Yohane 20:19 - Katɔti Ɔku Kedee

¹⁹ Na Kwasida kadi kammɔ useyi ni, batɛyane bammɔ básala na bákalɛ lɛlɔ bákya ɔtɔ kemmo ka baayia Yudaƒuɔ benengu bammɔ ɔsu. Amu na Yesu úbo úbenye-ma ntɛ, na ɔ́su-ma ɔnini, “Keyi buɛɛ kasiaku-mii.”

Yohane 20:19 Referans Kwoze

Yohane 20:26

Amu na Kwasida unwi kama ni, batɛyane bammɔ básɔ bása belie ɔtɔ kemmo, na Toma lɛnɔ ɔkya-ma akɔ. Básɔ bákalɛ ɔtɔ ɔmmɔ lɛni kani. Nsu Yesu úbo na úbenye-ma ntɛ, na ɔ́su-ma ɔnini, “Keyi buɛɛ kasiaku-mii.”

Yohane 14:27

“Keyi buɛɛ na lɛ́da muusé-mii. Na mina keyi buɛɛ na líti muute-mii. Ɔɔɔdi aani kalɛ na bayawine beete ukyuli keyi buɛɛ kalɛ. Kayi ku kasusu ketekpoku-mii na ala ani ndubo bɔlɛ lɛlɔ. Na bitayia.

Yohane 20:21

Ɔmmɔ kama ni, Yesu ɔ́sɔ ɔ́su-ma ɔnini, “Keyi buɛɛ kasiaku-mii. Kalɛ na Ati ɔ́tala-mi ni, lɛni kani na ami lɛnɔ mɔɔtala-mii.”

Eƒesoƒuɔ 2:14

Ɔsika Kristo ɔlati úte-bu bɔnwuna uwi ɔni na úti Yudaƒuɔ ku bani naaadi Yudaƒuɔ ƒui ɔ́sala. Na údie bukisi bɔni nse anii kowodu na ɔkya bana ntɛ.

Tesalonikaƒuɔ 2 3:16

Buuvele Blɔti ɔlatidi ɔni muute keyi buɛɛ bɔnii ute-mii keyi buɛɛ na bina ngba bulie ƒui kemmo. Blɔti ɔda bina ƒui na ulu biala lɛlɔ.

Yohane 7:13

Nsu Yudaƒuɔ bɔyia ɔsu ni, ukyuli ɔdi útakana na ɔsu lɛla lɛdi ɔlɛku ƒui na nwuna lɛlɔ.

Marko 16:14

Kukplodi ni, Yesu údie lɛlɔ ɔ́tina nwuna batɛyane leevu-unwi uwi ɔni na belie baadi. Nsu ɔ́dɔnku-ma ɔsika beeebo bɔƒɔtaadi, na bábla atu ɔkplu bágya, na bátaƒɔ bekyuli bani nánu-nwu ka ɔ́ta ɔ́sɔ úbo uli ngba bátadi.

Budie Taatina 1:4

Ami Yohane muunweni ɔku ɔmɛni lite amii baƒɔtaadine akpa maatɛ ani nkya Asia kalɛkɛ lɛlɔ. Bɛkɛ lɛƒɔndia ku keyi buɛɛ bɛsiku Katɔti ku nwuna Kɔyu ku Yesu Kristo kudɔ. Katɔti ndi anwu ɔni nli ɔ́si kukuuku, na ulie ɔƒɛni, na ɔdubo bulie uwi ɔni mebo ƒui. Na Katɔti Kɔyu ndi anwu ɔni mbo ɔyikun maatɛ ɔni nnye Katɔti lɛgaboku anumi.

Korintoƒuɔ 1 15:5

Na údie lɛlɔ ɔ́tina Petro ku batalane leevu-inyɔ bammɔ.

Yohane 16:33

Ala amɛni na lɛ́su-mii kalɛ na kayi kasɔ kelékpoku-mii si biliku-mi. Kayawi bekyuli badubo bɔya na bibo abi. Nsu binye kpakplaa! Ɔsika lɛ́ɛdi kayawi kamɛni lɛbibo biala lɛlɔ.”

Hebriƒuɔ 7:2

Na Abraham úti nwuna ala ƒui lɛkpa leevudi úte-nwu. Kudeedi ni, Melkisedek lɛnyi kalɔ ndi Siin Bɔbla Ɔga. Na ɔmmɔ kama ni, Salem Ɔga kalɔ budie ndi Keyi Buɛɛ Ɔga.

Ƒilipiƒuɔ 1:2

Na buuvele bɔnii lɛƒɔndia ku keyi buɛɛ kani nási Katɔti ɔni ndi bula Ɔti ku Blɔti Yesu Kristo kudɔ kasiaku-mii.

Eƒesoƒuɔ 6:23

Banwa, Unwoti Katɔti ku Blɔti Yesu Kristo ute-mii keyi buɛɛ ku bɔyɔ ku bɔƒɔtaadi.

Romaƒuɔ 15:33

Katɔti ɔni muute keyi buɛɛ ɔsiaku bina ƒui. Ɔsia lɛni.

Yohane 16:22

Lɛni geen na use ute amii lɛnɔ. Ɔƒaani ni, bina lɛlɔ libo kɔnyana. Nsu ndubɔsɔ mbanu-mii. Na mmɔ ni, lɛlɔyɔ lɛdubɔƒɔ-mii kayi kemmo ƒui. Lɛlɔyɔ lɛmɛni udu na ukyuli ɔdi biala ulakana bɔƒɔ bɔsiku-mii kudɔ kudii!

Mateo 18:20

Ɔsika kesii kani na nkyuli inyɔ iye ɛtɛ bása na mina lɛnyi kemmo ni, ami lɛnɔ nkya-ma akɔ.”

Mateo 10:13

Si báƒɔ-mii ku kaƒɔ ƒaa ni, keyi buɛɛ kegye kammɔ kadubɔƒɔ kaduli kammɔ ƒui. Na si bátaƒɔ-mii ni, keyi buɛɛ kegye kammɔ kaaadubo bulieku-ma.

Kɔgya 122:8

Na nnye mina bakpana ku banwa ƒui kenye muuvele nnii, “Keyi buɛɛ kaƒɔ Yerusalem.”

Yohane 21:1

Ɔmmɔ kama ni, Yesu ɔ́sɔ údie lɛlɔ ɔ́tina nwuna batɛyane kunwi na Tiberia Ɛpu kudɔ. Na kalɛ na úbalɛ na ndubo bɔsu mɛni.

Yohane 21:14

Na ɔmɛni ndi kɔtɛdi kɔni na Yesu údie lɛlɔ ɔ́tina nwuna batɛyane ɔni na ɔ́ta ɔ́lɛ kekpine.

Batalane Kabla 1:3

Na emeyi aavlene kemmo na nwuna kukpi kama ni, údie lɛlɔ ɔ́tina-ma kɔlɛ kɔlɛ ɔni na ɔ́tina geen ka ɔ́kya ngba. Ama bani nánu-nwu ni, ɔ́tɛmiku-ma ɔ́siku nwuna Ɔti lɛga kadikɔ ala lɛlɔ.

Yohane 3 1:14

Mɔɔwia ka libo-ɔ kudɔ uwi klukui kemmo na bɔtɛmi anumi ku anumi.