Na ukyuli ɔni mɔɔtɛmi na anwu ɔlati ɔyikun kemmo ni, nwuna lɛlɔ bumwi na ɔɔwia. Nsu ukyuli ɔni mɔɔwia ka umwi ukyuli ɔni nátala-nwu ni, ɔɔbla ala ulu lɛlɔ na ulányi ɔkɔ.
Bútawia bumwi bútasiku amii iye bekyuli bamba kudɔ. Ina ka bubo kuƒi aani Kristo batalane kalɛ na bula lɛlɔ bɔnu bunwini etila bɔsia-mii lɛlɔ muedi ni,
Amu na Yesu údie kenye ɔnini, “Si banii mina lɛlɔ na muumwi ni, nka bumwi bɔmmɔ bɔɔɔdi lɛla lɛdi. Nsu ukyuli ɔni muumwi-mi ni, anwu ndi mina ɔti. Anwu ndi ɔni na bɛnii anwu ndi bina Katɔti.
Na bunye mmɔ uwi ɔni na Katɔti úti ɔbu úte-nwu na ɔ́ya na uukeye ku uwi ɔni na Katɔti ɔmmɔ lɛdi lɛ́si katɔ na nwuna lɛgadi bukeye kemmo lɛnini, “Ɔmɛni ndi mina Ubi ɔni mɔɔƒɔ́-mi anu.”
