Yohane 21:15 - Katɔti Ɔku Kedee

¹⁵ Uwi ɔni na bádi báwɔlɔ ni, Yesu úye Simon Petro ɔnini, “Simon, Yohane ubi, aayɔ́-mi geen teetulo batɛyane bakladi bamɛni?” Amu na údie kenye ɔnini, “Blɔti, ɛɛn! Awɔ ɔlati agyi ka mɔɔyɔ́-ɔ.” Amu na Yesu ɔ́su-nwu ɔnini, “Taanu mina baƒonubi lɛlɔ.”

Yohane 21:15 Referans Kwoze

Romaƒuɔ 15:1

Abu bani na bula bɔƒɔtaadi bɔ́ɔyu ɔkplu ni, ɔlɛka bɔkɛ kayi bute ala ani na bekyuli bani na bana bɔƒɔtaadi bútayu tɔ ɔkplu baabla na bubunku-ma. Na ɔɔɔdi ka bɔbla lɛla lɛni mayɔ-bu kaƒɔ lɛti.

Yohane 1 4:19

Bɔɔyɔ́ Katɔti ku bekyuli ɔsika Katɔti náka-bu bɔyɔ.

Yesaia 40:11

Ɔɔtɔnku nwuna badi aani baƒonu ɔdane buni, na ɔɔgyu baƒonubi bammɔ taada enu. Na ɔɔda-ma taamana nwuna kayi. Na bani nda bebi ni, ɔɔkpanku-ma buɛɛ.

Petro 1 1:8

Bítanu-nwu kudii, nsu bɛɛyɔ́-nwu. Na bilánu-nwu ɔƒɛni lɛnɔ, nsu bɛɛƒɔ́-nwu taadi. Anwuɔsu bɛya na lɛlɔyɔ lɛni náƒɔ kuye geen na ukyuli ɔdi biala ulakana-ni kalɔ budie lɛnɔ ni, lɛkya-mii kemmo.

Eƒesoƒuɔ 6:24

Katɔti lɛƒɔndia lɛsiaku bekyuli bani ƒui mɔɔyɔ́ Blɔti Yesu Kristo ku kayi ƒui.

Batalane Kabla 20:28

Ɔmɛni ɔsu ni, binye lɛlɔ kagyumana. Katɔti Kɔyu nábla-mii batɔnkune ɔnii bɛda nwuna bebi bani na Katɔti úti úte-mii bɔda kɔkɔɔkɔ. Bɛda-ma kaduɛ, ɔsika Katɔti úwi Ubidi ubugya kalɔ úti udie-ma lili.

Yohane 1 5:1

Bekyuli bani ƒui náƒɔ bádi ka Yesu ndi Ukyuli Ɔƒunadi ɔmmɔ ni, badi Katɔti bebi. Na alakana ubi ɔti bɔyɔ na ekisi nwuna bebi! Anwuɔsu si aayɔ́ Katɔti ni, aayɔ́ nwuna bebi lɛnɔ.

Yohane 16:27

Ɔsika Ati ɔlati ɔɔyɔ́-mii. Ɔɔyɔ́-mii ɔsika amii lɛnɔ bɛɛyɔ́-mi, na bɛ́ƒɔ bɛ́di ka Katɔti kudɔ na lɛ́si líbo.

Yeremia 3:15

Na ndubɔƒuna batɔnkune bani náda anu na baabu-mii lite-mii na banu-mii lɛlɔ aani baƒonu badane babuni kalɛ.

Esekiel 34:23

“Na ɔmmɔ kama ni, ndubute-mii baƒonu ɔdane buni ɔni ndubɔsi mina kabla ɔblane ɔni ndi Ɔga Dawid ɔtɔ kemmo na bina ƒui bani mbo ɔlɔkplu ku bani na bese kpɛtɛ kpɛtɛ ƒui bakɛ ɔdane unwi pɛ na ɔnu-mii lɛlɔ kaduɛ.

Petro 1 2:25

Bílie ngba dii ani baƒonu bani náyii ulu. Nsu ɔƒaani ni, Katɔti ɔ́sɔku-mii úboku bina ɔdane ɔni mɔɔgyumana-mii kɔyu kudɔ.

Hebriƒuɔ 4:13

Ala ani ƒui na Katɔti údie lítabɛ-nwu. Na ɔɔnu lɛla biala kalɛ na lise. Na nwuna anumi na bɔdubo bula akunta ƒui bɔbu.

Luka 22:32

Nsu ni, Simon, lɛ́ɛkpali katɔ na ƒula lili kalɛ na ƒula bɔƒɔtaadi bulayuɛ. Na uwi ɔni na adubunwini ebo-mi kudɔ ni, na akya ƒula banwani ɔkplu.”

Hebriƒuɔ 13:20

Na muuvele keyi buɛɛ Katɔti ɔni nkɛnku bunyimi bɔwɔdi bɔni nse úsela ƒui ɔsu na ɔ́gyila Yesu Kristo ɔni ndi baƒonu ɔdane buni ɔ́lɛku bekpine akɔ nnii

Romaƒuɔ 14:1

Bigyingya enu na bɛƒɔ bina bakpana bani bɔƒɔtaadi nátayu tɔ ɔkplu. Bitakyaku-ma unyeƒi na ala ani lɛlɔ na amii ku-ma kasusu kátabla kenwi lɛlɔ.

Mateo 16:17

Amu na Yesu údie kenye ɔnini, “Lɛlɔ litaayɔ awɔ, Simon, Yona ubidi. Ɔsika ɔɔɔdi ɔyawine nédie litemi geen lɛmɛni ɔ́tina-a. Mmomu mina Ɔti ɔni nkya katɔ nédie ɔ́tina-a.

Yeremia 23:4

Na muusé kenye ka ndubɔƒuna batɔnkune bani manu-ma lɛlɔ kaduɛ aani baƒonu badane babuni lite-ma. Na mina bekyuli bammɔ badubɔsa belie mmɔ na basɔ balayia lɛla lɛdi.

Budie Taatina 2:23

Lɛnɔ ni, ndubo uleku ɔmɛni basɔnɔbi ƒui bɔdu. Na mmɔ ni, baƒɔtaadine lɛkpa lɛmmɔ ƒui badubɔti ka ami ndi ukyuli ɔni ngyi ukyuli biala kayi ku lili kemmo. Ndubo bina akɔ ɔdi biala kayu bɔƒɔ na lɛla lɛni na ɔ́bla kenye.

Petro 1 2:2

Bɛya na anumi egyie-mii na Kɔyu kemmo etemila geen amɛni lɛlɔ aani kalɛ na ɔkaƒɔ ɔɔwia lɛnyi ntu. Ɔmmɔ ndubɔya na bɛlɛ lili bɛwɔlɔ kalɛ na Katɔti ɔɔwia.

Galatiƒuɔ 5:6

Na si bɔ́bla unwi ku Kristo ni, lego bukulo ku tekulo ɔsɔ uuubo kɔsia kɔdi. Lɛla lɛni bɔɔwia ndi bɔƒɔtaadi bɔni mɔɔtina kalɛ na bɔɔyɔ́ lɛlɔ.

Yohane 21:12

Ɔmmɔ kama ni, Yesu ɔ́su-ma ɔnini, “Bibo bibadi.” Nsu ɔni na ala amɛni ƒui aalɛ́ ni, ɔdi útakana kayi buse na uye-nwu ɔnii, “Ɔma na adi?” Ɔsika báti ka Blɔti na ɔdi.

Yohane 21:7

Amu na ɔtɛyane ɔni na Yesu ɔɔyɔ́ mmɔ ɔ́su Petro ɔnini, “Blɔti na ɔdi!” Ka Simon Petro únu ka ɔtɛyane ɔmmɔ ɔ́su ɔnii Blɔti na ɔdi ni, Petro úti nwuna awu gyɔlɔɔ ɔ́bala lɛlɔ, ɔsika ɔ́da-nwu údie. Na ɔ́ƒulu úduo ntu bɔmmɔ kemmo, na úti úsela Blɔti kudɔ.

Mateo 18:10

“Bɛnu kaduɛ kalɛ na bilanu banamu wɛlɛ wɛlɛ bamɛni ɔdi bɛnii ɔɔɔdi lɛla lɛdi na bina akɔ. Ɔsika mɔɔsu-mii nwaa nnii bebo Katɔti batu bani nnye mina Ɔti anumi na katɔ uwi biala.

Eƒesoƒuɔ 4:14

Na bɔsɔ bulése aani banamu bani kasusu bada baatu teenwini na ala bɔtina biala kemmo ɔkɛnku ala ani na ɔkɔ ala batinane bánwi na beeti bekyuli taatákya likpidi kemmo ɔkɛ bana kakwɛ kekpidi kani na bada ɔsu.

Korintoƒuɔ 1 8:11

Ɔmmɔ ɔsu ni, ƒula ɔnwani ɔni ɔsu na Kristo úkpi na nwuna bɔƒɔtaadi buse kpɛtɛ kpɛtɛ ɔdubɔyii ku udu na ƒula lɛla lɛni na aanu anii lɛlati ɔsu.

Yohane 8:42

Amu na Yesu ɔ́su-ma ɔnini, “Si Katɔti ndi bina ɔti ni, bɛdubɔyɔ-mi. Ɔsika Katɔti ɔmmɔ kudɔ geen na lɛ́si líbo mɛni. Ńtebo na ami ɔlati bɔyɔ kemmo. Mmomu anwu ɔmmɔ nátala-mi.

Marko 14:29

Amu na Petro ɔ́su-nwu ɔnini, “Ami ni, lɛɛɛdubo-ɔ bukeli kudii, si ina bakladi ƒui badubukeli-ɔ!”

Luka 12:32

“Mina basiakune lisu libliidi, bitayia. Ɔsika ɔdi Katɔti lɛƒɔyɔ ka ute-mii nwuna lɛga kadikɔ.

Ala Kalɔ Buse 33:13

Nsu Yakob ɔ́su Esau ɔnini, “Mina Ati, agyi ka bebi bammɔ bátabi tɔ lɛlɔ. Na ɔƒɛni lɛnɔ ɔlɛka lɛnu baƒonu ku ɔmantɛ bakɔ benidi bani nda bebi mmɔ lɛlɔ kaduɛ. Na si búkeliku-ma usi na búsie ulu umodi ɔmmɔ limeyi linwi ni, badubo bukpi ƒui.

Mateo 10:37

“Na ukyuli biala ɔni mayɔ ɔti iye uni metulo-mi ni, útamanku ka ɔbla mina ɔtɛyane. Lɛni kani na ukyuli ɔni mayɔ ubidi ɔnanabi iye ulekubi metulo-mi lɛnɔ ni, útamanku ka ɔbla mina ɔtɛyane.

Baga 2 20:3

“Unwoti nyimo ka lɛ́bla ala siin na ulu lɛlɔ na ƒula anumi. Na líti mina kayi lɛnɔ lɛ́sia awɔ lɛti lɛlɔ. Na lɛ́kya ɔkplu ka lɛ́bla lɛla lɛni na aayɔ́.” Ɔmmɔ kama úsie kalɔ uuwulo momoomo.

Samuel 2 7:20

“O Unwoti, bi na ami Dawid nsɔ mbo lɛnɔ na masu-ɔ, ɔsika agyi ami ƒula kabla ɔblane.

Yohane 13:37

Amu na Petro úye-nwu ɔnini, “Blɔti, bi ɔsu na naaakana-a bɔsiaku ɔƒaani? Nnye kagyumana ka likpi na ƒula lili!”

Yohane 1:42

Na Andrea ɔ́tɔnku Simon úsienku Yesu kudɔ. Na ka Yesu ɔ́nu Simon ni, ɔ́su-nwu ɔnini, “Awɔ ndi Yohane ubidi Simon, nsu bekyuli badubɔlɔ-ɔ banii Keƒas,” iye Petro. Na anyi ammɔ kalɔ budie ndi lɛtakpɛ.

Mateo 26:35

Petro údie kenye ɔnini, “Si ina ɔlɛka badu ami ku-ɔ muedi ni, lɛɛɛdubo bɔsu nnii lɛɛɛgyi-ɔ.” Na lɛni kani na nwuna batɛyane bammɔ ƒui básu.

Mateo 26:33

Amu na Petro ɔ́su Yesu ɔnini, “Si ina bakladi ƒui béni-ɔ muedi ni, ami lɛɛɛdubo-ɔ kama bɔlɛ kudii!”

Batalane Kabla 20:29

Na ngyi kede kede ka si lɛ́tɔlɔ-mii kudɔ ni, bekyuli badubo bɔta bukpoku-mii na begyingya-mii aani kalɛ na begiti beekpóku baƒonu.

Esekiel 46:24

Amu na ɔnana ɔmɛni ɔ́su-mi ɔnini, “Mmɔ na kakpakɔ kabla bebunkune beeƒulo lɛna lɛni na bekyuli bani nébo babakpa Katɔti béboku.”