Yohane 9:7 - Katɔti Ɔku Kedee

⁷ Na ɔ́su-nwu ɔnini, “Teesie na atáƒɔ anumi na lɛba blii lɛni baalɔ banii Siloa kemmo.” Na Siloa kalɔ ndi bátala-nwu. Anwuɔsu ɔnana ɔmmɔ úsie na útáƒɔ nwuna anumi. Na nwuna anumi álɛmi na ɔɔnu, na ɔ́sɔ únwini úbo kaduli.

Yohane 9:7 Referans Kwoze

Yesaia 35:5

Na mmɔ ni, banumbwɛne badubɔnu na batutine benu.

Yohane 11:37

Nsu bádi básu lɛlɔ banini, “Ɔ́bwi banumbwɛne na básɔ baanu. Nsu bi ɔsu na waya na Lasaro wekpi?”

Yohane 9:11

Amu na údie kenye ɔnini, “Ukyuli ɔni baalɔ Yesu ni, anwu nábla aba úsusu-mi anumi. Na ɔ́su-mi ɔnii ntésie na ntáƒɔ mina anumi na Siloa lɛba kemmo. Anwuɔsu lísie. Na ka lɛ́nya lɛ́ƒɔ anumi lɛ́wɔlɔ kani na líse kalɔ mɔɔnu.”

Batalane Kabla 26:18

Na ndubɔya-a na etébimi-ma anumi na balɛ Satan ɔyikun kemmo na kasuudikɔ mmɔ bebo Katɔti ɔyikun ku bukeye kemmo. Na Katɔti ɔdubuti bana ekpidi ɔkyiɛ-ma na wabla-ma katɔ ala badine aani bani na ɔ́ƒuna úte nwuna lɛlɔ ka báƒɔ-mi bádi ɔsu.’

Yesaia 8:6

“Ka kadi kamɛni béni kalɛ na nda-ma aani Siloa Ketu kani mɔɔgbá buɛɛ, na Resin lɛlɔ mɔɔyɔ́-ma kaƒɔ mmomu ku Remalia ubidi ɔnanabi ɔsu ni,

Kɔgya 146:8

Unwoti Katɔti uubimi banumbwɛne anumi. Na bani na bekyuli béboku-ma kalɔ ni, ɔɔkɔliku-ma katɔ, na ɔɔyɔ́ bekyuli bani na bese siin.

Luka 13:4

Na nkyuli leevu-maane bani na Siloa ɔtɔ ubendi ɔmmɔ ɔ́ƒɛ úbo na békpi nɔɔ? Bɛɛkali ka ɔmɛni ɔsu ama ndi bekyuli bekpidi ntulo ama bani nli Yerusalem mmɔ ƒui?

Yesaia 42:7

Na adubɔya na banumbwɛne basɔ bataanu na aya na bekyuli bani na likpidi líbo-ma lɛkpu na bakya kasuudikɔ aani batɔntɛne bakɛ bɔnwuna na balɛ bana ekpidi kemmo.

Nehemia 3:15

Na kayakun kani kese kesii kani na ntu bɔɔlɛ taasiku ni, Kol-Hose ubidi Sulum ɔni mɔɔnu Mispa kalɛkɛ lɛlɔ násɔku-ka ɔ́tu. Na ɔ́kya ɔpunu ku kɔbwɛlɛmii ku lɛla biala pɛpɛɛpɛ. Na ɔ́sɔku lɛwoduku lɛni ntɛ ese Siloa Ligyu lɛni nde ɔga kevomadɔ kemo útédu Dawid ɔma kayakun ɔ́tu.

Israelƒuɔ Bɔlɛ 4:11

Amu na Unwoti ɔ́su-nwu ɔnini, “Ɔma nédie ukyuli kenye? Na ɔma mɔɔbla ukyuli na ulákana butemi iye ulenu? Na ɔma mɔɔyá na ukyuli ɔɔnu iye ɔɔyá na anumi aabwɛ-nwu si ɔɔɔdi ami Unwoti?

Galatiƒuɔ 4:4

Nsu ka uwi ɔni na Katɔti úse mmɔ geen údu ni, ɔ́tala Ubidi ɔ́kya-bu. Na ɔ́ya na uleku ɔdi ɔ́wɔ-nwu ɔ́kya kadi kadi akɔ na bana ɔda bubo bɔdi-nwu lɛlɔ

Romaƒuɔ 8:3

Na lɛla lɛni na Katɔti ɔda bubo bɔni na úti úte Mose bútakana bɔbla ka bekyuli bátakana-mu lɛlɔ bɔdi ɔsu ni, Katɔti ɔ́bla-ni. Ɔ́tala Ubidi aani ukyuli ɔni mbo ɔlɔna ɔni na likpidi liikpóku. Úbo úbabla bekyuli ekpidi lili buvele akpala, na ɔ́du likpidi kɔtɔ na ɔ́yila likpidi ɔyikun ɔni mɔɔdi-bu lɛlɔ.

Yohane 10:36

Nsu ami ni, bɔƒuna na Ati ɔ́ƒuna-mi ka libo kayawi kamɛni kemmo. Na bi ɔsu na bɛɛsu bɛni muudumi Katɔti ka lɛ́su nnii ami ndi Katɔti Ubidi ɔsu?

Yohane 9:39

Amu na Yesu ɔ́su ɔnini, “Líbo kayawi kamɛni mbatɛku bekyuli litemi kalɛ na banumbwɛne bataanu, na bani mɔɔnu ni, anumi abwɛ-ma.”

Luka 2:32

Ɔdi bukeye bɔni ndubudie ƒula lɛyɔla keyi ute bekyuli bani naaadi Yudaƒuɔ. Na ɔdubuti ɔbu uboku ƒula kadi bekyuli Israelƒuɔ akɔ.”

Yesaia 43:8

Bɛsala mina bekyuli bite-mi. Bebo anumi ku atu, nsu belenu na balanu.

Yesaia 32:3

Na ukyuli biala na ubo anumi ɔdubo-nya bubimi na ɔnu, na bani na bebo atu lɛnɔ badubuse atu na benu.

Mateo 11:5

Banumbwɛne baanu, na bani náƒɛ bewi kalɔ beesié. Ama bani muuƒi ɔlɛgyie lɛlɔ lɛɛbla sɛɛn na batutine beenú. Bekpine baata na mɔɔkɔ́ litemi buni lɛmmɔ lɛsa teete bawabane.