Yohane 4:48 - Katɔti Ɔku Kedee

⁴⁸ Yesu ɔ́su-nwu ɔnini, “Si bítanu ka lɛbla akɔla budie taatina ni, biláƒɔ-mi biladi.”

Yohane 4:48 Referans Kwoze

Yohane 20:29

Amu na Yesu ɔ́su-nwu ɔnini, “Áƒɔ ádi ka ánu-mi ɔsu. Bekyuli bani nátanu-mi tɔ asa báƒɔ bádi ni, badubɔkɛ lɛlɔyɔ betulo!”

Hebriƒuɔ 2:4

Katɔti ɔlati lɛnɔ údie ɔ́tina-bu nwaa ka litemi lɛmɛni lɛdi litemi geen ɔkɛnku akɔla budie taatina lidu lidu ku Katɔti Kɔyu etela lidu lɛni na úle ɔ́kya bekyuli kemmo na nwuna bɔyɔ kenye.

Korintoƒuɔ 1 1:22

Yudaƒuɔ baawia akɔla budie taatina. Na Helaƒuɔ ama kayawi lɛnunda kani na ama baawia bati.

Daniel 4:2

Na ɔdi-mi lɛlɔyɔ pii ka lɛsu-mii ala ebendi ani na Katɔti Ɔyikune Ƒui ɔ́bla úte-mi.

Batalane Kabla 2:22

“Ati bene biinú? Yesu Nasareni ɔdi Ukyuli Ɔƒunadi ɔni lɛlɔ na Katɔti ɔkɛ údie nwuna ɔyikun ku akɔla bɔbla keyi ɔ́tina-mii aani kalɛ na amii alati lɛnɔ bɛgyi.

Yohane 12:37

Na ina ka Yesu ɔ́bla akɔla budie taatina amɛni ƒui na bana anumi ni, bátaƒɔ-nwu bátadi.

Korintoƒuɔ 2 12:12

Lɛ́bla ala pii ku kayi buɛɛ na bina akɔ ani mɔɔtina ka ndi ɔtalane geen. Katɔti ɔ́sia-mi lɛlɔ na ɔ́bla akɔla budie taatina lidu lidu ku ala ebendi bamba lɛnɔ.

Romaƒuɔ 15:19

Na badubɔbla lɛni ɔkɛnku ɔyikun ala ani na bánu ku akɔla budie taatina ani na Katɔti Kɔyu kɔ́ya na lɛ́bla ɔsu. Anwuɔsu ɔ́si Yerusalem ɔkɛ útávi Iliriko amadɔ ni, lɛ́kɔ Kristo litemi buni lɛmmɔ lɛsa.

Batalane Kabla 14:3

Nsu batalane bammɔ bákya ɔma ɔmɛni kemmo bétu uwi básu litemi buni lɛmɛni ku ogya. Na Blɔti lɛnɔ údie nwuna bɔyɔ ɔ́tina geen na akɔla pii ani na bábla kemmo.

Marko 13:22

Ɔsika ama bani ndubɔbla lɛlɔ aani Kristo ku Katɔti kenye bediene kedee pii badubudie lɛlɔ keyi. Badubɔbla akɔla ku ayiala pii kalɛ na si bakana ni, na batɔlɔ Katɔti bekyuli bani na ɔ́ƒuna lɛnɔ.

Mateo 24:24

Ɔsika bekyuli badubɔta banyi ɔkɔ banii ama ndi Ukyuli Ɔƒunadi ɔmmɔ, na badi lɛnɔ basu banii Katɔti kenye bediene badi. Na badubɔbla akɔla budie bɔtina ebendi lidu lidu, kalɛ na si nka bakana ni, beti batɔlɔ bekyuli bani na Katɔti ɔ́ƒuna úse muedi.

Batalane Kabla 2:43

Amu na ka batalane bammɔ bábla akɔla budie taatina pii ɔsu ni, ɔ́bla bekyuli bammɔ ƒui yaa na béti ɔbu béte Unwoti.

Yohane 2:18

Na ɔmɛni ɔsu ni, Yudaƒuɔ batɔnkune bádɔnku Yesu banini, “Ɔma nátala-a lɛla lɛmɛni udu bɔbla? Akɔla budie bɔtina bɔmani na adubɔbla na eti atina-bu kenyekɔ kani na ebo ɔsu na aabla lɛni?”

Luka 16:31

“Nsu Abraham ɔ́su-nwu ɔnini, ‘Si bétenu Mose ku Katɔti kenye bediene litemi ni, si ina ukyuli ɔdi ɔ́ta ɔ́si kekpine mɛni úsie-ma kudɔ muedi ni, baláƒɔ-nwu litemi!’ ”

Bumomo Bɔka 14:11

Amu na Unwoti úye Mose ɔnini, “Na akɔla ala lidu lidu lɛni na lɛ́bla na bekyuli bamɛni anumi kama ni, uwi ɛlɛ na badubuni-mi bétédu, na baláƒɔ-mi baladi, na bataata teenye taanu-mi anumi lɛni?

Tesalonikaƒuɔ 2 2:9

Na ukyuli ukpidi ɔmmɔ ɔdububo ku Satan ɔyikun, na ɔdubudie ɔkɔ akɔla budie taatina lidu lidu ɔtina.

Batalane Kabla 15:12

Amu na bana ƒui báda butemi báya na bélie beenú akɔla ani na Paulo ku Barnaba baasu ka Blɔti ɔkɛ bana lɛlɔ ɔ́bla úte ama bani naaadi Yudaƒuɔ.

Batalane Kabla 7:36

Anwu nédie-ma na Egyipte ɔkɛ akɔla budie taatina pii kemmo ani na ɔ́bla na Egyipte mmɔ ku Ɛpugyie kɔtu ku uwi ɔni na bakɛ ketele kemmo akwa aavlene sɔɔn.

Batalane Kabla 6:8

Amu na Steƒano ɔni na Katɔti Kɔyu ɔyikun ɔ́ƒɔ-nwu lɛlɔ kemmo ƒui mɛni ni, ɔ́bla akɔla budie taatina pii na bekyuli akɔ.

Batalane Kabla 5:12

Amu na uwi ɔmɛni ƒui ni, batalane bamɛni bátaabla akɔla pii na bekyuli bammɔ akɔ. Baƒɔtaadine bamɛni ƒui baasa na Yudaƒuɔ kakpakɔ na kesii kani baalɔ banii Salomo lɛgbanya kemmo.

Batalane Kabla 4:30

Tuku bekyuli na abwi-ma, na abla akɔla pii ebu na ƒ'ubidi Yesu Kedee lɛnyi kemmo.”

Batalane Kabla 2:19

Na ndubɔya akɔla budie taatina ataalɛ na kayaa ku kalɔ lɛlɔ ƒui. Bɛdubɔnu ubugya ku ogya ku uyɔ pii.

Yohane 15:24

Na si bubo na ńtebo ńtababla ala ani udu na ɔdi útabla kudii na bana akɔ ni, nka ukyuli ɔdi uládu-ma kɔtɔ ka bábla likpidi lɛdi. Nsu ɔƒɛni ni, bánu ala ani na lɛ́bla, nsu beekisi ami ku mina Ɔti.

Luka 10:18

Amu na Yesu ɔ́su-ma ɔnini, “Lɛ́nu Satan ka ɔ́si katɔ úbanu aani ogya bɔtu kalɛ.

Mateo 27:42

“Úbunku badi, nsu ulákana na ubunku lɛlɔ. Ɔɔɔdi anwu ndi Yudaƒuɔ Ɔga ɔmmɔ? Ɔyu ɔsi ugyii ɔmmɔ lɛlɔ na bɔnu na bɔƒɔ-nwu bɔdi!

Mateo 16:1

Ƒarisiƒuɔ ku Sadukiƒuɔ badi bésie Yesu kudɔ banii betéwi-nwu kenye benu. Anwuɔsu básu-nwu banii, “Bla akɔla adi na bɔnu bɔti nwaa ka Katɔti kudɔ na ási sɔsɔ.”

Daniel 6:27

Uudie bekyuli taalɛku ɔgbankpi kemmo na baakɛ́ bɔnwuna. Ɔɔbla akɔla ala budie taatina geen na katɔ ku kalɔ lɛlɔ ƒui. Daniel Katɔti údie-nwu, na ɔ́lɛ bagyata enu kemmo.”

Yohane 4:49

Unengu ɔmɛni úvele-nwu ɔnini, “Ɔbune, buvele nda-a, bo na abanu mina ubi kalɛ na ulekpi.”