Yohane 8:32 - Katɔti Ɔku Kedee

³² Na bɛdubɔti litemi geen, na litemi lɛmmɔ lɛya na bɛkɛ bɔnwuna.”

Yohane 8:32 Referans Kwoze

Romaƒuɔ 8:2

Ɔsika ɔkɛnku Kristo Yesu lɛlɔ ni, ɔda bubo bɔni nkɛnku Katɔti Kɔyu kɔni muute bekyuli ngba bɔ́ya na lɛ́lɛ ɔda bubo bɔni ndanku likpidi bɔbla ku kukpi kalɔ.

Yohane 8:36

Anwuɔsu si ami Katɔti Ubidi lɛ́ya na ákɛ bɔnwuna ni, na ebo bɔnwuna geen sɔsɔ.

Yohane 17:17

Bla-ma kedee te ƒula lɛlɔ ɔkɛnku ƒula etemila geen ani na bénu lɛlɔ. Ɔsika ƒula litemi lɛdi litemi geen.

Petro 1 2:16

Bilie aani bekyuli bani naaakya bekyuli bamba kalɔ. Nsu bitabla likpidi ka bilie bite lɛlɔ ɔsu. Mmomu bilie ngba aani Katɔti kabla bablane.

Yohane 14:6

Amu na Yesu údie kenye ɔnini, “Ami ndi ulu ɔmmɔ ku litemi geen lɛmmɔ ku ngba bɔmmɔ. Na ɔdi ulakana Katɔti kudɔ buduo, amu ntu mina lɛlɔ na ɔ́sia.

Romaƒuɔ 6:22

Nsu ɔƒɛni ni, bɛ́lɛ ekpidi enu kemmo na bɛ́kɛ bɔnwuna. Na bínwini Katɔti kabla bablane. Ɔmmɔ ɔsu kɔsia kɔni na bɛɛkɛ́ ndi ɔni na bíti lɛlɔ bíte-nwu ƒui na bɛɛbla kedee kalɛ na bɛkɛ ngba bɔni nsɔ naaadubo bɔsa kudii.

Yesaia 61:1

Unwoti Ɔyikune Ƒui Kɔyu kɔ́ƒɔ-mi lɛlɔ kemmo! Ɔsika ɔ́tala-mi ɔnii nkɔ litemi buni lɛsa nte bawabane. Na lɛbwi bani muunú ɔlɛ na bana kayi kemmo na basɔ beeebo lɛnunsia, na libo kudu lite bani na béƒie na bébo-ma lɛkpu ka badubɔkɛ bɔnwuna na balɛ kasuudikɔ mmɔ.

Kɔgya 25:5

Tɔnku-mi na atina-mi ƒula litemi geen lɛmmɔ. Ɔsika awɔ ndi mina Unwoti ɔni mɔɔƒɔ́-mi ngba, na ƒula lɛlɔ na mina anu asia uwi ndi uwi.

Yakobo 1:25

Litemi buni lɛmmɔ ndi Katɔti ɔda ɔni na úbo-bu geen. Na ani mɔɔyá bekyuli baakɛ́ bɔnwuna. Si ukyuli únu na úduo etemila ammɔ kemmo kaduɛ na útayiƒala ka ɔbla ɔsiaku-nya lɛlɔ ni, ala ani na ɔɔbla ƒui adubɔtɛ ete-nwu.

Galatiƒuɔ 5:1

Kristo úte-bu bɔnwuna kalɛ na bɔkɛ bɔnwuna sɔsɔ. Anwuɔsu binye kpakplaa na bɛsɔ bitete kuƒi na ɔdi unye-mii lɛlɔ na bitaabla ukyuli ɔdi kabla lɛnɔ.

Yakobo 2:12

Ka Katɔti ɔdubɔtɛku-bu litemi ɔkɛnku ɔda bubo bɔni muute-bu bɔnwuna lɛlɔ ɔsu ni, bɛnu kaduɛ na lɛla lɛni na bɛɛsu ku lɛla lɛni bɛɛbla lɛnɔ lɛlɔ.

Galatiƒuɔ 5:13

Banwa, bɔlɔ na Katɔti ɔ́lɔ-bu ɔnii bɔkɛ bɔnwuna. Nsu utalɛka buti bɔnwuna bɔkɛ bɔmɛni butaabla ala ekpidi. Mmomu ɔlɛka buti-mu buteebunku lɛlɔ na bɔyɔ kemmo.

Yeremia 6:16

Unwoti ɔ́su ɔnini, “Uwi ɔni na bísie bítédu elukpo ni, lɛ́su-mii nnii, ‘Bɛsia ulu ɔni lɛlɔ na bina bati kuuku básia na bɛdubulie ku keyi buɛɛ.’ Nsu bíni.

Yohane 7:17

Ukyuli ɔni mɔɔyɔ́ ka ɔbla lɛla lɛni na Katɔti ɔɔwia ni, ɔdubɔti si ala ani na mɔɔtina ási Katɔti kudɔ iye ami ɔlati ɔyikun kemmo na muutemi.

Hosea 6:3

Anwuɔsu bɛya na bɔkya ɔkplu biala na bɔnu bula Unwoti bɔti. Nwuna bɔda bɔlɛ bɔdi litemi geen aani kalɛ na ɔƒɛ ɔɔtu ɔtanta na ɔkɔ uuubo-nwu kemmo. Na ɔdubo ubaya na lɛlɔ lɛyɔ-bu aani kalɛ na ketudi ɔnantu ɔɔna na kalɔ ku lɛla biala lɛɛyɔ́ buɛɛ.”

Romaƒuɔ 8:15

Katɔti útete-mii kɔyu kɔni náya na binwini liƒu ala kabla bablane. Mmomu úte-mii Kɔyu kɔni náya na binwini nwuna bebi. Na ɔkɛnku Kɔyu kɔmmɔ lɛlɔ ɔsu na bɔɔkpali Katɔti bɔnii, “Abba” ɔni kalɔ ndi mina Ati.

Yohane 16:13

Nsu si uwi ɔni na Katɔti Kɔyu kɔni muudie litemi geen lɛni ndanku Katɔti lɛlɔ mmɔ úbo ni, ɔdubo-mii bɔtɔnku kalɛ na bɛnu litemi geen lɛmmɔ ƒui bɛti. Na ulatɛmi na anwu ɔlati ɔyikun kemmo. Mmomu lɛla lɛni na únu ni, ɔdubo-mii bɔsu na ɔsu-mii ala ani ndubo bɔlɛ.

Yesaia 30:21

Na si kɔdianu na bídeyi bésie o-o, kɔmii na bídeyi bísie o-o ni, bɛdubunu ka lɛdi lɛdi lɛɛtɛmiku-mii na kama lɛnini, “Aanu kasiakɔ mɛni! Bo na abasia-nwu lɛlɔ.”

Malakai 4:2

Nsu amii bani mɔɔbu-mi ni, bina lɛlɔ bɔdi bɔdubɔbla aani kalɛ na ɔƒɛ uukeye na bukeye bɔmmɔ buute ɔlɔkplu. Na amii bɛdubo butaaƒulu taavi taaƒia aani ɔmantɛ bakɔ bebi.

Agba 1:23

Si bunu na bínu-mi bɔdɔnku ni, nka ala ani ƒui nkya-mi kayi kemmo na ndubudie lɛsu-mii, na lɛya na bɛti mina lili kemmo kakali ƒui.

Timoteo 2 3:7

Beleku bamɛni baatɛya ala uwi ƒui, nsu belenu etemila geen ammɔ kalɔ kudii.

Yesaia 35:8

Ulu unengudi ɔdubɔsia kalɔ kammɔ kemmo, na badubɔlɔ-nwu banii Ulu Kedee. Na bekyuli bani neeese sɛɛn baaadubo ulu ɔmmɔ lɛlɔ basia. Na badɔlɔdi ku belikplune balasia-nwu lɛlɔ.

Kɔgya 119:45

Na ndubulie ku kayi ƒaa, ɔsika mɔɔkya ɔkplu ka lɛdi ƒula ɔda bubo lɛlɔ kaduɛ.

Agba 4:18

Ukyuli ɔni nse siin kavinkɔ keekeye aani ɔtanta kadi kani négye kadubo na keekeye teebu utédu ka ɔbla nwaa ƒui.

Agba 1:29

Ɔsika bíkisi lɛlati na bítaƒuna ka bitaayia Unwoti ku ɔbu.

Yohane 6:45

Katɔti kenye udiene ɔdi únweni ɔnii, ‘Katɔti ndubɔtina bana ƒui ala.’ Anwuɔsu ukyuli biala ɔni nénu na ɔ́tɛya ala ɔ́siku Ati kudɔ ni, anwu muubo-mi kudɔ.

Yesaia 54:13

Ndubɔtina bina bebi ala na bakɔ katɔ ku keyi buɛɛ.

Yesaia 2:3

Bekyuli badubɔsi kɔlɔ pii lɛlɔ bebo na babasu banini, “Bɛya na bɔkɔ busie Unwoti Katɔti kɔbi lili na Yakob Katɔti kakpakɔ, na ɔtina-bu nwuna lilu na bɔsia-ni lɛlɔ.” Ɔsika Sion mmɔ na badubɔtina-bu ala, na bunu Unwoti litemi bɔsiku Yerusalem.

Mateo 11:29

Bibo bɔda kɔda, na bɛtɛya bɛsiku-mi kudɔ. Nse buɛɛ na muuboku lɛlɔ kalɔ, na bɛdubɔkɛ bɔnwuna.

Yohane 1:14

Na Katɔti Litemi lɛmɛni líbo aani ukyuli ɔyawine, na úlie kalɔ lɛlɔ mɛni na bula akɔ. Na Katɔti lɛƒɔndia ku litemi geen lɛ́ƒɔ-nwu lɛlɔ kemmo ƒui. Na abu bɔ́nu kalɛ na uukeye ka ɔdi Katɔti ubidi unwi pɛ ɔsu.

Yohane 1:17

Ɔsika kudeedi ni, Katɔti ɔkɛ Mose lɛlɔ úte-bu nwuna ɔda bubo. Nsu ɔkɛ Yesu Kristo lɛlɔ úte-bu lɛƒɔndia lɛmɛni ku litemi geen.

Korintoƒuɔ 1 7:22

Si aabla ukyuli bamba kabla asa na Blɔti ɔ́lɔ-ɔ ni, énwini ukyuli ɔni na ebo bɔnwuna na Blɔti kudɔ. Na lɛni kani na si aabla awɔ ɔlati kabla asa na Blɔti ɔ́lɔ-ɔ ni, énwini ukyuli ɔni mɔɔbla Blɔti kabla.

Yohane 2 1:1

Ami baƒɔtaadine unengu muunweni ɔku ɔmɛni lite awɔ uleku ɔni na Katɔti ɔ́ƒuna aani nwuna ɔdi ku ƒula bebi. Mɔɔyɔ́-mii na litemi geen lɛmmɔ kemmo. Na ɔɔɔdi ami lɛti mɔɔyɔ́-mii, mmomu ami ku bani ƒui ngyi litemi geen lɛmmɔ.

Lewiƒuɔ Ɔda Bubo 25:41

Ɔmmɔ kama ɔlɛka banyonu ɔwabane ɔmmɔ ku nwuna bebi na basɔ benwini besie betéduo bana ɔtɔ bekyuli akɔ na basɔ betéti bana bati akɛla.