Yohane 4:19 - Katɔti Ɔku Kedee

¹⁹ Mmɔ ni, uleku ɔmɛni údie kenye ɔnini, “Ɔbune, mɔɔtí ka Katɔti kenye udiene na adi!

Yohane 4:19 Referans Kwoze

Yohane 6:14

Amu ka bekyuli bammɔ bánu akɔla budie taatina bɔmɛni ni, básu banini, “Sɔsɔ anwu ndi Katɔti Kenye Udiene ɔni mebo kayawi.”

Luka 7:39

Ka Ƒarisini ɔni nálɔ Yesu bɔdi ɔ́nu ɔmɛni ni, ɔ́bla kasusu ɔnii, “Si ukyuli ɔmɛni ɔdi Katɔti kenye udiene geen ni, nka ɔlɛka ɔnu ɔti uleku ɔni udu nébo uutuku-nwu mɛni, na ɔti lɛyalɛ ngba bɔni lɛnɔ na ulie!”

Yohane 9:17

Amu na Ƒarisiƒuɔ bammɔ básɔ béye ɔnana ɔmmɔ banini, “Ka aasu anii anwu nábwi-ɔ lɛnumbwɛ ni, bi na awɔ ɔlati aasu taasiku ukyuli ɔmmɔ lɛlɔ?” Amu na ɔnana ɔmmɔ údie kenye ɔnini, “Katɔti kenye udiene na ɔdi.”

Luka 7:16

Bekyuli bammɔ ƒui báyia geen, na bémwi Katɔti. Ɔmɛni ɔsu básu banini, “Katɔti kenye udiene ɔni náƒɔ kuye geen ɔ́da ɔ́lɛ-bu akɔ! Katɔti ɔ́yu úbo ɔnii ubedie nwuna bekyuli!”

Yohane 7:40

Ka bénu etemila amɛni ni, bana badi básu banii, “Sɔsɔ ukyuli ɔmɛni ndi Katɔti Kenye Udiene ɔmmɔ.”

Mateo 21:11

Na bekyuli bamba bédie kenye banini, “Ɔmɛni ndi Katɔti Kenye Udiene Yesu ɔni nási Nasaret na Galilea kalɔ lɛlɔ!”

Luka 24:19

Amu na Yesu úye-ma ɔnini, “Bi ala?” Na bédie kenye banii, “Ala ani nálɛku Yesu Nasareni. Ukyuli ɔmɛni ɔdi Katɔti kenye udiene ɔni na Katɔti ku bekyuli ƒui bánu ka ubo ɔyikun geen na nwuna ablala ku ala ani na ɔ́su ƒui kemmo.

Baga 2 6:12

Amu na bana kabla bablane bammɔ kemmo unwi údie kenye ɔnini, “Bula ɔdi biala uuunye ɔga ɔmmɔ kama. Mmomu Elisa, Katɔti Kenye Udiene ɔni nkya Israel mmɔ, mɔɔsu Israelƒuɔ ɔga ɔmmɔ kɔtɛ kɔni na aatɛmi na ƒula katɔma muedi.”

Baga 2 5:26

Nsu Elisa ɔ́su-nwu ɔnini, “Uwi ɔni na ɔnana ɔmmɔ ɔ́yu nwuna ɔpɔnkɔ kɛɛkɛ lɛlɔ ka ubasiaku-ɔ ni, na nkya-mii kudɔ na kɔyu kemmo.” Na úse anumi na ɔ́su-nwu ɔnini, “Ɔɔɔdi uwi ɔmɛni kemmo na ɔlɛka baƒɔ sika ku adi ku adingyii mmo lidu lidu ku baƒonu ku ɔmantɛ bakɔ iye kabla bablane badi.

Yohane 4:29

“Bibo na bibanu ukyuli ɔni násu-mi ala ani ƒui na lɛ́bla na ngba kemmo! Ɔdubɔkana na wadi Katɔti Ukyuli Ɔƒunadi ɔmmɔ?”

Lɛkpa Ulu 18:15

Mmomu ɔdubuti kenye udiene ɔdi umene aani ami Mose kalɛ. Na ukyuli ɔmmɔ ɔdubɔsi bina kadi bekyuli akɔ. Na si úbo ni, na ɔdi biala unu-nwu litemi.

Yohane 4:18

Ɔsika éelieku banana ɛlɔ. Na ɔni na awɔ ku-nwu bilie ɔƒɛni muedi ni, ɔɔɔdi ƒ'ɔgyani. Ásu ƒula litemi geen.”