Yohane 5:18 - Katɔti Ɔku Kedee

¹⁸ Ɔmɛni bɔsu ɔsu ni, Yudaƒuɔ benengu básɔ báwia ulu bébu ka badu-nwu. Ɔsika na lɛnwunameyi ɔda bubo lɛlɔ tadi kama ni, ɔ́sɔ ɔ́tɛmi ɔ́siku Katɔti lɛlɔ aani Ɔti kalɛ. Na ɔmɛni ɔɔtina ka anwu ku Katɔti bese likeke.

Yohane 5:18 Referans Kwoze

Yohane 10:33

Mmɔ na Yudaƒuɔ bammɔ básu banini, “Ɔɔɔdi ala abuni adi ɔsu na bɔɔwia ka buubó-ɔ atabi. Mmomu ɔni na eedumi Katɔti ɔsu! Ukyuli kani na adi, nsu aawia ka eti lɛlɔ enwini Katɔti!”

Yohane 10:30

Ati ku ami ƒui ni, bekyuli benwi na bɔdi.”

Yohane 19:7

Amu na bekyuli lisu lɛmmɔ básu banini, “Bubo ɔda bubo bɔni mɔɔtina ka ɔlɛka ukpi. Ɔsika ɔ́su ɔnii ɔdi Katɔti Ubidi.”

Yohane 8:58

Amu na Yesu ɔ́su-ma ɔnini, “Mɔɔsu-mii geen nnii asa badubɔwɔ Abraham ni, Ami nli.”

Yohane 14:23

Mmɔ na Yesu údie kenye ɔnini, “Ukyuli biala ɔni mɔɔyɔ́-mi ni, ɔdubɔdi mina ala ani mɔɔtina lɛlɔ. Na mina Ɔti ɔdubɔyɔ-nwu. Na ami ku mina Ɔti bɔdububo-nwu kudɔ na abu ku-nwu bɔsɔ bulie.

Yohane 5:23

kalɛ na ukyuli biala utaabu Ubidi aani kalɛ kani na baabu Ɔti. Nsu si bíni na bilábu ami Katɔti Ubidi ɔni na ɔ́tala ɔ́kya-mii ni, bilábu Ɔti lɛnɔ.

Ƒilipiƒuɔ 2:6

Anwu nkɛnku Katɔti ukyuli udu uwi biala kemmo. Nsu útata útenye ɔnii nwuna udu ɔmmɔ ute-nwu kuƒi kɔdi.

Budie Taatina 22:3

Ewida eeebo mmɔ. Mmomu Katɔti ku Koƒonu Ubi ɔmmɔ lɛgaboku lɛdubuse mmɔ na nwuna kabla bablane badubo-nwu lɛnyi buteemwi.

Budie Taatina 22:1

Ɔmmɔ kama ni, ɔ́tina-mi ketu kani ntu muute ngba. Ketu kammɔ kaagbá taasi Katɔti ku Koƒonu Ubi ɔmmɔ lɛgaboku kudɔ. Na buukeye aani asogya.

Yohane 8:54

Amu na Yesu údie kenye ɔnini, “Si banii mina lɛlɔ na muumwi ni, nka bumwi bɔmmɔ bɔɔɔdi lɛla lɛdi. Nsu ukyuli ɔni muumwi-mi ni, anwu ndi mina ɔti. Anwu ndi ɔni na bɛnii anwu ndi bina Katɔti.

Yohane 7:19

Ɔɔɔdi Mose néte-mii ɔda bubo bɔmmɔ yoo? Nsu bina akɔ ɔdi uládi ɔda bubo bɔmmɔ lɛlɔ. Bi ɔsu na bɛɛwia ka bɛdu-mi?”

Yohane 7:1

Na ɔmɛni kama ni, Yesu útaavi na Galilea kalɔ lɛlɔ na útayɔ ka usie Yudea kalɔ lɛlɔ ka Yudaƒuɔ bakya baawia ulu ɔni lɛlɔ na basia na badu-nwu ɔsu.

Yohane 5:16

Anwuɔsu bése kalɔ ku Yesu bukpoku, ɔsika lɛnwunameyi lɛlɔ na ɔ́bwi-nwu.

Sakaria 13:7

Unwoti Ɔyikune Ƒui ɔnini, “Ya liti mina kewii na likpoku mina baƒonu ɔdane ku mina ɔkpana. Du baƒonu ɔdane ɔmmɔ na baƒonu bammɔ badubugyingya, na ndubudie banamudi bammɔ atu.

Yohane 14:9

Mmɔ na Yesu údie kenye na úye-nwu ɔnini, “Ɔ́si uwi gyɔlɔɔ ɔni ƒui na lɛ́ɛkya-mii kudɔ mɛni ni, bɔsu na amu ada anii aaagyi-mi? Ƒilipo, ukyuli ɔni náanu-mi dii ni, ɔ́ɔnu Ati lɛnɔ. Na bi ɔsu na asɔ aasu-mi anii, ‘Tina-bu Ati ɔmmɔ’?

Mateo 12:5

Ngyi ka bɛ́ka lɛnɔ na ɔda bubo ɔku kemmo ka ina ka bulabla kabla kadi na lɛnwunameyi lɛlɔ ni, bakpane bani nkya Katɔti kakpakɔ mmɔ beeti bebuo taakpa. Na baladu-ma kɔtɔ.

Yohane 1:19

Yohane údie kenye kadi úte Yudaƒuɔ batɔnkune bani nátala bakpane ku bana bebunkune básiku Yerusalem bákya-nwu. Bébo bébeye-nwu banini, “Ɔma geen na aasu anii adi tɔ?”

Yohane 5:15

Amu na ukyuli ɔmɛni úsie útánu Yudaƒuɔ benengu na ɔ́su-ma ka Yesu ndi ukyuli ɔni nábwi-nwu.

Yohane 5:17

Nsu Yesu ɔ́su-ma ɔnini, “Mina Ɔti uubunku bekyuli limeyi ndi limeyi, na ɔlɛka ami lɛnɔ lɛbla lɛni kani.”