Yohane 7:13 - Katɔti Ɔku Kedee

¹³ Nsu Yudaƒuɔ bɔyia ɔsu ni, ukyuli ɔdi útakana na ɔsu lɛla lɛdi ɔlɛku ƒui na nwuna lɛlɔ.

Yohane 7:13 Referans Kwoze

Yohane 9:22

Nwuna bawɔne básu ɔmɛni, ɔsika bátaayia Yudaƒuɔ benengu bammɔ. Ɔsika benengu bammɔ báalɛ ugyii bése ka ukyuli biala ɔni medie kenye ka Yesu ndi Ukyuli Ɔƒunadi ɔmmɔ ni, badubudie-nwu bana akɔ na Yudaƒuɔ kasalakɔ.

Yohane 19:38

Ɔmmɔ kama ni, Yoseƒ ɔni nási ɔma ɔni baalɔ banii Arimatea ni, úvele Pilato ɔnii ɔnyonu Yesu ukpine ute-nwu. Na Yoseƒ ɔmɛni ɔdi Yesu kama basiakune akɔ unwi. Nsu útabla na bekyuli bati, ɔsika ɔɔyia Yudaƒuɔ benengu bammɔ ɔsu. Na ka Pilato ɔ́tuna ni, úbo úbaƒɔ ukpine ɔmmɔ ɔ́tɔlɔku.

Yohane 20:19

Na Kwasida kadi kammɔ useyi ni, batɛyane bammɔ básala na bákalɛ lɛlɔ bákya ɔtɔ kemmo ka baayia Yudaƒuɔ benengu bammɔ ɔsu. Amu na Yesu úbo úbenye-ma ntɛ, na ɔ́su-ma ɔnini, “Keyi buɛɛ kasiaku-mii.”

Agba 29:25

Si ada lɛlɔ na bekyuli lɛlɔ liƒu ɔsu ni, akya ɔgbankpi bonwu ɔdi kemmo. Nsu ukyuli ɔni néti anu ásia Unwoti lɛlɔ ni, lɛla biala lilékpoku-nwu

Budie Taatina 2:13

“Ngyi ka ɔma ɔni na bilie ndi likpo lɛni na Satan úse nwuna lɛga kadikɔ. Bɛ́siaku-mi kama kpakplaa. Na bítedie bina bɔƒɔtaadi atu na mina lɛlɔ ina uwi ɔni na bádu Antipa ɔni lɛnɔ nédie-mi litemi kenye ulu lɛlɔ na likpo lɛni na Satan ulie mmɔ.

Yohane 9:34

Amu na benengu bammɔ banini, “Awɔ ɔni na likpidi kemmo na báwɔ-ɔ bákya na lɛni kani na éti ábi lɛlɔ ni, awɔ mɔɔwia ka atina-bu ala?” Mmɔ ni, bábɔku-nwu bédie Yudaƒuɔ kasalakɔ mmɔ.

Yohane 3:2

Ɔ́bɛ úbo Yesu kudɔ usien na úbeye-nwu ɔnini, “Ala ɔtinane, buvele, bula ƒui bɔgyi ka awɔ nási Katɔti kudɔ ébo abatina-bu ala, ɔsika ukyuli biala ɔdi ulakana akɔla budie bɔtina bɔmɛni udu bɔbla amu ntu Katɔti uliku-nwu.”

Yohane 7:1

Na ɔmɛni kama ni, Yesu útaavi na Galilea kalɔ lɛlɔ na útayɔ ka usie Yudea kalɔ lɛlɔ ka Yudaƒuɔ bakya baawia ulu ɔni lɛlɔ na basia na badu-nwu ɔsu.

Yohane 7:11

Na Yudaƒuɔ bákya béteeye-nwu lili banii, “Anwu nɔɔ, anwu nɔɔ?”

Yohane 7:15

Ala bɔtina bɔmɛni bɔ́bla Yudaƒuɔ bammɔ dɛye dɛye, na baasu banii, “Wɛ na kebi kamɛni kásiku lɛlati lɛmɛni udu ka útesie ala katɛyakɔ kadi?”