Yohane 8:22 - Katɔti Ɔku Kedee

²² Amu na Yudaƒuɔ bammɔ béye lɛlɔ banini, “Bɔdu na ɔdubo lɛlɔ ka ɔ́su ɔnii, ‘Kesii kani na lísela ni, bilakana bubo’?”

Yohane 8:22 Referans Kwoze

Yohane 8:52

Mmɔ na Yudaƒuɔ bammɔ básu-nwu banini, “Ɔƒɛni na bɔti nwaa ka kɔyu kukpidi kɔsiaku-ɔ! Abraham úkpi, na Katɔti kenye bediene lɛnɔ békpi, nsu awɔ aasu ka ukyuli biala ɔni madi ƒula ala ani na aatina lɛlɔ ulekpi kudi kudii!

Yohane 8:48

Mmɔ na Yudaƒuɔ básu Yesu banini, “Ɔdi litemi geen ka bɔ́su-ɔ ka Samariani ukpidi na adi, na kɔyu kukpidi kɔsiaku-ɔ!”

Kɔgya 22:6

Nsu ami ni, liklubi na ndi. Nsɔ lɛɛɛdi ukyuli muedi. Na ukyuli biala ulayɔ-mi, baatɛmi enyekpi na mina lɛlɔ.

Hebriƒuɔ 13:13

Anwuɔsu ni, bɛya na busie butásiaku-nwu na kabanye mmɔ na bakya-bu kɔƒa kɔni bákya anwu lɛnɔ.

Hebriƒuɔ 12:3

Bɛtɛya Yesu ɔni nákya ɔkplu na úbo abi na ala ekpidi bablane bamɛni enu kemmo, kalɛ na enu alaƒɛ-mii na binwini kama.

Yohane 10:20

Na bana akɔ pii básu banini, “Kɔyu kukpidi kɔsiaku ukyuli ɔmɛni, na uukpi libuo! Bi ɔsu na ɔlɛka binye biteenu ala ani na ɔɔsu?”

Yohane 7:35

Amu na Yudaƒuɔ bammɔ béye lɛlɔ banini, “Wɛ na ukyuli ɔmɛni úsela tɔ ɔsu na bulanu-nwu? Munuu ɔɔkali ka usie Helaƒuɔ lɛma kesii kani na bula kadi bekyuli badi bégyingya bakya na utátina-ma ala na mmɔ?

Yohane 7:20

Mmɔ na bekyuli bammɔ bédie kenye básu-nwu banini, “Kɔyu kukpidi kɔsiaku-ɔ! Ɔma mɔɔwia ka ɔdu-ɔ?”

Kɔgya 123:4

Bɔma bɔni na lɛlɔ bakɛne baamá-bu búmomo bɔ́gya. Na lɛni kani na bani mɔɔnya-bu taamana lɛnɔ ablala étulo-bu kayi.

Kɔgya 31:18

Bala ɔkɔ banyine bammɔ ƒui kenye, ɔsika baakun lɛmɛnɛ na baatalaku lɛlɔ katɔ. Na baalɔ bekyuli bani nsiaku-ɔ kama siin anyikpi.

Yohane 1:19

Yohane údie kenye kadi úte Yudaƒuɔ batɔnkune bani nátala bakpane ku bana bebunkune básiku Yerusalem bákya-nwu. Bébo bébeye-nwu banini, “Ɔma geen na aasu anii adi tɔ?”