Yohane 4:10 - Katɔti Ɔku Kedee

¹⁰ Yesu údie kenye ɔnini, “Si bɔti na adubɔti litela lɛni na Katɔti ubo ute-ɔ ku ukyuli ɔni udu muuvele-ɔ ntu ɔnii ɔɔní ni, nka awɔ mmomu ndubuvele-mi ntu bɔni mɔɔgbá na buute ngba, na lite-ɔ ntu bɔmmɔ.”

Yohane 4:10 Referans Kwoze

Yohane 4:14

Nsu ntu bɔni na ndubute ni, utukwɛ ɔsɔ ulada ukyuli ɔni mani-mu. Mmomu bɔdubunwini libiɔ lɛni mɔɔyu na bana lɛlɔ kemmo, na ɔdubute-ma ngba bɔni nsɔ naaadubo bɔsa kudii.”

Budie Taatina 7:17

Ɔsika Koƒonu Ubi ɔni nlie lɛgaboku lɛlɔ na mmɔ ni, anwu ndubɔda-ma aani baƒonu ɔdane buni. Na ɔdubo-ma bɔtɔnku busienku abiɔ ani kemmo na ntu bɔni muute ngba buwi uwi biala. Na Katɔti lɛnɔ ɔdubo-ma imii buni.”

Yesaia 44:3

Ndubɔya na ɔnantu ɔna uwi kalɔ kani mɔɔwia ntu na ntukpa bɔlɛ kalɔ kakwiidi kammɔ kemmo. Na ndubuti mina Kɔyu lite bina bawɔ na mina kusɛ kusɛ ɔsiaku bina kaba kemmo bebi.

Budie Taatina 21:6

Na ɔ́su-mi ɔnini, “Ɔ́sa! Ami ndi Alƒa ku Omega ɔni ndi lɛla biala kalɔ kesekɔ ku kawɔlɔkɔ. Na bani na utukwɛ ɔɔda ni, ndubute-ma ntu ƒaa na bani basiku libiɔ lɛni muute ngba ƒui kemmo.

Yohane 3:16

“Ka Katɔti ɔɔyɔ́ bayawine geen ɔsu ni, úti Ubidi unwi pɛ ɔmmɔ úte. Na ukyuli biala ɔni mɔɔƒɔ́-nwu taadi ni, ulayii. Mmomu ɔdubɔkɛ ngba bɔni nsɔ naaadubo bɔsa kudii.

Yeremia 2:13

“Mina bekyuli, bɛ́ƒiɔ-mi na lilu inyɔ lɛlɔ. Bíni ami ɔni ndi libiɔ lɛni mɔɔyu ntu buni, na biidú ntu teewi abiɔ ani na bíku na bɛ́tu bɛ́kya kalɔ kemmo na ásia kɔka na ntu bulakana-nya kemmo buwi.

Budie Taatina 22:17

Katɔti Kɔyu kɔmmɔ ku Yesu bayɔne banii, “Bo!” Na ɔlɛka ukyuli biala ɔni muunú ɔmɛni lɛnɔ ɔsu ɔnii, “Bo!” Na bani ƒui na utukwɛ ɔɔda ni, bebo. Na bani ƒui mɔɔyɔ́ ni, babani ngba ntu bɔmmɔ ƒaa. Kayu kadi taƒɔ taƒɔ.

Sakaria 14:8

Na liwulu uwi ku kɔyɔ uwi ƒui ni, ntukpa bɔni mbo ntu buni bɔdubo butaagba taasi Yerusalem, na kakɛ kenwi kadubusie ketéduo Ɛpugyie kemmo na ɔƒɛ katukɔ na kakɛ kenwi ketéduo Mediterenia Ɛpu kemmo na ɔƒɛ kanukɔ.

Romaƒuɔ 8:32

Na si Katɔti útenye útada Ubidi mmomu úti-nwu ɔkpa na bula lili ni, bi ɔsu na ulete-bu ala ƒui ku kaƒɔ ƒaa ɔkɛnku Ubidi ɔmmɔ lɛlɔ?

Korintoƒuɔ 1 10:4

Na báni Kɔyu kemmo ntu bunwi pɛ bɔmmɔ. Báni ntu básiku Kɔyu kemmo lɛtakpɛ lɛni nkɛ nsiaku-ma mmɔ kemmo. Na lɛtakpɛ lɛmmɔ lɛdi Kristo ɔmmɔ ɔlati.

Yesaia 12:3

Ebiti kemmo na bɛdubo ntu budu bɔni bɔsiku ngba bɔƒɔ libiɔ lɛmɛni kemmo.

Yohane 6:35

Mmɔ na Yesu ɔ́su-ma ɔnini, “Ami ndi adila ani mɔɔyá na bekyuli beelie ngba. Na ukyuli ɔni muubo-mi kudɔ ni, kɔka kɔsɔ kulada-nwu. Na ukyuli ɔni mɔɔƒɔ́-mi taadi ni, utukwɛ ɔsɔ ulada-nwu kudi kudii.

Yesaia 49:10

Na kɔka iye utukwɛ ulada-ma. Na ɔƒɛ ku kalɔ kakwiidi liwulu lilekeyi-ma. Mmomu anwu ɔni mɔɔnu-ma kɔnyana na ɔɔgyumana-ma ɔdubɔtɔnku-ma usienku kesii kani na abiɔ ntu bɔbuni bɔkya.

Sakaria 13:1

“Libiɔ lɛdi lɛdubo bɔkya na uwi ɔni mebo kemmo, na nina kemmo na Dawid bebi ku bawɔ badubɔkana na baƒɔ bana ekpidi ku bɔƒiɔ ƒui bedie lɛlɔ.”

Yohane 17:3

Na ngba bɔni nsɔ naaadubo bɔsa kudii mɛni kalɔ ndi ka bekyuli bamɛni bati awɔ, na bati ka awɔ lɛti pɛ ndi Katɔti geen ɔmmɔ, na bati ami Yesu Kristo ɔni na átala.

Yohane 6:51

Ami ndi adila ani muute ngba. Na lɛ́si katɔ lɛ́yu líbo. Ukyuli biala ɔni mɔɔdi adila amɛni adi ni, ɔdubo ngba bulie uwi ƒui. Na adila ani ndubute bekyuli ni, anya ndi mina ɔlɔna.”

Yesaia 43:20

Beƒiebuo ƒui baabu-mi ku bekuku ku beƒukutu na ntu bɔni na líte mina kadi bekyuli baƒunadi ka bani na kalɔ kakwiidi kemmo ɔsu.

Yesaia 35:6

Na bani na báƒɛ bewi kalɔ badubɔta na baƒulu ku lɛlɔyɔ aani bakwa. Na bamumu linyemi kɔbuli kɔƒɛnimi na bebo kudu ku lɛlɔyɔ. Na ntukpa bɔlɛ bɔsia bɔvi kalɔ kakwiidi kammɔ kemmo.

Kɔgya 46:4

Ketu kadi katɛ Katɔti ɔma. Na lɛlɔ lɛɛyɔ́ Katɔti Ɔga ɔma bekyuli bani nlieku-nwu na mmɔ.

Israelƒuɔ Bɔlɛ 17:6

Na ami Unwoti ndubunye-ɔ kudɔ na lɛtakpɛ lɛni nlɛ Horeb kɔbi lili mmɔ lɛlɔ. Na eti ugyii ɔmmɔ aƒiɛmi lɛtakpɛ lɛmmɔ, na ntu bɔdubɔlɛ bɔsiku-ni kemmo na bekyuli bammɔ bani.” Na Mose ɔ́bla kalɛ kani na Unwoti ɔ́tina-nwu na batɔnkune bammɔ anumi.

Korintoƒuɔ 2 9:15

Bɛya na bɔgya Katɔti enu na litela libendi geen lɛni na úti úte-bu ɔsu. Bulakana litela lɛmɛni kalɔ budie.

Luka 11:13

Ina ka bɛdi alaekpidi bablane ni, bɛgyi kalɛ na biti ala abuni bite bina bebi. Amu na Ati ɔni nkya katɔ nɔɔ? Bi ɔsu na uleti nwuna Kɔyu ulete bekyuli bani muuvele-nwu?”

Yesaia 42:6

Lɛ́ƒuna-a ka eti ala bɔbla ulu siin lɛlɔ eboku bekyuli akɔ. Na anwuɔsu na nnye-ɔ kudɔ. Lɛ́ƒuna-a na lɛ́tala-a ka enwini bukeye ku mina bunyimi kenye kani na líse ete kayawi kadi bekyuli.

Eƒesoƒuɔ 2:8

Ɔsika Katɔti lɛƒɔndia ɔsu na bɛ́kɛ ngba bɔƒɔ. Na útasi amii alati kudɔ. Mmomu ɔ́si Katɔti bɔƒɔtaadi litela lɛni na úte-mii ɔsu.

Korintoƒuɔ 1 1:30

Katɔti náya na bɛ́bla unwi ku Yesu Kristo. Na Kristo ɔmmɔ ndi bula lɛnunda lɛni na Katɔti úti úte-bu. Na ɔkɛnku Kristo ɔmmɔ lɛlɔ ɔsu na Katɔti ɔɔnu-bu ka buse siin. Na búnwini Katɔti bekyuli kedee. Na ɔ́ƒɔ-bu lili kayu ɔ́lɛku ekpidi kemmo.

Yesaia 9:6

Ɔsika báwɔ ubi ɔnanabi béte-bu. Na bekyuli ƒui lɛlɔ bɔdi lɛdubɔsia-nwu lɛlɔ. Na badubɔlɔ-nwu banii Kasusu Buni Ɔkyane ku Katɔti Ɔyikune ku Ati Ɔni Nli Uwi Ƒui ku Keyi Buɛɛ Ɔga Ubi.

Yohane 1 5:20

Na abu bɔgyi lɛnɔ ka Katɔti Ubidi úbo kayawi kamɛni úbedie ala kalɔ úte-bu kalɛ na bɔti anwu ɔni geen ndi Katɔti. Na ɔƒaani ni, buliku anwu ɔni geen ndi Katɔti ɔmmɔ ku nwuna Ubidi Yesu Kristo lɛnɔ. Na anwu geen ndi Katɔti ɔmmɔ ɔni ndi ngba bɔni nsɔ naaadubo bɔsa kudii.

Yohane 16:3

Bekyuli badubo-mii ɔmɛni bɔbla, ɔsika baaagyi ami iye Katɔti.

Batalane Kabla 9:11

Amu na Blɔti ɔ́su-nwu ɔnini, “Ta, na asia ulu ɔni baalɔ banii Ligeen lɛlɔ, na esie Yuda kesii na etéye Tarsoni ɔni baalɔ Saulo lɛlɔ. Ɔkya mmɔ ɔɔkpali katɔ teevele-mi.

Kɔgya 10:17

O Unwoti, bekyuli bani muuboku lɛlɔ kalɔ na beevele-ɔ bana kayi lɛyɔla ni, eenú-ma bɔkpali na aakya-ma kayi ogya, na eenú-ma lɛdi lɛnɔ si baakpali-ɔ.

Lɛnu Ƒui Ɔnu 4:15

Libiɔ lɛni mɔɔyu ntu buni geen na adi na kevoma kemo kammɔ kemmo. Na álɛ ási Lebanon abi lɛlɔ na adi ntu bɔni mɔɔyu kayi geen.

Hebriƒuɔ 6:4

Na bekyuli bani nánu bukeye dii na bákɛ Katɔti lɛƒɔndia na bákɛ kɔsia kɔdi ɔkɛnku Katɔti Kɔyu lɛlɔ,

Esekiel 16:35

“ ‘Yerusalem, ɔyalɛ ubendi, se kɔtu na enu.