Yohane 5:3 - Katɔti Ɔku Kedee

³ Mmɔ na balɛne pii badi bátaatɛ bani ndi banumbwɛne ku bekpulone ku lɛlɔ kakɛ kenwi bekpine. Na béteenye mmɔ taagya ntu bɔmmɔ bɔkunku bɔdi udu.

Yohane 5:3 Referans Kwoze

Luka 7:22

Amu na údie kenye na ɔ́su Yohane batalane ɔnini, “Bɛsɔ binwini na bitásu Yohane ala ani na bɛ́nu na bínu bɛnii banumbwɛne baanu, bani na báƒɛ bewi kalɔ beesié, ɔlɛgyie beƒine lɛlɛ lɛ́ba-ma, batutine beenú, bekpine baata teelie ngba, na mɔɔsu bawabane Katɔti litemi buni.

Mateo 15:30

Bekyuli pii bébo-nwu kudɔ na badanku balɛne bani ndi bekyuli bani náƒɛ béwi kalɔ ku bani na lɛlɔ ekpo átasa-ma ku banumbwɛne ku bamumu ku bani muuƒi lɛlɛ bamba ƒui bébewi Yesu anumi na ɔ́bwi-ma.

Sakaria 11:17

“Bɔbuɛ ute awɔ baƒonu ɔdane keeke ɔni neeebo kɔsia na eedie baƒonu atu! Mɔɔwia ka nka kewii kekulo-ɔ kɔnu na ɔbla lɛnuku, na ƒula kɔdianu lɛnumi lɛnɔ lɛbwɛ.”

Kɔnyana Buwulo 3:26

Ɔdia geen ka bɔkɛ kayi na bunye butaanu Unwoti anumi na udie-bu.

Yakobo 5:7

Banwa, kalɛ na umonsene ɔɔkɛ́ kayi teete kaƒendi ɔnantu ku ketudi ɔnantu ute nwuna edula ani na ɔ́va bɔdia ɔsu ni, lɛni kani na ɔlɛka bɛkɛ kayi utédu uwi ɔni na Blɔti wasɔ webo.

Romaƒuɔ 8:25

Nsu si bula anumi asia ala ani na bula anumi alanu lɛlɔ ni, na bɔɔkɛ́ kayi buɛɛ taanu-nya ulu.

Agba 8:34

“Lɛlɔ lɛdubɔyɔ bekyuli bani muunú-mi litemi na baanu-mi ulu limeyi ndi limeyi na benye bagya-mi na mina kayakun kenye.

Baga 1 13:4

Uwi ɔni na Yerobeam únu lɛla lɛni na Katɔti kenye udiene ɔmmɔ ɔ́va ɔ́su úwi Betel lɛkpabi lɛmmɔ lɛlɔ ni, únene kɔnu ɔ́kywɛ-nwu ɔ́siku lɛkpabi lɛmmɔ kudɔ mmɔ na ɔ́su ɔnini, “Biƒie ukyuli ɔmmɔ na binyimi-nwu.” Nsu kɔnu kɔni na únene ɔ́tina kenye udiene ɔmmɔ kúkpi kɔnakunwi, na kɔ́goglo na ɔ́sɔ útakana-ku bunene lɛnɔ.

Mateo 4:24

Nwuna lɛlɔ litemi lígyingya na Siria kalɔ lɛlɔ ƒui. Anwuɔsu bekyuli bákpanku balɛne bani na lɛlɛ lidu lidu liikpóku-ma béboku. Na badi ni, ayu ekpidi elie-ma lɛlɔ eekpóku-ma. Na badi beeƒi kalɛ teebo. Badi lɛnɔ lɛlɔ kakɛ kékpi-ma. Na Yesu ɔ́bwi-ma ƒui.

Yohane 5:2

Na ɔma ɔmmɔ kemmo kesii kani nde likpo lɛni baalɔ Baƒonu Kayakun kudɔ ni, lɛba blii lɛdi lɛ́kya mmɔ lɛni baalɔ Betesda na Hebri butemi kemmo. Bábla kɔgbakɛ ɛlɔ báka bamana lɛba lɛmmɔ.

Yohane 5:4

Ɔsika Katɔti ɔtu ɔdi uubo uwi uwi teebebwiile ntu bɔmmɔ. Na ɔlɛne udeedi ɔni néduo ntu bɔmmɔ kemmo na muna bubwiile kama ni, ɔlɛ ɔni na uuƒi mmɔ ɔɔba-nwu.