Yohane 3:11 - Katɔti Ɔku Kedee

¹¹ Mɔɔsu-ɔ geen ka bɔɔtɛmi taasiku ala ani na bɔgyi lɛlɔ, na buudie ani na bɔ́nu kenye teete-mii. Nsu bilaƒɔ ala ani kenye na buudie teete-mii taadi.

Yohane 3:11 Referans Kwoze

Yohane 8:38

Lɛla lɛni na mina Ɔti ɔ́tina-mi ni, ani na mɔɔsu. Na amii lɛnɔ bɛɛbla lɛla lɛni na bínu bɛ́siku bina ɔti kudɔ.”

Yohane 14:24

Na ukyuli ɔni naaayɔ-mi ni, uladi mina ala ani mɔɔtina lɛlɔ. Na ala ani bínu ka lɛ́su mɛni ni, ɔɔɔdi ami ɔlati kani náta mɔɔsu-nya. Mmomu mina Ɔti ɔni nátala-mi kudɔ na ási.

Yohane 12:49

Ɔsika ɔɔɔdi ami ɔlati ɔyikun kemmo na lɛ́tɛmi. Mmomu mina Ɔti ɔni nátala-mi nátina-mi lɛla lɛni na ɔdi ka lɛsu ku kalɛ na lɛsu-ni.

Yohane 8:14

Amu na Yesu ɔ́su-ma ɔnini, “Si ina muudie lɛlɔ kenye ni, mina kenye budie bubo unu, ɔsika ngyi kesii kani na lɛ́si, na ngyi kesii kani na lísela. Nsu amii bɛɛɛgyi kesii kani na lɛ́si iye kesii kani na lísela.

Yohane 7:16

Amu na Yesu údie kenye na ɔ́su-ma ɔnini, “Mina ala bɔtina bɔɔɔdi ami alati bɔdi. Mmomu ukyuli ɔni nátala-mi ala bɔtina na bɔdi.

Yohane 1:18

Ukyuli ɔdi útanu Katɔti nwaa dii. Nsu Katɔti ubidi unwi pɛ ɔni mma-nwu lɛlɔ ni, anwu nédie-nwu nwaa ɔ́tina bekyuli.

Korintoƒuɔ 2 4:4

Na bekyuli bammɔ ni, ukisine ɔmmɔ ɔ́bwɛ ama bani naaaƒɔ taadi anumi. Na uutile-ma kuƒi kalɛ na balanu bukeye bɔmmɔ. Na bukeye bɔmɛni bɔɔsí litemi buni lɛni nkɛnku Kristo bukeye bɔni ndi Katɔti ɔmmɔ ɔlati udu geen kemmo.

Yesaia 65:2

Lídie mina enu nnye limeyi limodi ngya bekyuli bani na báta bénye mina lilu lɛlɔ na bakɛ ulu ukpidi lɛlɔ bésela na basia bana kasusu kama kani.

Yohane 1:11

Úbo anwu badi akɔ, nsu bétegyingya enu bátaƒɔ-nwu.

Luka 10:22

Amu na ɔ́sɔ ɔ́su ɔnini, “Mina Ɔti úti ala ƒui úte-mi. Ɔdi biala ɔɔɔgyi ukyuli ɔni na Katɔti Ubi ɔmmɔ ɔdi, ntu Katɔti lɛti pɛ. Na ɔdi lɛnɔ ɔɔɔgyi ukyuli ɔni na Katɔti ɔmmɔ lɛnɔ ɔdi, ntu Ubidi ɔmmɔ lɛti pɛ ku bekyuli bani na Ubi ɔmmɔ ɔ́ƒuna ka udie Ɔti ɔmmɔ ɔtina kani.”

Yesaia 53:1

Ɔma náƒɔ-bu ɔ́di? Na ɔma bene na Blɔti údie nwuna ɔyikun ɔ́tina?

Yesaia 50:2

Líbo ḿbawia-mii na ńtanu ɔdi, na lɛ́kpali-mii, nsu ńtenu bina ɔdi kɔku lɛnɔ. Bɛɛbu bɛnii mina ɔyikun ɔni na liti lɛƒɔ-mii ɔ́sa iye ɔ́yii udu na naaakana na maƒɔ-mii ngba? Ami muudie lɛdi na ɛpu ku ntukpa ƒui bɔɔkwii teenwini kalɔ kakwiidi na kɔkpaku kuukpi na kuubun teenwenyi ka básɔ bátakɛ ntu ɔsu.

Budie Taatina 1:5

Na Yesu Kristo ndi anwu ɔni muudie lɛla lɛdi biala kenye ulu lɛlɔ. Ɔdi ukyuli udeedi ɔni na Katɔti ɔ́gyila ɔ́lɛku bekpine akɔ na ɔsɔ ulekpi kudii. Yesu ɔmɛni mɔɔdi kayawi baga ƒui lɛlɔ. Na ɔɔyɔ́-bu. Na úti nwuna ubugya ɔ́kpa na bula lili, na ɔ́ƒɔ-bu ɔ́lɛku bula ekpidi kemmo.

Batalane Kabla 22:18

Mmɔ na Blɔti ɔlati ɔ́su-mi ɔnini, ‘Babla na avi alɛ Yerusalem, ɔsika mɛni bekyuli belénu-ɔ litemi lɛni na aasu taasiku-mi lɛlɔ.’

Yohane 5:43

Ngyi ɔmɛni ɔsika líbo-mii kudɔ nnye na mina Ɔti kenyekɔ, nsu bítegyingya enu bítaƒɔ-mi. Na binye kagyumana ka bɛƒɔ ukyuli ɔni nnye anwu ɔlati kenye mmomu.

Yohane 3:13

Ukyuli ɔdi útesie katɔ utatáwia ala amɛni udu ntu ami Ukyuli Ɔyawine Ubi kani. Na ami kani nási katɔ líbo kayawi kamɛni lɛlɔ.

Yohane 3:5

Amu na Yesu ɔ́su-nwu ɔnini, “Mɔɔsu-ɔ geen ka ni, si bátawɔ ukyuli bátalɛku ntu ku kɔyu kemmo ni, ulakana Katɔti lɛga kadikɔ mmɔ buduo.

Yohane 3:3

Amu na Yesu údie kenye ɔnini, “Mɔɔsu-ɔ geen ka ni, si bátasɔku ukyuli bátawɔ ni, Katɔti ulakana lɛga bɔdi na nwuna kayi kemmo.”

Mateo 23:37

“Yerusalem, Yerusalem! Awɔ muubó Katɔti kenye bediene ku bekyuli bani na Katɔti ɔ́tala ɔ́kya-mii atabi taadu. Kɔlɛ kɔlɛ sɔɔn mɛni na líbimi mina enu nnii mɔɔsála-mii aani kalɛ na akɔkɔ uledi uuti nwuna avwi teebi nwuna bebi lɛlɔ, nsu étenu kalɔ!

Mateo 11:27

Na ɔ́sɔ ɔ́su ɔnini, “Mina Ɔti úti ala ƒui úte-mi. Na anwu lɛti ngyi ukyuli ɔni udu na ndi. Na ami lɛti ngyi ukyuli ɔni na mina ɔti lɛnɔ ɔdi. Na mɔɔƒuna bekyuli badi bani na medie-nwu matina.

Yesaia 55:4

Lɛ́bla-nwu na ɔdi kadi bekyuli ƒui ɔtɔnkune na anwu nádi mina kenye udiene úte-ma.

Budie Taatina 3:14

Na ɔ́sɔ ɔ́su-mi ɔnini, “Nweni te Laodikea baƒɔtaadine ɔtu anii, “Lɛni na anwu ɔni mɔɔyá na lɛla biala lɛɛsia lɛni ɔɔsu. Na ɔdi Katɔti kenye udiene geen ɔni mɔɔbla ala ulu lɛlɔ, na anwu mɔɔdi Katɔti ala ani ƒui na údie lɛlɔ.

Yohane 3:12

Na si mɔɔsu-mii ala ani mɔɔlɛ́ bina akɔ na kalɔ lɛlɔ mɛni na bilaƒɔ-mi taadi ni, dɛ na bɛdubɔkana na bɛƒɔ-mi bɛdi si lɛ́su-mii lɛla lɛni mɔɔlɛ́ na katɔ?

Yohane 8:26

Mbo ala pii na lɛsu lɛsiku-mii lɛlɔ na lɛdu-mii kɔtɔ na bina ɔbladu ɔsu. Nsu ukyuli ɔni nátala-mi ni, ulányi ɔkɔ. Na ala ani na línu lɛ́siku-nwu kudɔ ni, anya muuti taasu kayawi bekyuli.”