Yohane 21:19 - Katɔti Ɔku Kedee

¹⁹ Lɛla lɛni na Yesu ɔ́su-nwu mɛni ni, bɔtina na ɔda Petro kukpi kɔni udu na ɔdubo bukpi na uti ɔkɔliku Katɔti lɛnyi katɔ. Amu na Yesu ɔ́su-nwu ɔnini, “Taasiaku-mi.”

Yohane 21:19 Referans Kwoze

Petro 2 1:14

Ngyi ka kébu blii na linwini kama aani kalɛ na Blɔti Yesu Kristo ɔ́su-mi nwaa kalɛ.

Yohane 21:22

Amu na Yesu údie kenye na úye-nwu ɔnini, “Si mɔɔyɔ́ nnii anwu ɔsɔ ɔkya ngba wetédu uwi ɔni na masɔ mebo ni, bi nkɛ-ɔ? Awɔ ni, taasiaku-mi.”

Mateo 10:38

Ukyuli biala na ulayɔ ka ɔsiaku-mi kama na ubo abi aani ami kalɛ ni, útamanku ka ɔbla mina ɔtɛyane.

Ƒilipiƒuɔ 1:20

Na lɛla lɛni mɔɔwia na mina anu lɛnɔ asia kpakplaa ndi ka kabla kani mɔɔbla mɛni ni, kɔƒa kulekpo-mi. Mmomu na uwi biala kemmo ku ɔƒɛni muedi ni, lɛkya ɔkplu na liti bumwi lite Kristo na mina ngba bulie ƒui kemmo. Si ina nli ngba iye líkpi.

Yohane 12:33

Ka Yesu ɔ́su ɔmɛni ni, ɔ́tina ka badubo-nwu katɔ bɔkɔliku na ugyii lɛlɔ na ukpi.

Samuel 1 12:20

Nsu Samuel úse-ma kayi ɔnini, “Bɛsɔ bitayia. Sɔsɔ na ɔdi ka bɛ́bla ala buɛ amɛni. Nsu bɛda udu ɔmmɔ bɛya na bɛsɔ bitenwini kama bitakya Unwoti. Mmomu biti bina kayi ƒui bɛbla-nwu kabla.

Yohane 18:32

Na ala amɛni álɛ lɛni kalɛ na litemi lɛni na Yesu ɔ́su ɔ́siku kukpi kɔni udu na ɔdubo bukpi lɛlɔ ubo ute lɛni sɔsɔ.

Yohane 12:26

Ukyuli biala ɔni mɔɔwia ka ɔbla-mi kabla ni, ɔdi ka ɔsiaku-mi. Na kesii kani na nlie ni, mmɔ na mina kabla ɔblane ɔmmɔ lɛnɔ welie. Na ukyuli biala ɔni mɔɔbla-mi kabla ni, mina Ɔti ɔdubute-nwu ɔbu.

Mateo 19:28

Yesu ɔ́su-ma ɔnini, “Amii bɛkɛ kayi. Uwi ɔni na ami Ukyuli Ɔyawine Ubi mebo na mina lɛlɔyɔ kemmo na nlie mina lɛgaboku lɛlɔ na kayawi kawɔdi kammɔ kemmo ni, bina leevu-inyɔ bani nsiaku-mi lɛnɔ bɛdubulie agaboku lɛlɔ na bɛdi Israelƒuɔ adukpa leevu-inyɔ lɛlɔ.

Bumomo Bɔka 14:24

Nsu ka mina kabla ɔblane Kaleb anwu úbo kɔyu kɔni návumana na úti nwuna kayi ƒui ɔsiaku-mi kama ɔsu ni, ndubuti anwu ku nwuna kaba bekyuli na betéduo kalɔ kammɔ kemmo na badubo kalɔ kammɔ ala bɔdi.

Mateo 8:22

Yesu údie kenye ɔnini, “Siaku-mi kama. Na aya na bani nli aani bekpine ka bátaƒɔ bátadi ɔsu bataava bana bekpine.”

Yohane 21:18

Mɔɔsu-ɔ litemi geen ka ni, uwi ɔni kemmo na adi ɔnamu ni, aata na aklibi lɛlɔ na esie kesii biala na aayɔ́. Nsu si uwi ɔni na ábi lɛlɔ ni, adubo enu bunene na ukyuli bamba maklibi-ɔ na ɔkpanku-ɔ usienku kesii kani na alawia ka esie.”