Yohane 2:11 - Katɔti Ɔku Kedee

¹¹ Lɛla lɛni nálɛ na Kana na Galilea mɛni ni, ani ndi akɔla budie taatina edeedi ani na Yesu ɔ́bla. Na ka údie nwuna ɔyikun ɔ́tina lɛni ni, nwuna batɛyane báƒɔ-nwu bádi.

Yohane 2:11 Referans Kwoze

Yohane 1:14

Na Katɔti Litemi lɛmɛni líbo aani ukyuli ɔyawine, na úlie kalɔ lɛlɔ mɛni na bula akɔ. Na Katɔti lɛƒɔndia ku litemi geen lɛ́ƒɔ-nwu lɛlɔ kemmo ƒui. Na abu bɔ́nu kalɛ na uukeye ka ɔdi Katɔti ubidi unwi pɛ ɔsu.

Yohane 3:2

Ɔ́bɛ úbo Yesu kudɔ usien na úbeye-nwu ɔnini, “Ala ɔtinane, buvele, bula ƒui bɔgyi ka awɔ nási Katɔti kudɔ ébo abatina-bu ala, ɔsika ukyuli biala ɔdi ulakana akɔla budie bɔtina bɔmɛni udu bɔbla amu ntu Katɔti uliku-nwu.”

Yohane 6:2

Na bekyuli pii badi basiaku-nwu, ɔsika bánu akɔla budie bɔtina bɔni na Yesu ɔ́bla na uwi ɔni na ɔ́bwi balɛne ɔsu.

Yohane 6:30

Amu na básɔ béye-nwu banini, “Akɔla budie taatina bɔmani na adubɔtina-bu kalɛ na bɔƒɔ-ɔ bɔdi? Bi na aakana bɔbla?

Yohane 6:26

Amu na Yesu údie kenye ɔnini, “Mɔɔsu-mii geen ka ni, bodobodo ɔni na bɛ́kɛ bɛ́di bímo ɔsu na bɛɛwia-mi. Na ɔɔɔdi ɔni na bínu akɔla budie taatina ani na lɛ́bla kalɔ ɔsu.

Yohane 6:14

Amu ka bekyuli bammɔ bánu akɔla budie taatina bɔmɛni ni, básu banini, “Sɔsɔ anwu ndi Katɔti Kenye Udiene ɔni mebo kayawi.”

Yesaia 40:5

Na Unwoti ɔni muukeye ni, ɔdubɔda ɔlɛ kayaa na ukyuli biala ɔdubɔnu-nwu nwaa.’ ” Lɛni na Unwoti ɔlati ɔ́su!

Korintoƒuɔ 2 4:17

Na abi blii suɛ ani na buubó na uwi klukui ɔmɛni kemmo na kayawi mɛni ni, adubɔya na bɔkɛ ɔbu ku lɛlɔyɔ bonwu lɛni nsɔ naaadubo bɔsa kudii na katɔ. Na lɛdubutulo abi ani na búbo ƒui.

Yohane 14:13

Na lɛla biala na bivele si bɛ́kpali-mi lɛnyi ni, ndubɔbla-ni lite-mii. Ɔmɛni ndubɔya na ɔkɛnku-mi lɛlɔ ni, bekyuli badubɔkɔliku mina Ɔti lɛnyi katɔ.

Yohane 12:41

Yesaia ɔ́nu ɔ́ti Yesu kenyekɔ ku ɔbu. Anwuɔsu na ɔ́su lɛla lɛmɛni ɔ́siku-nwu lɛlɔ ka badubuni-nwu.

Yohane 12:37

Na ina ka Yesu ɔ́bla akɔla budie taatina amɛni ƒui na bana anumi ni, bátaƒɔ-nwu bátadi.

Yohane 2:23

Uwi ɔni na Yesu ɔ́kya Yerusalem na Kukpi Lili Bɔvia uwi kemmo ni, bekyuli pii bánu akɔla lidu lidu lɛni na ɔ́bla na báƒɔ-nwu bádi ka ubo Katɔti ɔyikun.

Yohane 1:50

Amu na Yesu úye-nwu ɔnini, “Áƒɔ ala amɛni ƒui ádi ɔsika lɛ́su-ɔ nnii lɛ́nu-ɔ na kɔdingyii kɔmmɔ kalɔ ɔsu? Adubɔnu budie bɔtina bunengudi butulo bɔmɛni.

Kɔgya 96:3

Bɛkɔ lɛsa bite bekyuli kalɛ na uukeye na kadi ƒui akɔ. Na bɛsu akɔla ala budie taatina ani na ɔ́bla na bekyuli ƒui akɔ.

Yohane 1 5:13

Muunweni ɔku ɔmɛni lite amii bani mbo ngba bɔƒɔ lɛnunsia na Katɔti Ubidi Yesu lɛnyi kemmo kalɛ na bɛti ka bibo ngba bɔni nsɔ naaadubo bɔsa kudii.

Yohane 4:46

Ɔmmɔ kama ni, Yesu ɔ́sɔ únwini úsie Kana na Galilea kalɔ lɛlɔ mmɔ kesii kani na úti ntu únwini ntɛ. Uwi ɔmmɔ kemmo ni, aban unengu ɔdi nási Kapernaum únu ka Yesu ɔ́si Yudea úbo Galilea. Na ka ubidi lɛnɔ uuƒi kpakplaa ɔsu ni, unengu ɔmɛni úsie Kana na útánu Yesu na úvele-nwu ɔnii ɔsiaku-nwu na besie Kapernaum na utábwi ubidi ute-nwu, ɔsika úudu kaƒiɔtɔ kɔtu.

Yohane 5:23

kalɛ na ukyuli biala utaabu Ubidi aani kalɛ kani na baabu Ɔti. Nsu si bíni na bilábu ami Katɔti Ubidi ɔni na ɔ́tala ɔ́kya-mii ni, bilábu Ɔti lɛnɔ.

Etemila 9:7

Di adila na ani na akya lɛlɔ kubiti, ɔsika Katɔti nése ɔmɛni úse úte ukyuli ɔ́si kukuuku.

Kɔgya 72:19

Bemwi-nwu lɛnyi lɛni muukeye úsela uwi ƒui. Na nwuna bukeye bɔƒɔ kalɔ lɛlɔ ƒui. Ɔsia lɛni! Na ɔsɔ ɔsia lɛni!

Lɛkpa Ulu 5:24

“Bɔ́nu bula Unwoti Katɔti ɔyikun ku bukeye uwi ɔni na búnu-nwu lɛdi bɔ́siku lɛgyavonku lɛmmɔ kemmo. Na ɔmwi limeyi lɛmɛni na bɔ́nu bɔ́ti geen ka ukyuli ɔkana ulie ngba ina Katɔti ɔ́tɛmiku-nwu.

Israelƒuɔ Bɔlɛ 4:9

Nsu si édie akɔla akpa anyɔ amɛni na bátaƒɔ-nya bátadi iye bétenu ƒula litemi ni, na etédu ntu bɔdi asiku Nil Ketu kemmo na aƒɛ ntu bɔmmɔ ewi kalɔ kani kákwii lɛlɔ. Na ntu bɔni na édu ásiku ketu mmɔ bɔdubunwini ubugya buwi kalɔ mmɔ.”

Korintoƒuɔ 2 4:6

Katɔti násu na kalɔ kesekɔ ɔnii, “Bukeye bɔƒɔ kasuudikɔ.” Na anwu kani náya na bukeye bɔmmɔ búkeye na bula kɔyi kemmo. Na bukeye bɔmmɔ náya na bɔ́nu Katɔti bukeye bɔni muukeye na Kristo anumi bɔ́ti.

Korintoƒuɔ 2 3:18

Na abu baƒɔtaadine bani na lɛla lɛdi liiibi-bu anumi ni, bɔɔnu Blɔti bukeye nwaa. Na Blɔti ɔni ndi Katɔti Kɔyu mɛni ni, anwu mɔɔvumana-bu udu taabla nwuna udu kalɛ na buteekeye teebu.

Yohane 11:15

Nsu amii ɔsu ni, ɔdia-mi ka liiibo mmɔ asa na úkpi kalɛ na ɔkɛnku ɔmɛni lɛlɔ ni, na bɛƒɔ-mi bɛdi. Anwuɔsu bɛya na buteesie-nwu kudɔ mmɔ.”

Yohane 1:17

Ɔsika kudeedi ni, Katɔti ɔkɛ Mose lɛlɔ úte-bu nwuna ɔda bubo. Nsu ɔkɛ Yesu Kristo lɛlɔ úte-bu lɛƒɔndia lɛmɛni ku litemi geen.

Malakai 2:2

Si bɛ́vumana na bɛɛsia anu teete-mi ɔbu ɔni námanku-mi ni, ɔdia-mii utulo. Si ɔɔɔdi lɛni ni, ina kusɛ kusɛ ɔdi bina ɔdi ni, ndubɔya na unwini ewida. Na geen ni, líise kalɔ ndaku ɔmɛni bɔbla, ɔsika bíteti bina bakpane kabla bítakya kayi kalɛ na bɛbla bina kabla ulu lɛlɔ.

Israelƒuɔ Bɔlɛ 14:31

Amu ka bánu kalɛ na Unwoti údie nwuna ɔyikun keyi na Egyipteƒuɔ bamɛni lɛlɔ ni, báyia Unwoti na báƒɔ anwu ku Mose nwuna kabla ɔblane bádi na béti bana anu básia-ma lɛlɔ.

Baga 1 17:24

Amu na uleku ɔmmɔ údie kenye ɔnini, “Ɔƒɛni na lɛ́nu lɛ́ti ka Katɔti ukyuli na adi. Na Unwoti uutemi taasiaku-ɔ lɛlɔ.”

Yohane 1:43

Kadi kégye ni, Yesu ɔ́bla kasusu ka uteesie kalɔ kani baalɔ banii Galilea. Na ka ɔkɛ ulu ni, ɔ́nu ukyuli ɔni baalɔ Ƒilipo, na ɔ́su-nwu ɔnini, “Bo, na abasiaku-mi.”

Yohane 2:1

Na limeyi lɛtɛdi lɛni nsia ni, bekyuli badi baawɛɛ uleku ɔdi na ɔma ɔni baalɔ Kana na Galilea kalɔ lɛlɔ. Mmɔ ni, Yesu uni Maria lɛnɔ ɔ́kya bebunkune bammɔ akɔ.

Yohane 4:3

Ka Yesu ɔ́ti ka Ƒarisiƒuɔ bénu ɔmɛni ni, ɔ́tɔlɔ Yudea kalɔ lɛlɔ únwini úsie Galilea.

Yohane 4:54

Ɔmɛni ndi akɔla budie bɔtina kunyɔdi bɔni na Yesu ɔ́bla na Galilea ka ɔ́si Yudea kalɔ lɛlɔ.

Yohane 7:31

Nsu bana akɔ pii báƒɔ-nwu bádi na béye banii, “Na si Ukyuli Ɔƒunadi ɔmmɔ úbo ni, ɔdubɔbla akɔla budie bɔtina butulo ani na ukyuli ɔmɛni ɔ́ɔbla?”

Yohane 9:16

Amu na Ƒarisiƒuɔ bammɔ badi básu banini, “Ukyuli ɔni nábla lɛla lɛmɛni ni, ɔɔɔdi Katɔti nátala-nwu! Ɔsika uládi lɛnwunameyi ɔda ɔni na Katɔti úbo-bu lɛlɔ.” Na babambadi ama banini, “Dɛ na ukyuli ɔni na ɔdi alaekpidi ɔblane wakana na wabla akɔla budie taatina amɛni udu?” Mmɔ ni, bekyuli bammɔ béle lɛlɔ akpa anyɔ.

Yohane 10:41

Na bekyuli pii bébo-nwu kudɔ. Na básu lɛlɔ banini, “Yohane útabla akɔla budie taatina bɔdi. Nsu lɛla biala na Yohane ɔ́su na ukyuli ɔmɛni lɛlɔ ni, líbo-nwu kemmo lɛni.”

Yohane 11:47

Anwuɔsu Ƒarisiƒuɔ ku bakpane benengu bása ku Yudaƒuɔ batɔnkune bammɔ na béye lɛlɔ banini, “Bi na ɔlɛka bɔbla? Bɛnu akɔla budie taatina ani udu na ukyuli ɔmɛni ɔdaku bɔbla!

Yohane 12:18

Ɔmmɔ ɔsu na bekyuli pii bammɔ bésie bátásiaku-nwu, ɔsika bénu akɔla budie taatina bɔni na ɔ́bla.

Yohane 16:27

Ɔsika Ati ɔlati ɔɔyɔ́-mii. Ɔɔyɔ́-mii ɔsika amii lɛnɔ bɛɛyɔ́-mi, na bɛ́ƒɔ bɛ́di ka Katɔti kudɔ na lɛ́si líbo.

Yohane 16:30

Na ɔƒɛni na bɔ́ti ka agyi lɛla biala, na ɔ́sɔ útalɛka ukyuli ɔdi uye-ɔ litemi lɛdi. Ɔmɛni lɛti pɛ ɔ́ya na bɔ́ti ka Katɔti kudɔ na ási ébo.”