Yohane 8:46 - Katɔti Ɔku Kedee

⁴⁶ Bina akɔ ɔmani na madu-mi likpidi lɛdi kɔtɔ? Si mɔɔsu-mii litemi geen ni, bi ɔsu na bilaƒɔ-mi taadi.

Yohane 8:46 Referans Kwoze

Hebriƒuɔ 4:15

Ɔɔɔdi ɔkpane unengudi ɔni na bula lɛlɔ lilakywi-nwu kaƒɔ na bula kpɛtɛ kpɛtɛ bɔbla kemmo. Mmomu ɔdi ukyuli ɔni na ala ékpoku-nwu ánu na ulu biala lɛlɔ aani bula kalɛ kani. Nsu útabla likpidi lɛdi.

Yohane 14:30

Nsɔ naaakana-mii bɔtɛmiku gyɔlɔɔ. Ɔsika ukyuli ɔni mɔɔdi kayawi kamɛni lɛlɔ ni, ɔ́si ɔdubo. Na uuubo ɔyikun ɔdi na mina lɛlɔ.

Yohane 8:7

Amu ka básɔ benye mmɔ beeye-nwu etemila ni, ɔ́talaku lɛlɔ na ɔ́su-ma ɔnini, “Bina akɔ ɔni nátabla likpidi lɛdi kudii ni, anwu ɔka-nwu lɛtabi bubo.”

Marko 11:31

Bése kalɔ baaní lɛla lɛmɛni teenene na bana akɔ, na beeye lɛlɔ banini, “Bi na ɔlɛka bɔsu? Si bɔ́su bɔnii ɔyikun ɔmmɔ ɔ́si Katɔti kudɔ ni, ɔdubuye ɔnii, ‘Si use lɛni ni, bi ɔsu na bitaƒɔ Yohane bitadi?’

Mateo 21:25

Wɛ na Yohane ɔ́kɛ kenyekɔ kani na ubo asa na ɔ́kpila bekyuli ntu ɔ́siku? Katɔti kudɔ na kási munuu ukyuli kudɔ na kási?” Amu na bése kalɔ beeye lɛlɔ teenu banii, “Bi na ɔlɛka bɔsu? Si bɔ́su bɔnii kási Katɔti kudɔ ni, ɔdubuye-bu ɔnii, ‘Bi ɔsu na bítaƒɔ Yohane bítadi?’

Petro 1 2:22

“Anwu útabla likpidi lɛdi, na útanyi ɔkɔ ɔdi lɛnɔ kudii.”

Hebriƒuɔ 7:26

Ɔmɛni ɔsu ni, Yesu ɔmɛni ndi ɔkpane unengudi ɔni kani ndubɔbla lɛla lɛni na bɔɔwia ute-bu. Na use kedee, na lɛla lɛdi lɛɛɛda-nwu. Use sɛɛn na Katɔti údie-nwu ɔ́lɛku alaekpidi bablane akɔ, na ɔ́kɔliku-nwu útése sɛsɛɛ na katɔ kakaaka ƒui.

Korintoƒuɔ 2 5:21

Kristo útabla likpidi lɛdi. Nsu bula alaekpidi lili ɔsu na Katɔti úti-nwu ɔ́bla alaekpidi ɔblane. Na ɔmɛni maya na abu bani mablaku-nwu unwi ni, bɔbla siin na Katɔti anumi.

Yohane 18:37

Ka ɔ́su-nwu lɛni ni, Pilato úye-nwu ɔnini, “Anwuɔsu ɔga na adi?” Amu na Yesu ɔ́su-nwu ɔnini, “Awɔ mɔɔsu ka ɔga na ndi. Na ɔmɛni ɔsu geen na báwɔ-mi. Na líbo kalɔ kamɛni lɛlɔ kalɛ na mbedie litemi geen lɛtina. Na ukyuli biala ɔni nkɛnku litemi geen lɛmmɔ ni, uunú lɛla lɛni na mɔɔsu.”

Yohane 16:8

Na si úbo ni, ɔdubo ubedie ɔtina kayawi bekyuli ƒui nwaa ka baabla likpidi, na baaasiaku ulu siin ɔmmɔ lɛlɔ, na benye Katɔti anumi kalɛ na ɔtɛku-ma litemi.

Yohane 15:10

Si bɛɛdi mina ɔda bubo lɛlɔ ni, bɛdubulieku-mi na ndubɔyɔ-mii uwi ƒui. Lɛni kani na lɛ́di mina Ɔti ɔda bubo lɛlɔ na nliku-nwu, na ɔɔyɔ́-mi uwi ƒui.

Yohane 8:47

Ukyuli ɔni ndi Katɔti ɔdi ni, anwu muunú ala ani na Katɔti ɔɔsu. Na lɛla lɛni ɔsu na bilabla taasiaku mina litemi lɛlɔ ndi ka bɛɛɛdi Katɔti ɔdi.”