Yohane 18:2 - Katɔti Ɔku Kedee

² Na uwi ɔmmɔ kemmo ni, kakya ɔkyane Yuda Iskariot ɔgyi likpo lɛmmɔ. Ɔsika mmɔ na Yesu ku nwuna batɛyane bátaayɔ bɔsa bɔsa.

Yohane 18:2 Referans Kwoze

Luka 22:39

Yesu ɔ́vi ɔ́lɛ ɔma ɔmmɔ kemmo na ɔ́tɔlɔ úsie Inɔ Egyii Kɔbi lɛlɔ aani kalɛ na ɔɔyɔ́ bɔbla. Na batɛyane bammɔ lɛnɔ básiaku-nwu.

Luka 21:37

Na emeyi ammɔ kemmo ƒui ni, Yesu úti útaatina bekyuli bammɔ ala na Katɔti kakpakɔ. Na useyi uwi ni, ɔɔtɔlɔ teesie Inɔ Egyii Kɔbi lɛlɔ.

Mateo 17:15

Na ɔ́su-nwu ɔnini, “Ati, nu mina ubi ɔnanabi ɔmɛni kɔnyana. Uuƒi kalɛ teebo na uubó abi geen. Uwi pii ni, uubuli teeduo ɔgya kemmo ku ntu kemmo lɛnɔ.