Yohane 5:25 - Katɔti Ɔku Kedee

²⁵ Na mɔɔsu-mii geen ka uwi ɔdubo na úudu lɛnɔ ɔni na bekyuli bani nékpi ni, badubunu Katɔti Ubi lɛdi. Na bekyuli bani ndubunu-ni na baƒɔ litemi lɛmmɔ ni, badubulie ngba geen.

Yohane 5:25 Referans Kwoze

Yohane 5:28

“Ɔmɛni utabla-mii kalɛ kadi. Ɔsika uwi ɔdubo ɔni na bekyuli bani nékpi ƒui badubunu-mi lɛdi.

Eƒesoƒuɔ 5:14

Ɔsika lɛla lɛni na bédie keyi líduo bukeye kemmo. Ɔmɛni ɔsu na básu banii, “Awɔ ɔni mɔɔlɛɛ ni, gyinya na ata alɛ bekpine akɔ, na Kristo ɔdubukeye uwi-ɔ lɛlɔ.”

Eƒesoƒuɔ 2:5

uwi ɔni na búkpi na kɔyu kemmo ɔ́si bula alaekpidi bɔbla ɔsu ni, Katɔti ɔ́ya na bɔ́sɔ búnwini búbo bulie ngba ku Kristo. Na ɔkɛnku Katɔti lɛƒɔndia ɔsu na bɔ́kɛ ngba bɔƒɔ bɔmɛni.

Yohane 4:23

Nsu uwi ɔdubo na úudu lɛnɔ ɔni na bekyuli bani nsiaku Katɔti na ulu geen lɛlɔ ni, badubɔkɔliku-nwu lɛnyi katɔ ku Katɔti Kɔyu ɔyikun na litemi geen kemmo. Ɔsika ama ndi basiakune bani na Katɔti ɔɔwia.

Budie Taatina 3:1

Ɔ́sɔ ɔ́su-mi ɔnini, “Nweni te Sardi baƒɔtaadine lɛkpa ɔtu anii, “Lɛni na ukyuli ɔni mɔɔdi ayu maatɛ ani mɔɔbla Katɔti kabla na nwuna lɛga boku anumi lɛlɔ na ɔda ayabi maatɛ ammɔ na nwuna kɔdianu ɔɔsu.

Yohane 8:47

Ukyuli ɔni ndi Katɔti ɔdi ni, anwu muunú ala ani na Katɔti ɔɔsu. Na lɛla lɛni ɔsu na bilabla taasiaku mina litemi lɛlɔ ndi ka bɛɛɛdi Katɔti ɔdi.”

Koloseƒuɔ 2:13

Uwi ɔdi kemmo ni, bíkpi na kɔyu kemmo ɔ́si bina ekpidi ɔsu ku ka bátabla-mii ekpidi bukulo teedie ɔdi ɔmmɔ ɔsu. Nsu Katɔti ɔ́ya na bɔ́sɔ búnwini búbo bulie ngba ku Kristo ka úti bula ekpidi ƒui ɔ́kyiɛ-bu ɔsu.

Eƒesoƒuɔ 2:1

Uwi ɔdi návi kemmo ni, bíse aani bekyuli bani nékpi na kɔyu kemmo, ɔsika bítaabla atuɔkplu ku ekpidi.

Romaƒuɔ 6:4

Na ɔkɛnku ntu bɔkpila bɔmmɔ ɔsu ni, ɔɔtina ka abu lɛnɔ búkpi na báva abu ku-nwu. Na Katɔti ɔkɛnku nwuna bukeye ku ɔyikun lɛlɔ ɔ́gyila Kristo ɔ́lɛku bekpine akɔ kalɛ na abu lɛnɔ bɔta bubelieku-nwu ngba bɔwɔdi bɔmmɔ.

Yohane 8:43

Bi ɔsu na bilenu-mi kalɔ? Ngyi ka bilátuna bɛnii biisé atu na binu lɛla lɛni na mɔɔsu.

Yohane 5:21

Ɔsika kalɛ na mina Ɔti ɔɔgyila bekpine na beelie ngba ni, lɛni kani na ami Ubidi lɛnɔ muuti ngba teete bani na mɔɔyɔ́ ka lite ngba.

Luka 15:24

Ɔsika mina ubi ɔmɛni ni, búti-nwu bɔnii úkpi. Nsu ɔ́sɔ únwini úbo ngba. Ɔ́yii na bɔ́sɔ bɔ́nu-nwu.’ Ɔmɛni ɔsu bése kalɔ ku limeyi bɔdi.

Luka 9:60

Amu na Yesu ɔ́su-nwu ɔnini, “Ya na ama bani neeebo Katɔti ngba geen bɔmmɔ bataava bana bekpine. Na awɔ eteesie na atásu Katɔti lɛga bɔdi litemi.”

Yohane 4:21

Yesu údie kenye ɔnini, “Uleku, ƒɔ-mi litemi lɛni mɔɔsu-ɔ mɛni di ka ni, uwi ɔdubo ɔni na ɔɔɔdi kɔbi kɔmɛni lɛlɔ iye Yerusalem na ɔlɛka bɛkpa Katɔti.

Luka 15:32

Nsu ni, ɔlɛka bɔdi limeyi na bɔkɛ ebiti, ɔsika búti-nwu bɔnii bukpi na ƒ'ɔnwani úkpi na ɔ́sɔ únwini úbo ngba. Bɔyii na ɔ́yii na bɔ́sɔ bɔ́nu-nwu.’ ”

Yohane 17:1

Ka Yesu ɔ́su-ma ala amɛni ɔ́wɔlɔ ni, ɔ́kɔliku anumi ɔ́nu katɔ na ɔ́su ɔnini, “Ati, uwi ɔmmɔ údu. Kɔliku ami ƒ'ubidi katɔ kalɛ na ami lɛnɔ lɛ́kɔliku ƒula lɛnyi katɔ.

Yohane 13:1

Amu na limeyi lɛni na kadi kégye ndi Kukpi Lili Bɔvia Limeyi lɛmmɔ ni, Yesu ɔ́ti ka uwi údu ka ɔtɔlɔ kayawi kamɛni lɛlɔ uteesie ɔti kudɔ. Na ka ɔɔyɔ́ ama bani náƒɔ-nwu bádi ƒui na kayawi kamɛni lɛlɔ ɔsu ni, ɔɔwia ka ɔtina-ma kalɛ na ɔɔyɔ́-ma geen.

Yohane 6:60

Ka nwuna basiakune pii bénu ɔmɛni ni, básu banii, “Litemi lɛmɛni kalɔ bunu bubo ɔkplu geen, énu! Ɔma ndubɔkana na use atu unu lɛmɛni?”

Yohane 9:27

Amu na ɔnana ɔmmɔ údie kenye ɔnini, “Lɛ́ɛsu-mii ḿbavi, nsu bilayɔ ka binu. Na bi ɔsu na bɛsɔ bɛɛyɔ́ binu ɔƒɛni? Bɛɛwia ka binwini nwuna basiakune lɛnɔ?”