Yohane 6:57 - Katɔti Ɔku Kedee

⁵⁷ Kalɛ na Ati ɔni nli ngba ɔ́tala-mi na ɔkɛnku anwu ɔsu na nli ngba ni, lɛni kani na ukyuli ɔni mɔɔdi mina ɔlɔna lɛnɔ welie ngba ɔkɛnku ami ɔsu.

Yohane 6:57 Referans Kwoze

Galatiƒuɔ 2:20

Ami ku Kristo na bákana bámana ugyii lɛlɔ. Ɔsɔ ɔɔɔdi ami nli ngba, mmomu Kristo nli ngba na mina kemmo. Na ngba bɔni na nli ɔƒɛni ni, nli-mu ɔkɛnku ɔyikun ɔni na lɛ́kɛ ka lɛ́ƒɔ Katɔti Ubidi ɔmmɔ lɛ́di ɔsu. Anwu néti nwuna ngba ɔ́kpa na mina lili, ɔsika ɔɔyɔ́-mi.

Yohane 5:26

Kalɛ na ngba ƒui bɔɔsí mina Ɔti kudɔ ni, lɛni kani na ɔ́ya na ngba ƒui bɔɔsí ami Ubidi lɛnɔ kudɔ.

Yohane 17:21

Ati, muuvele ka aya na bana ƒui babla unwi aani kalɛ kani na awɔ eliku-mi na ami lɛnɔ nliku-ɔ. Ya na belieku-bu kalɛ na kayawi bekyuli baƒɔ badi ka awɔ nátala-mi.

Yohane 1 4:9

Ka Katɔti ɔ́yɔ ka udie nwuna bɔyɔ ɔtina-bu ɔsu ni, ɔ́tala Ubidi unwi pɛ ɔnii ubo kayawi, kalɛ na ɔkɛnku Ubidi ɔmmɔ lɛlɔ na bɔkɛ ngba bɔni nsɔ naaadubo bɔsa kudii.

Yohane 3:17

Ɔsika Katɔti útatala Ubidi ɔnii ubadu bekyuli bayawine kɔtɔ. Mmomu ɔkɛnku Ubidi ɔmmɔ lɛlɔ ni, ubedie-ma na bakɛ bɔƒɔ.

Tesalonikaƒuɔ 1 1:9

Na ama alati mɔɔtɛmi taasiku kalɛ na bɛ́ƒɔ-bu uwi ɔni na búbo-mii kudɔ ku kalɛ na bɛ́da baƒiɔ bɔkpa bɛ́ya, na bíti lɛlɔ bíte Katɔti ɔni lɛti mbo ngba.

Korintoƒuɔ 2 13:4

Ina ka bákana Yesu bámana ugyii lɛlɔ na úkpi uwi ɔni kemmo na use kpɛtɛ kpɛtɛ ni, Katɔti ɔyikun kemmo na ɔ́sɔ ɔ́ta uli ngba. Na ka abu-ku Yesu bɔ́bla unwi ɔsu ni, buse kpɛtɛ kpɛtɛ aani kalɛ na anwu lɛnɔ use kpɛtɛ kpɛtɛ. Nsu bubo Katɔti ɔyikun ka bɔbla lɛla lɛni na ɔlɛka bɔbla na bina akɔ, ɔsika abu ku-nwu bulie na nwuna ɔyikun kemmo.

Korintoƒuɔ 1 15:22

Kalɛ na bekyuli bani nálɛ bási Adam kemmo ƒui békpi ka báblaku-nwu unwi ɔsu ni, lɛni kani na Katɔti ɔdubɔsɔ ɔgyila bekyuli ƒui ɔlɛku kekpine na belie ngba ɔkɛnku bana unwi bɔbla ku Kristo ɔsu.

Yohane 14:19

Kébu blii na kayawi bekyuli basɔ balanu-mi. Nsu amii bɛdubo-mi bɔnu. Na ka nli ngba ɔsu ni, amii lɛnɔ bɛdubulie ngba.

Yohane 14:6

Amu na Yesu údie kenye ɔnini, “Ami ndi ulu ɔmmɔ ku litemi geen lɛmmɔ ku ngba bɔmmɔ. Na ɔdi ulakana Katɔti kudɔ buduo, amu ntu mina lɛlɔ na ɔ́sia.

Mateo 16:16

Mmɔ na Simon Petro údie kenye ɔnini, “Awɔ ndi Ukyuli Ɔƒunadi ɔmmɔ. Na adi Katɔti ɔni nli ngba uwi ƒui Ubidi.”

Yeremia 10:10

Awɔ Unwoti kani ndi Katɔti geen ɔni nli ngba. Na aadi lɛlɔ uwi ƒui. Na si éti kɔnyi ni, kalɔ kaakunku na kadi bekyuli baayii udu.

Kɔgya 18:46

Bɛya bumwi Unwoti ɔni nli uwi ndi uwi. Anwu ndi mina lɛtakpɛ lɛni lɛlɔ na nkpo. Ndubo-nwu lɛnyi katɔ bɔkɔliku, ɔsika anwu mɔɔƒɔ́-mi.

Hebriƒuɔ 9:14

Na si ɔbladu ɔmɛni ɔɔyá na ukyuli ɔɔbla sɛɛn ni, na Kristo ubugya ɔɔkana na ɔɔbla ukyuli sɛɛn teetulo. Ɔkɛnku Katɔti Kɔyu kɔni nli uwi ƒui lɛlɔ ni, Kristo úti lɛlɔ ɔ́bla akpala ani nédu áwɔlɔ úte Katɔti na lɛla lɛdi lítebie-mu lɛlɔ. Nwuna ubugya ɔdubɔbla bina kayi sɛɛn bɔsiku ɔdi bɔbla bɔni nsɔ neeebo kɔsia ƒui kudɔ kalɛ na bɔbla Katɔti ɔni nli kabla.

Yohane 6:29

Amu na Yesu údie kenye ɔnini, “Lɛla lɛni na Katɔti ɔɔwia ka bɛbla ndi ka bɛƒɔ ukyuli ɔni na ɔ́tala bɛdi.”

Yohane 6:38

Ɔsika ńtasi katɔ ńtebo nnii mɔɔbla ami ɔlati lɛƒɔyɔ. Mmomu líbo nnii mbabla anwu ɔni nátala-mi lɛƒɔyɔ.

Korintoƒuɔ 1 15:45

Ɔsika ɔkya Bunweni Kedee Ɔku kemmo ka ni, “Ukyuli udeedi ɔni ndi Adam ni, Katɔti nédie-nwu na úte-nwu ngba aani ɔyawine.” Na Adam ukplodi ɔmɛni anwu ni, ɔdi Kɔyu kɔni muute ngba geen.