Yohane 4:7 - Katɔti Ɔku Kedee

^7-8 Na uwi klukui kemmo ka nwuna basiakune bésie ɔma kemmo banii betéye adila adi ni, Samariani uleku ɔdi úbo ɔnii ubedu ntu. Amu na Yesu úvele-nwu ɔnini, “Te-mi ntu lɛni.”

Yohane 4:7 Referans Kwoze

Mateo 10:42

Binu ɔmɛni kaduɛ ka ukyuli biala meti ntu ɔɔƒɛɛ mete mina basiakune bamɛni akɔ ubliidi ƒui ka ɔsiaku-mi ɔsu ni, nwuna lɛyuƒɔla lilabɔ-nwu.”

Baga 1 17:10

Ɔmmɔ ɔsu Elia ɔ́tɔlɔ úsie Sareƒat mmɔ. Na uwi ɔni na útédu ɔma ɔmmɔ kabanye ni, ɔ́nu ukpinele ɔdi ka ɔkya ɔɔyɔ́ ekyweni. Amu na ɔ́su-nwu ɔnini, “Buvele nda-a, te-mi ntu bɔdi na lɛni.”

Ala Kalɔ Buse 24:43

Aanu-mi ka nnye libiɔ lɛmɛni kɔtu, na si ulekubi ɔdi úbo ɔnii ubedu ntu ni, ndubɔsu-nwu nnii, “Buvele du ntu blii bɔdi na ƒula libui kemmo te-mi na lɛni”

Yohane 4:10

Yesu údie kenye ɔnini, “Si bɔti na adubɔti litela lɛni na Katɔti ubo ute-ɔ ku ukyuli ɔni udu muuvele-ɔ ntu ɔnii ɔɔní ni, nka awɔ mmomu ndubuvele-mi ntu bɔni mɔɔgbá na buute ngba, na lite-ɔ ntu bɔmmɔ.”

Yohane 19:28

Yesu ɔ́ti ka ɔƒaani ni, ɔ́ɔwɔlɔ lɛla biala na ɔlɛka ɔbla. Na kalɛ na Bunweni Kedee Ɔku kemmo ala ani bénweni bése ebo ete lɛni ɔsu ni, Yesu ɔ́su ɔnini, “Utukwɛ ɔɔda-mi.”

Ala Kalɔ Buse 24:17

Amu na ala lɛlɔ ɔnune ɔmɛni ɔ́babla útásiaku-nwu na ɔ́su-nwu ɔnini, “Buvele nda-a, du ntu blii bɔdi na ƒula libui kemmo te-mi na lɛni.”

Yohane 4:6

Libiɔ lɛdi lɛkya mmɔ lɛni na Yakob úku. Na ka lɛlɔ lítu Yesu ɔƒiiwi ɔmmɔ na ulu busie gyɔlɔɔ kemmo ɔsu ni, ɔ́yu úlie kalɔ na libiɔ lɛmɛni kudɔ.