Yohane 16:22 - Katɔti Ɔku Kedee

²² Lɛni geen na use ute amii lɛnɔ. Ɔƒaani ni, bina lɛlɔ libo kɔnyana. Nsu ndubɔsɔ mbanu-mii. Na mmɔ ni, lɛlɔyɔ lɛdubɔƒɔ-mii kayi kemmo ƒui. Lɛlɔyɔ lɛmɛni udu na ukyuli ɔdi biala ulakana bɔƒɔ bɔsiku-mii kudɔ kudii!

Yohane 16:22 Referans Kwoze

Petro 1 1:8

Bítanu-nwu kudii, nsu bɛɛyɔ́-nwu. Na bilánu-nwu ɔƒɛni lɛnɔ, nsu bɛɛƒɔ́-nwu taadi. Anwuɔsu bɛya na lɛlɔyɔ lɛni náƒɔ kuye geen na ukyuli ɔdi biala ulakana-ni kalɔ budie lɛnɔ ni, lɛkya-mii kemmo.

Batalane Kabla 13:52

Na bana kama basiakune ama ni, bákɛ lɛlɔyɔ básiku Katɔti Kɔyu kudɔ geen!

Yohane 16:6

Na ka lɛ́ɛya na bɛ́ti ɔmɛni ɔsu ni, bina lɛlɔ lɛ́bla-mii kɔnyana.

Tesalonikaƒuɔ 2 2:16

Na buuvele kebunku taasiku Blɔti Yesu Kristo ku bula Unwoti Katɔti kudɔ ɔni mɔɔyɔ́-bu, na úti kayi buse ku lɛnunsia úte-bu ɔ́si nwuna lɛƒɔndia ɔsu.

Batalane Kabla 16:25

Amu na usientɛ uwi ɔni na Paulo ku Silas bakya baakpali katɔ na beedie lɛnu teete Katɔti ni, bani ntɛ ɔtɔ mmɔ bakya beenú.

Yesaia 25:9

Na limeyi lɛmmɔ lɛlɔ na bekyuli ƒui badubɔsu banini, “Sɔsɔ geen ni, bula Unwoti Katɔti ɔmmɔ na ɔdi mɛni. Anwu na bunye bɔɔnu ulu teete ka ubaƒɔ-bu. Bɛɛnu Unwoti ɔmmɔ, bɛya na lɛlɔ litaayɔ-bu na bɔkɛ ebiti geen na kalɛ na úbo ubaƒɔ ɔsu.”

Kɔgya 146:2

Uwi ɔni na mmu nli ngba mɛni ku mina ɔlɔna ni, ndubumwi Unwoti Katɔti.

Batalane Kabla 2:46

Na béteesie Katɔti kakpakɔ limeyi ndi limeyi, na bátaasa esu esu lɛnɔ taadi na bana kɔduli na kubiti ku lɛlɔyɔ kemmo.

Hebriƒuɔ 10:34

Biiwuloku bani na batɛ aban ɔtɔ kɔnyana. Na bɛɛkɛ́ kayi ƒaa si ina béƒie-mii ala báƒɔ, ɔsika bɛgyi ka bibo akɛla ani ndia ntulo ammɔ na elébie kudii.

Hebriƒuɔ 6:18

Katɔti ɔ́bla ɔmɛni ɔkɛnku alakpa anyɔ ani naaavumana lɛlɔ. Na Katɔti lɛnɔ ulakana ɔkɔ bɔnyi. Na ɔmɛni ɔdubɔya na abu bani nékeli bɔ́tamiku-nwu ni, enu alaƒɛ-bu na lɛnunsia lɛni na úti ɔ́kya-bu lɛlɔ kemmo ɔsu.

Batalane Kabla 5:41

Na ka bésela ni, kubiti kɔ́da-ma kaduɛ, ɔsika bánu ka Katɔti ɔ́ka-ma ɔ́kya bekyuli bani muubó abi ku kɔƒa na Yesu ɔsu.

Yohane 21:7

Amu na ɔtɛyane ɔni na Yesu ɔɔyɔ́ mmɔ ɔ́su Petro ɔnini, “Blɔti na ɔdi!” Ka Simon Petro únu ka ɔtɛyane ɔmmɔ ɔ́su ɔnii Blɔti na ɔdi ni, Petro úti nwuna awu gyɔlɔɔ ɔ́bala lɛlɔ, ɔsika ɔ́da-nwu údie. Na ɔ́ƒulu úduo ntu bɔmmɔ kemmo, na úti úsela Blɔti kudɔ.

Yohane 14:27

“Keyi buɛɛ na lɛ́da muusé-mii. Na mina keyi buɛɛ na líti muute-mii. Ɔɔɔdi aani kalɛ na bayawine beete ukyuli keyi buɛɛ kalɛ. Kayi ku kasusu ketekpoku-mii na ala ani ndubo bɔlɛ lɛlɔ. Na bitayia.

Yohane 14:1

Amu na Yesu ɔ́su-ma ɔnini, “Bɛda kayi bukpoku bɛya. Kalɛ kani na bɛɛƒɔ́ Katɔti taadi ni, bɛƒɔ ami lɛnɔ bɛdi.

Yohane 4:14

Nsu ntu bɔni na ndubute ni, utukwɛ ɔsɔ ulada ukyuli ɔni mani-mu. Mmomu bɔdubunwini libiɔ lɛni mɔɔyu na bana lɛlɔ kemmo, na ɔdubute-ma ngba bɔni nsɔ naaadubo bɔsa kudii.”

Luka 24:41

Ebiti áda-ma geen na ɔ́bla-ma kalɛ kadi ɔni na bátati kalɛ baƒɔ badi muedi! Mmɔ na Yesu úye-ma ɔnini, “Adila adi ese?”

Luka 16:25

“Nsu Abraham ɔ́su-nwu ɔnini, ‘Ubi, nyimo ka na ƒula ngba bɔni na élie kemmo ni, ala abuni sɔɔn na áƒɔ. Na Lasaro anwu ni, ala ekpidi sɔɔn na ɔ́ƒɔ. Nsu ɔƒɛni ni, ɔɔkɛ́ ebiti na awɔ eebó abi.

Luka 10:42

Nsu lɛlakpa linwi kani námanku ka bawia. Na lɛbuni lɛmmɔ na Maria ɔ́ƒuna. Na basɔ baláƒɔ-ni na nwuna kudɔ.”

Mateo 28:8

Anwuɔsu bábabla bátɔlɔ kaƒiɔtɔ kammɔ kudɔ. Na ina ka liƒu lɛ́da-ma muedi ni, béti ebiti békeli bésie banii batásu Yesu batɛyane kenye kammɔ.

Yohane 16:20

Mɔɔsu-mii geen nnii bɛdubo kɔnyana buwulo na biwulo keku. Nsu kayawi bekyuli badubo ebiti bɔkɛ mmomu. Na amii ni, bɛdubɔbla kɔnyana, nsu bina kɔnyana kɔdubunwini lɛlɔyɔ.

Luka 19:26

“Amu na Unwoti ɔmmɔ údie kenye ɔnini, ‘Mɔɔsu-mii geen ka ni, ukyuli ɔni mbo lɛla lɛdi ni, anwu na Katɔti ɔdubute ɔsia. Na ukyuli ɔni neeebo lɛla lɛdi ni, libliidi lɛni na úbo muedi ni, Katɔti ɔdubɔƒɔ-ni na nwuna kudɔ.

Hiob 34:29

Na ina bunye na únye ɔ́nu na útakpete-ma muedi ni, kadi bekyuli bamani, munuu ɔma ndubɔkana na udie Katɔti bɔƒiɔ bɔdi? Na si bɔbɛla na ɔ́bɛla nwuna anumi ni, ɔma ndubɔnu-nwu? Anwu kani mɔɔdi bekyuli ku kadi ƒui lɛlɔ.

Yohane 16:16

“Kébu uwi blii ɔdi na bɛsɔ bilanu-mi. Na ɔmmɔ kama blii lɛnɔ ni, bɛdubɔsɔ bɛnu-mi.”

Kɔgya 33:21

Ɔsika nwuna lɛlɔ na bula kayi kaakɛ́ ebiti. Na nwuna lɛnyi kedee lɛlɔ kani na bula anu asia.

Yeremia 31:12

Mina bekyuli badubo-mi kudɔ na Sion Kɔbi lɛlɔ na babadi limeyi na bana anumi ekeye, ɔsika ndubute-ma kusɛ kusɛ. Na ndubute-ma antabi ku egyiibi ku nnɔ. Na lite-ma baƒonu ku ɔmantɛ bakɔ. Ala adubo-ma bɔdianku na balɛ lili aani kemo kani edula nákɛ ntu kaduɛ.

Yohane 14:19

Kébu blii na kayawi bekyuli basɔ balanu-mi. Nsu amii bɛdubo-mi bɔnu. Na ka nli ngba ɔsu ni, amii lɛnɔ bɛdubulie ngba.

Korintoƒuɔ 2 6:10

Ina ka bula lɛlɔ lɛɛkywí kaƒɔ ni, lɛlɔ lɛɛyɔ́-bu uwi biala. Baanu-bu aani bawabane, nsu bɔɔyá na bekyuli beenwíni Katɔ Ɔga Ɔma balakɛne. Baanu-bu aani bekyuli bani neeebo lɛla lɛdi. Nsu geen ni, ala ƒui ása-bu.