Yohane 9:34 - Katɔti Ɔku Kedee

³⁴ Amu na benengu bammɔ banini, “Awɔ ɔni na likpidi kemmo na báwɔ-ɔ bákya na lɛni kani na éti ábi lɛlɔ ni, awɔ mɔɔwia ka atina-bu ala?” Mmɔ ni, bábɔku-nwu bédie Yudaƒuɔ kasalakɔ mmɔ.

Yohane 9:34 Referans Kwoze

Yohane 9:22

Nwuna bawɔne básu ɔmɛni, ɔsika bátaayia Yudaƒuɔ benengu bammɔ. Ɔsika benengu bammɔ báalɛ ugyii bése ka ukyuli biala ɔni medie kenye ka Yesu ndi Ukyuli Ɔƒunadi ɔmmɔ ni, badubudie-nwu bana akɔ na Yudaƒuɔ kasalakɔ.

Yohane 9:2

Mmɔ na nwuna basiakune béye-nwu banini, “Ala ɔtinane, ɔma ekpidi náya na ɔnana ɔmɛni anumi ábwɛ asa na báwɔ-nwu? Anwu ɔlati ekpidi ɔsu, munuu nwuna bawɔne ekpidi ɔsu?”

Yesaia 66:5

Amii bani mɔɔyia Katɔti na bɛɛbu-nwu si ɔɔtɛmi ni, binu-nwu litemi. “Na bina banwa bani muudie-mii lɛti na beekisi-mii na mina lɛnyi ɔsu baasu banii, ‘Unwoti udie nwuna ɔyikun keyi na bɔnu! Na udie-mii na lɛlɔ lɛyɔ-mii bɔnu.’ Nsu bani ƒui mɔɔsu ala amɛni udu ni, badubo bunwini ku kɔƒa kɔni naaadia bɔnu.”

Luka 18:17

Na binyimo ɔmɛni bɛnii ukyuli biala ɔni naaadubo Katɔti lɛga kadikɔ bɔƒɔ aani ɔnamu blii kalɛ ni, uleduo-ka kemmo kudi kudii.”

Kɔgya 51:5

Na sɔsɔ ni, likpidi udu ɔkya-mi lɛlɔ kemmo ɔ́si uwi ɔni na mina uni ɔ́da-mi kaƒɔ. Na mɔɔbla-nya ɔ́si ɔni na ɔ́wɔ-mi.

Hiob 25:4

Ɔma ndubɔkana na ɔlɛ sɛɛn na Katɔti anumi, na likpidi lɛdi lilama-nwu lɛlɔ?

Ala Kalɔ Buse 19:9

Amu na Sodom banana bammɔ básu-nwu banini, “Gyu lɛgba bula anumi.” Na básu lɛnɔ banini, “Ɔƒɔ na Lot ɔmɛni ɔdi na úbeduo-bu, na ɔƒɛni amu úti lɛlɔ ɔ́bla bula litemi ɔtɛne. Bɔdubo awɔ ɔlati ɔmmɔ lɛla lɛdi bɔbla butulo bekyuli bani néduo-ɔ si átanu kaduɛ!” Na bénye-nwu lɛlɔ geen ɔni na baayɔ́ babwɛ kayakun kammɔ beduo ɔtɔ muedi.

Budie Taatina 13:17

Ukyuli ɔdi biala ulakana na weye lɛla lɛdi wasiku ɔdi kudɔ iye uye lɛla lɛdi ute ukyuli bamba lɛnɔ si uuubo likpose lɛmmɔ. Na likpose lɛmmɔ nnye nte eƒiebuo ɔmmɔ lɛnyi iye bumomo bɔka bɔni nnye lɛnyi lɛmɛni kenye.

Yohane 3 1:9

Línweni ɔku ɔdi líte ƒula baƒɔtaadine lɛkpa lɛmmɔ. Nsu ka Diotreƒe ɔɔyɔ́ ka ɔtalaku lɛlɔ katɔ aani ɔtɔnkune na mmɔ ɔsu ni, ulábu lɛla lɛni na abu batalane bɔɔsu.

Petro 1 5:5

Lɛni kani na ɔlɛka amii bani ndi baƒɔtaadine bawɔdi lɛnɔ biboku lɛlɔ kalɔ bite baƒɔtaadine benengu bammɔ. Na bina ƒui bɛda lɛlɔ na biboku lɛlɔ kalɔ na biteebunku lɛlɔ. Ɔsika Bunweni Kedee Ɔku ɔɔsu ɔnini, “Katɔti uléte bekyuli bani mɔɔtalaku lɛlɔ katɔ kuƒi. Mmomu uubunku bani muuboku lɛlɔ kalɔ.”

Eƒesoƒuɔ 2:3

Lɛni geen na abu lɛnɔ búlie ngba aani bana kalɛ na bɔ́siaku bula ɔlɔna ɔkwɛ adala kama na bɔ́bla ala ani na bula ɔlɔna ku kasusu kaayɔ́. Na ka bula ukyuli udu útavumanaku bani mɔɔbla ala ammɔ udu ɔsu ni, bɔ́manku ka Katɔti ɔni abu lɛnɔ kɔtu aani bekyuli bakladi kalɛ.

Galatiƒuɔ 2:15

“Abu bani na báwɔ-bu na bɔdi Yudaƒuɔ ni, buuuse aani bekyuli bani naaadi Yudaƒuɔ na bɔɔlɔ-ma ala ekpidi bablane.

Yohane 9:40

Ka Ƒarisiƒuɔ bani nkya-ma akɔ bénu lɛla lɛni na Yesu ɔ́su ni, béye-nwu banini, “Bi na aasu? Abu lɛnɔ banumbwɛne na bɔdi?”

Yohane 9:35

Ka Yesu únu ka bábɔku-nwu bédie mmɔ ni, ɔ́wia ɔnana ɔmmɔ ɔ́nu. Na úye-nwu ɔnini, “Áƒɔ Ukyuli Ɔyawine Ubi ádi?”

Yohane 8:41

Ala ani na ukyuli ɔni ndi bina ɔti ɔ́bla ni, anya na bɛɛbla.” Amu na básu-nwu banini, “Ɔɔɔdi kɔsɔnɔ bebi na bɔdi! Ɔti unwi na bubo, na anwu ndi Katɔti!”

Yohane 6:37

Bekyuli bani ƒui na Ati úte-mi ni, badubo-mi kudɔ. Na bani muubo-mi kudɔ mmɔ ni, lɛɛɛdubo-ma buni.

Luka 14:11

Ɔsika ukyuli biala ɔni makɔli lɛlɔ katɔ ni, Katɔti ɔdububoku-nwu kalɔ. Na ukyuli biala ɔni meboku lɛlɔ kalɔ ni, Katɔti ɔdubɔkɔliku-nwu katɔ.”

Luka 11:45

Amu na ɔda bubo ala batinane akɔ unwi ɔ́su-nwu ɔnini, “Ala ɔtinane, si ásu ɔmɛni ni, eedumi abu lɛnɔ.”

Luka 6:22

Lɛlɔ litaayɔ-mii si bekyuli beekisi-mii na beení-mii na beedumi-mii na baasu-mii banii bibo likyulikpi na ami Ukyuli Ɔyawine Ubi ɔsu!

Yesaia 65:5

Bekyuli bamɛni mɔɔsu bekyuli bamba banii batani betede-ma, ɔsika ama bese sɛɛn na belese lɛlɔ aani bana bakpana. Nsu geen ni, bekyuli bamɛni bese aani uyɔ na mina enwu kemmo na bese aani ogya ɔni mɔɔda limeyi limodi.

Agba 29:1

Ukyuli ɔni mɔɔbla atuɔkplu na úni ɔnii ukyuli ɔdi utedie-nwu bɔƒiɔ ni, ɔdubo lɛlɔ udu bɔyila na ɔdi ɔsɔ ulakana-nwu bɔbwi.

Agba 26:12

Badɔlɔdi lɛnunsia na ala lɛlɔ ni, ɔdia utulo bekyuli bani mɔɔkali ka báda anu, nsu bátada anu.

Agba 22:10

Bɛbɔku bekyuli bani muudumi bekyuli taama bɛlɛku bina akɔ, na kekpo ku kadɔ ku bekyuli budumi bɔdubɔyii ƒui.

Hiob 14:4

Ukyuli ɔɔɔdubo ulu ɔdi lɛlɔ bɔkana bɔsia na ɔbla lɛlɔ kedee ƒui ɔwɔlɔ.

Ala Alɛdi 2 25:16

Nsu kenye udiene ɔmmɔ útawɔlɔ tɔ lɛla lɛni na uuye asa na Ɔga Amasia ɔ́tu-nwu kenye ɔnini, “Aaadi mina kasusu bakyane akɔ ɔdi! Anwuɔsu si aaagyi na ásɔ ébimi kenye ásu lɛla lɛdi ɔƒɛni ni, ndubɔya na badu-ɔ.” Mmɔ kani na kenye udiene ɔmmɔ ɔ́da butemi ɔ́ya. Nsu ɔ́su ɔ́sia ɔnini, “Katɔti úse ka ɔyila-a udu geen! Ɔsika kudeedi ni, ábla likpidi na ásɔ éni mina bɔlɛ.”

Israelƒuɔ Bɔlɛ 2:14

Amu na ɔnana ɔmmɔ údie kenye ɔnini, “Ɔma nédi-ɔ bula lɛlɔ ɔdine ku bula litemi ɔtɛne? Munuu aayɔ́ ka adu-mi aani kalɛ na ádu Egyipteni ɔmmɔ yoo?” Mmɔ na Mose ɔ́yia na ɔ́su lɛlɔ ɔnini, “Likpidi lɛni na lɛ́bla mɛni ni, bekyuli bánu-ni báti.”

Yohane 3 1:10

Si líbo ni, ndubudie-nwu keyi na lɛla lɛni na ɔ́bla lɛlɔ ku ala ekpidi ani na ɔɔsu tasiku-bu lɛlɔ ku ɔkɔ ɔni na ɔ́nyi ɔ́sia-bu. Nsu ɔmmɔ lɛti bɔbla bútabɔ-nwu. Ɔsika ulátuna ɔnii ɔɔƒɔ́ banwa si bébo. Na uutile bekyuli bamba bani mɔɔyɔ́ ka baƒɔ-ma lɛnɔ kuƒi, na ɔɔbɔku-ma teedie lɛkpa lɛmmɔ kemmo.