Yohane 4:15 - Katɔti Ɔku Kedee

¹⁵ Ɔmɛni ɔsu uleku ɔmmɔ ɔ́su-nwu ɔnini, “Ati, buvele nda-a, te-mi ntu bɔmmɔ bɔdi na utukwɛ ɔsɔ ulada-mi kudii, na nsɔ neeeteebo mɛni limeyi ndi limeyi.”

Yohane 4:15 Referans Kwoze

Yohane 6:34

Anwuɔsu básu-nwu banini, “Ati, teete-bu adila ɔmɛni uwi biala.”

Romaƒuɔ 8:5

Bekyuli bani nli na bana ɔlɔna udu ɔkukudi bɔyɔ kenye ni, bana kasusu kaasia ala ani na bana ɔlɔna ɔɔyɔ́ lɛlɔ. Nsu bani nli ɔkɛnku Katɔti Kɔyu lɛlɔ ni, bana kasusu kaasia lɛla lɛni na Katɔti Kɔyu kɔɔyɔ́ lɛlɔ.

Romaƒuɔ 6:23

Ɔsika likpidi lɛyuƒɔla ndi kukpi. Nsu Katɔti lɛƒɔndia lɛni na úte-bu ndi ngba bɔni naaadubo bɔsa kudii ɔkɛnku abu ku Kristo Yesu ɔni ndi Blɔti unwi bɔbla ɔsu.

Yohane 6:26

Amu na Yesu údie kenye ɔnini, “Mɔɔsu-mii geen ka ni, bodobodo ɔni na bɛ́kɛ bɛ́di bímo ɔsu na bɛɛwia-mi. Na ɔɔɔdi ɔni na bínu akɔla budie taatina ani na lɛ́bla kalɔ ɔsu.

Kɔgya 4:6

Bekyuli pii bakya baasu banini, “Bɔɔyɔ́ ka ukyuli ɔdi ɔbla-bu lɛbuni lɛdi. Unwoti, ya na ƒula lɛƒɔndia limomo-bu lɛlɔ libu!”

Yohane 1 5:20

Na abu bɔgyi lɛnɔ ka Katɔti Ubidi úbo kayawi kamɛni úbedie ala kalɔ úte-bu kalɛ na bɔti anwu ɔni geen ndi Katɔti. Na ɔƒaani ni, buliku anwu ɔni geen ndi Katɔti ɔmmɔ ku nwuna Ubidi Yesu Kristo lɛnɔ. Na anwu geen ndi Katɔti ɔmmɔ ɔni ndi ngba bɔni nsɔ naaadubo bɔsa kudii.

Yakobo 4:3

Si ina bívele Katɔti muedi ni, ulákpete-mii. Ɔsika ɔɔɔdi kasusu kabuni kemmo na biiye-nwu ala ammɔ. Na lɛla lɛni kani na bɛɛwia ka biti lɛlakɛ lɛmmɔ bɛbla ndi ka biti-nya bɛsiaku kayawi ebiti ekpludi kama.

Korintoƒuɔ 1 2:14

Ukyuli biala ɔni na Katɔti Kɔyu kɔmɛni kútaƒɔ-nwu lɛlɔ kemmo ni, ulakana na waƒɔ etela ani na Katɔti Kɔyu kuute. Na ukyuli ɔmmɔ lɛnɔ ulénu ala ammɔ kalɔ, ɔsika ala ammɔ adi-nwu adɔlɔla sɔɔn. Na Katɔti Kɔyu lɛlɔ kani na ukyuli ɔdubɔsia na ɔnu etela ammɔ ɔti kalɛ na áƒɔ kuye.

Yohane 4:16

Mmɔ na Yesu ɔ́su-nwu ɔnini, “Teesie na atákpanku ƒ'ɔgyani eboku.”

Yohane 6:35

Mmɔ na Yesu ɔ́su-ma ɔnini, “Ami ndi adila ani mɔɔyá na bekyuli beelie ngba. Na ukyuli ɔni muubo-mi kudɔ ni, kɔka kɔsɔ kulada-nwu. Na ukyuli ɔni mɔɔƒɔ́-mi taadi ni, utukwɛ ɔsɔ ulada-nwu kudi kudii.