Yohane 19:7 - Katɔti Ɔku Kedee

⁷ Amu na bekyuli lisu lɛmmɔ básu banini, “Bubo ɔda bubo bɔni mɔɔtina ka ɔlɛka ukpi. Ɔsika ɔ́su ɔnii ɔdi Katɔti Ubidi.”

Yohane 19:7 Referans Kwoze

Lewiƒuɔ Ɔda Bubo 24:16

Na si ukyuli ɔdi ɔtɛmi enyekpi na Unwoti lɛlɔ ɔlɛka badu-nwu. Na Israelƒuɔ ƒui bebo-nwu atabi badu. Si ukyuli ɔmmɔ ɔdi ɔƒɔ o-o iye Israelni geen o-o ni, si útemi enyekpi na Unwoti lɛlɔ ɔlɛka badu-nwu.

Yohane 5:18

Ɔmɛni bɔsu ɔsu ni, Yudaƒuɔ benengu básɔ báwia ulu bébu ka badu-nwu. Ɔsika na lɛnwunameyi ɔda bubo lɛlɔ tadi kama ni, ɔ́sɔ ɔ́tɛmi ɔ́siku Katɔti lɛlɔ aani Ɔti kalɛ. Na ɔmɛni ɔɔtina ka anwu ku Katɔti bese likeke.

Romaƒuɔ 1:4

Na ɔkɛnku Katɔti Kɔyu lɛlɔ ni, Katɔti údie-nwu ɔ́tina bekyuli ku ɔyikun bonwu ka ɔdi ubidi ɔni na ɔ́gyila ɔ́lɛku bekpine akɔ.

Marko 15:39

Na ka bekpone unengu ɔni nnye ugyii ɔmɛni anumi únu Yesu bɔva na ɔ́nu kalɛ na úkpi ni, ɔ́su ɔnini, “Sɔsɔ na ukyuli ɔmɛni ɔdi Katɔti Ubidi.”

Lɛkpa Ulu 18:20

Nsu si kenye udiene ɔdi ɔ́su-ma litemi lɛdi na mina lɛnyi kemmo uwi ɔni na ɔɔɔdi Ami Katɔti nátala-nwu iye kenye udiene ɔdi ɔda baƒiɔ kɔyu ɔɔsu-ma lɛla lɛdi ni, na bayila bekyuli bammɔ udu.”

Yesaia 53:4

Anwu ɔlati ɔ́bwi-bu lɛlɛ na únu ɔlɛ pii na abu ɔsu. Na kawɔlɔkɔ ni, bɔsu na bɔ́su bɔnii anwu ɔlati ekpidi ɔsu na Katɔti ɔ́ni-nwu kɔtu lɛni.

Yohane 19:8

Uwi ɔni na Pilato únu-ma kenye kamɛni ni, liƒu lɛ́sɔ lɛ́da-nwu libu.

Batalane Kabla 18:13

Amu na básu ɔga ɔmmɔ banini, “Ukyuli ɔmɛni uunwíni bekyuli kasusu ɔnii bataakpa Katɔti na ulu ɔni náta únye bula ɔda bubo lɛlɔ.”