu ni, ɔ́bla-nwu sɛɛn aani kalɛ na beeti ntu taakpila ukyuli.

Romaƒuɔ 3:26

Nsu uwi ɔmɛni kemmo ni, ɔkɛnku akpala amɛni lɛlɔ na Katɔti ɔ́tina-bu kalɛ na anwu use siin. Na ɔɔbla bani náƒɔ Yesu bádi ƒui siin.

Sakaria 9:9

Ukyuli biala ɔni nkya Sion ɔdi limeyi na ɔva momoomo ku ebiti banini, “Bɛnu! Bina ɔga ɔdubo-mii kudɔ. Use siin na ɔdanku bɔƒɔ. Uboku lɛlɔ kalɔ na ulie ebuo ala utine ubi lɛlɔ ɔdubo.

Israelƒuɔ Bɔlɛ 34:7

Mɔɔdi mina kenye kani líse líte kaba bekyuli apim apim lɛlɔ na muuti bekyuli bani nénwini kama bákya bana ulikplu ala ku bani mɔɔta teenye-mi lɛlɔ ku ekpidi ƒui taakyiɛ. Nsu mɔɔní bekyuli bani mɔɔƒiɔ́-mi ƒui kɔtu. Naaayiƒala kudii ka lɛni bana bebi ku bawɔ kɔtu utédu kaba katɛdi ku kenedi lɛlɔ ɔ́si ekpidi ani na bana bawɔne bábla ɔsu.”

Baga 1 8:30

Anwuɔsu nu ƒula kabla ɔblane ku Israelƒuɔ bɔkpali si bénye mɛni bákpali-ɔ. Na enu asiku katɔ, kesii kani ndi ƒula keliekɔ. Na si enu ni, na eti bana ekpidi akyiɛ-ma.

Yeremia 3:13

Bɛtuna ka bɛ́ta bínye-mi lɛlɔ, na bɛkpa baƒiɔ bamba na egyii enengudi ƒui kalɔ na kesi kesii.

Yohane 17:25

“Ati, ese siin. Na kayawi bekyuli baaagyi-ɔ, nsu ami ngyi-ɔ. Na ƒula badi lɛnɔ bagyi ka awɔ nátala-mi.

Luka 22:57

Nsu Petro úni ɔmɛni na ɔ́su ɔnini, “Uleku, lɛɛɛgyi-nwu muedi!”