Yohane 17:10 - Katɔti Ɔku Kedee

¹⁰ “Bani ƒui na mbo ni, awɔ badi na badi. Na bani ƒui na ebo ni, ami badi na badi. Na bekyuli baakɔliku-mi lɛnyi katɔ ɔkɛnku ama ɔsu.

Yohane 17:10 Referans Kwoze

Yohane 10:30

Ati ku ami ƒui ni, bekyuli benwi na bɔdi.”

Petro 1 2:9

Nsu amii ni, bɛdi bekyuli bani na Katɔti ɔ́ƒuna. Na bɛdi bakpane bani muumwi Katɔti ɔni ndi Ɔga. Bɛdi Katɔti bekyuli kedee bani na ɔ́lɔ ɔnii binwini anwu badi. Na amii ndubo nwuna ablala ebendi kudu bubo. Ɔsika anwu geen nálɔ-mii ɔ́lɛku likpidi lɛdisa kemmo úsienku ngba bɔƒɔ bukeye kemmo.

Tesalonikaƒuɔ 2 1:10

Ala amɛni adubɔlɛ na limeyi libendi lɛni lɛlɔ na Yesu wasɔ webo. Na limeyi lɛmmɔ lɛlɔ ni, nwuna baƒɔtaadine ƒui badubɔsiaku-nwu ku bumwi kudu. Na amii lɛnɔ bɛdubɔkya-ma akɔ, ɔsika bɛ́ƒɔ nwuna litemi buni lɛni bɔ́su-mii mmɔ bɛ́di.

Koloseƒuɔ 2:9

Ɔsika Kristo kemmo ni, Katɔti ulie ngba na ɔlɔna kemmo ku nwuna udu ƒui.

Tesalonikaƒuɔ 2 1:12

Buuvele ala amɛni teete-mii kalɛ na bakɔliku Blɔti Yesu Kristo lɛnyi katɔ na amii ɔsu. Na anwu lɛnɔ wakɔliku-mii lɛnyi katɔ na anwu ku Katɔti lɛƒɔndia ɔsu.

Ƒilipiƒuɔ 1:20

Na lɛla lɛni mɔɔwia na mina anu lɛnɔ asia kpakplaa ndi ka kabla kani mɔɔbla mɛni ni, kɔƒa kulekpo-mi. Mmomu na uwi biala kemmo ku ɔƒɛni muedi ni, lɛkya ɔkplu na liti bumwi lite Kristo na mina ngba bulie ƒui kemmo. Si ina nli ngba iye líkpi.

Batalane Kabla 19:17

Lɛla lɛni nálɛ mɛni lígyingya na líyi Eƒeso ƒui ɔni na Yudaƒuɔ ku ɔma ɔmmɔ bekyuli ƒui bénu. Ɔmɛni ɔsu ni, liƒu lɛ́da-ma geen, na Blɔti Yesu lɛnyi lɛ́sɔ lɛ́ƒɔ kuye líbu.

Yohane 11:4

Ka Yesu únu kenye kamɛni ni, ɔ́su ɔnini, “Ɔlɛ ɔni na Lasaro uuƒi mɛni ni, ɔɔɔdi kukpi ndubɔdi-nwu kawɔlɔkɔ.

Yohane 5:23

kalɛ na ukyuli biala utaabu Ubidi aani kalɛ kani na baabu Ɔti. Nsu si bíni na bilábu ami Katɔti Ubidi ɔni na ɔ́tala ɔ́kya-mii ni, bilábu Ɔti lɛnɔ.

Galatiƒuɔ 1:24

Anwuɔsu beemwi Katɔti ɔkɛnku ami ɔsu.

Yohane 12:23

Amu na Yesu údie kenye ɔnini, “Uwi údu ka Katɔti ɔkɔliku ami nwuna Ubidi lɛnyi katɔ na bekyuli anumi.