Yohane 3:33 - Katɔti Ɔku Kedee

³³ Bani mɔɔƒɔ́-nwu taadi ni, beedie taatina nwaa ka ala ani na Katɔti ɔɔsu ni, anya ndi litemi geen.

Yohane 3:33 Referans Kwoze

Hebriƒuɔ 6:17

Na ka Katɔti ɔɔwia ka bekyuli bani na úse kenye ƒui bati nwaa ka kavumana kadi kelebo nwuna linyese kemmo ɔsu ni, ɔ́kpali lɛlɔ úse kenye kammɔ.

Eƒesoƒuɔ 1:13

Lɛni kani na béti amii lɛnɔ bébunku Kristo badi akɔ ɔkɛnku litemi geen lɛni na bɛ́ƒɔ bɛ́di ɔsu. Na litemi buni lɛmmɔ néti ngba bɔƒɔ búboku-mii. Na ka bɛ́ƒɔ Kristo bɛ́di ɔsu ni, Katɔti úti nwuna Kɔyu kɔni na ɔ́su úse ka wete-bu mmɔ úse-bu likpo.

Korintoƒuɔ 2 1:22

Anwu nése-bu likpo úti ɔ́tina ka anwu mbo-bu uwi ɔni na úti nwuna Kɔyu ɔ́kya-bu lɛlɔ kemmo. Na kuna lɛlɔ na búti bula kama búkpo na ala ani ƒui na ɔ́klibi úse úte-bu lɛlɔ.

Korintoƒuɔ 2 1:18

Mmomu kalɛ na Katɔti ɔɔdi nwuna etemila lɛlɔ geen ni, lɛni kani na lɛla biala na búnweni búmene-mii lise. Na lɛɛɛdi kalɛ na ukyuli ɔɔbabla taasu ɔnii ɛɛn ku oowo na ɔdi.

Yohane 6:27

Bitekpoku lɛlɔ bitawia adila ani muubie kama ulu. Mmomu bɛwia adila ani neeebie na ese ésela uwi ƒui. Adila ammɔ udu na ami Ukyuli Ɔyawine Ubi ndubo-mii bute. Ɔsika ami na Katɔti ɔ́sia kɔnu úse.”

Yohane 8:26

Mbo ala pii na lɛsu lɛsiku-mii lɛlɔ na lɛdu-mii kɔtɔ na bina ɔbladu ɔsu. Nsu ukyuli ɔni nátala-mi ni, ulányi ɔkɔ. Na ala ani na línu lɛ́siku-nwu kudɔ ni, anya muuti taasu kayawi bekyuli.”

Romaƒuɔ 4:11

Lego bukulo ɔdi ɔni na Abraham ɔ́bla mɛni ni, anwu ndi likpo buse bɔni mɔɔtina ka Katɔti ɔ́ƒɔ-nwu. Ɔsika nwuna bɔƒɔtaadi náya na Katɔti ɔ́ƒɔ-nwu ka use siin asa na úkulo lego. Na bɔƒɔtaadi bɔmɛni ɔsu ni, Abraham únwini baƒɔtaadine ƒui ɔti. Na Katɔti ɔkɛnku Abraham lɛlɔ ɔ́ƒɔ-ma ka bese siin ina ka bétekulo tɔ lego muedi.

Romaƒuɔ 15:28

Anwuɔsu si lɛ́bla kabla kamɛni lɛ́wɔlɔ na bákɛ ala ani na béyi mmɔ ni, ndubusie Spania na ndubɔsia-mii kudɔ mmɔ si lísela.

Korintoƒuɔ 1 9:2

Si ina badi balaƒɔ-mi aani Blɔti ɔtalane ni, amii bɛ́ƒɔ-mi lɛni. Na kalɛ na bɛ́bla unwi ku Blɔti ni, ɔmmɔ lɛti pɛ ɔ́ya na amii alati biidie ɔmɛni taatina nwaa ka ndi Blɔti ɔtalane.

Eƒesoƒuɔ 4:30

Na bitaya na Katɔti Kɔyu kúduo kɔnyana kemmo. Ɔsika Kɔyu kɔmmɔ nése-mii likpo kúse ka bɛdi Katɔti bekyuli bani ngba na ɔdubɔƒɔ na limeyi likplodi lɛmmɔ lɛlɔ.

Timoteo 2 2:19

Nsu ni, Katɔti ɔtɔ kalɔ lɛtabi lɛni na ɔ́kya ni, lɛla biala lilakana-ni bɔkunku. Na lɛtabi lɛmɛni lɛlɔ ni, únweni etemila amɛni ɔ́sia ɔnini, “Blɔti ɔgyi bekyuli bani ndi anwu badi,” ku “Ukyuli ɔni masu ɔnii ɔsiaku Blɔti ni, ɔlɛka unwini kama ɔkya ekpidi bɔbla.”

Yohane 1 1:10

Nsu si búni bɔnii bútabla likpidi lɛdi ni, buudie-nwu taatina aani ɔkɔ ɔnyine, na nwuna litemi lítáƒɔ-bu lɛlɔ kemmo.