Yohane 4:22 - Katɔti Ɔku Kedee

²² Ɔƒɛni amii Samariaƒuɔ ni, bɛɛkpá lɛla lɛni bɛɛɛgyi. Nsu abu Yudaƒuɔ ni, abu bɔgyi ala bɔ́siku-nwu lɛlɔ. Ɔsika bekyuli budie na likpidi kemmo ni, Yudaƒuɔ akɔ na bɔ́si bubo.

Yohane 4:22 Referans Kwoze

Batalane Kabla 17:23

Ɔsika ɔni na nkɛ mɔɔví na lɛ́nu bina kɔkpakɔ ni, lɛ́nu lɛkpatabi lɛdi lɛlɔ ka bénweni básia-ni lɛlɔ banii, ‘Amɛni búti buute Bula Ɔti ɔni na bɔɔɔgyi.’ Na Ati ɔni na bɛɛɛgyi asa na bɛɛkpá-nwu mɛni ni, nwuna lɛlɔ litemi mɔɔyɔ́ ka lɛsu-mii ɔƒɛni.

Yesaia 2:3

Bekyuli badubɔsi kɔlɔ pii lɛlɔ bebo na babasu banini, “Bɛya na bɔkɔ busie Unwoti Katɔti kɔbi lili na Yakob Katɔti kakpakɔ, na ɔtina-bu nwuna lilu na bɔsia-ni lɛlɔ.” Ɔsika Sion mmɔ na badubɔtina-bu ala, na bunu Unwoti litemi bɔsiku Yerusalem.

Luka 24:47

Na nwuna basiakune badubɔkɔ lɛsa na nwuna lɛnyi kemmo bete kalɔ ƒui bekyuli banii benwini kayi kalɛ na Katɔti uti bana ekpidi ɔkyiɛ-ma. Na lɛsa bɔkɔ bɔmmɔ bɔdubuse kalɔ bɔsi Yerusalem.

Batalane Kabla 17:30

Na ɔ́si kalɔ kesekɔ úti úbedu uwi ɔmɛni kemmo ni, Katɔti útani bekyuli kɔtu ɔsika bátati-nwu. Nsu ɔƒaani ni, úbo-bu ɔda ɔnii bɔda anumi budie ala amɛni bene lɛlɔ na bunwini anumi buboku-nwu kudɔ.

Kɔgya 147:19

Unwoti úti nwuna ɔda bubo ku ala bɔtina ƒui úte Yakob kaba kemmo bebi bani ndi Israelƒuɔ.

Hebriƒuɔ 7:14

Ɔsika bɔgyi kede kede ka Yesu ni, Yuda kaba kemmo na báwɔ-nwu básiku. Na kaba kammɔ lɛlɔ ni, Mose útasu lɛla lɛdi útasiku bakpane lɛlɔ.

Sakaria 9:9

Ukyuli biala ɔni nkya Sion ɔdi limeyi na ɔva momoomo ku ebiti banini, “Bɛnu! Bina ɔga ɔdubo-mii kudɔ. Use siin na ɔdanku bɔƒɔ. Uboku lɛlɔ kalɔ na ulie ebuo ala utine ubi lɛlɔ ɔdubo.

Kɔgya 68:20

Unwoti ɔni ntulo ƒui ndi bula Katɔti ɔni muubunku-bu na uudie-bu kukpi kemmo.

Yesaia 46:13

Ndubo mbaƒɔ-mii, na uwi ɔsɔ uletu. Ńtagyunku-mii, ɔsu lɛɛɛdubo uwi ɔdi bubile. Ndubo Yerusalem budie na mina lɛnyi likeye na Israel.”

Yesaia 12:2

Sɔsɔ geen na ɔdi ka Unwoti úbo ɔnii ubaƒɔ-mi ngba. Ndubuti mina anu ƒui bɔsia-nwu lɛlɔ na lɛɛɛdubo bɔyia. Unwoti Katɔti ndi ukyuli ɔni mɔɔkya-mi ɔyikun, na anwu ndi ɔnu ɔni ndubɔkya-mi kenye uwi ƒui ka anwu ndi-mi ngba bɔƒɔ.”

Ala Kalɔ Buse 49:10

Na ɔgagyii ulávi ulálɛ ƒula kaduli kudii. Na lɛlɔ ɔdine ugyii ɔdadi ulávi ulálɛ-ɔ lɛgba akɔ wetédu ka ugyii ɔmmɔ úbedu lɛlɔ ɔdine geen ɔmmɔ. Na kadi bekyuli ƒui badubɔdi ƒula litemi lɛlɔ.

Esra 4:2

bésie Serubabel ku Israelƒuɔ lɛtɔ benengu kudɔ na básu-ma banini, “Bɛya na bubebunku-mii na bɔtu kakpakɔ kammɔ. Ɔsika Katɔti ɔni bɛɛbu ni, anwu kani na abu lɛnɔ bɔɔbu. Na búuse kalɔ bɔɔbla akpala teete-nwu ɔ́si uwi ɔni na Asiriaƒuɔ Ɔga Esarhadon ɔ́ya na bubo bɔ́kya-nwu kudɔ.”

Yesaia 12:6

Amii bani nkya Sion ƒui bidie ɔnu ku kudu momoomo, ɔsika Israel Unwoti Kedee úbomo na bina akɔ.”

Batalane Kabla 3:26

Anwuɔsu ka Katɔti údie nwuna kabla ɔblane keyi ni, ɔ́tala-nwu ɔnii ɔka-mii kudɔ bubo bubebunku-mii kalɛ na bɛkana kama bunwini bɔkya bina ekpidi.”

Romaƒuɔ 11:18

Anwuɔsu bitakun lɛmɛnɛ na kugyii kɔmmɔ kɔgba kɔni náƒɛ kɔ́lɛ lɛlɔ. Ɔsika si bɛ́bla lɛni ni, bɛnu bɛti ka ɔɔɔdi amii nda ligyiitu lɛmmɔ. Mmomu ligyiitu lɛmmɔ nda-mii.