Yohane 16:15 - Katɔti Ɔku Kedee

¹⁵ Ala ani ƒui nse Katɔti ni, adi ami adi. Anwuɔsu na lɛ́su nnii ala ani nse-mi ni, Katɔti Kɔyu kɔdubuti-nya ɔtina-mii.

Yohane 16:15 Referans Kwoze

Yohane 17:10

“Bani ƒui na mbo ni, awɔ badi na badi. Na bani ƒui na ebo ni, ami badi na badi. Na bekyuli baakɔliku-mi lɛnyi katɔ ɔkɛnku ama ɔsu.

Yohane 3:35

Katɔti ɔɔyɔ́ Ubidi na úti lɛla biala ɔ́kya nwuna enu kemmo.

Mateo 11:27

Na ɔ́sɔ ɔ́su ɔnini, “Mina Ɔti úti ala ƒui úte-mi. Na anwu lɛti ngyi ukyuli ɔni udu na ndi. Na ami lɛti ngyi ukyuli ɔni na mina ɔti lɛnɔ ɔdi. Na mɔɔƒuna bekyuli badi bani na medie-nwu matina.

Koloseƒuɔ 1:19

Na nwuna kemmo na Katɔti ɔ́ya na bekyuli bánu nwuna ukyuli udu ƒui báti.

Luka 10:22

Amu na ɔ́sɔ ɔ́su ɔnini, “Mina Ɔti úti ala ƒui úte-mi. Ɔdi biala ɔɔɔgyi ukyuli ɔni na Katɔti Ubi ɔmmɔ ɔdi, ntu Katɔti lɛti pɛ. Na ɔdi lɛnɔ ɔɔɔgyi ukyuli ɔni na Katɔti ɔmmɔ lɛnɔ ɔdi, ntu Ubidi ɔmmɔ lɛti pɛ ku bekyuli bani na Ubi ɔmmɔ ɔ́ƒuna ka udie Ɔti ɔmmɔ ɔtina kani.”

Mateo 28:18

Amu na Yesu ɔ́kpɛ úde-ma na ɔ́su-ma ɔnini, “Katɔti úti katɔ ku kalɔ ɔyikun ƒui úte-mi.

Yohane 13:3

Yesu ɔgyi nwaa ka Ɔti úti ɔyikun úte-nwu ka ɔdi ala ƒui lɛlɔ. Na ɔgyi ka Katɔti ɔmmɔ kudɔ na ɔ́si, na nwuna kudɔ kani na ɔdubɔsɔ unwini usie.

Koloseƒuɔ 2:9

Ɔsika Kristo kemmo ni, Katɔti ulie ngba na ɔlɔna kemmo ku nwuna udu ƒui.

Yohane 17:2

Ɔsika éti ɔyikun unengudi éte-mi na kayawi bekyuli ƒui akɔ kalɛ na lɛya na bani ƒui na éti éte-mi ni, belie ngba bɔni nsɔ naaadubo bɔsa kudii.

Koloseƒuɔ 2:3

Kristo ɔmmɔ kemmo na Katɔti úti nwuna lɛlati ku lɛnunda ƒui ɔ́bɛla ɔ́kya.

Yohane 14:21

“Ukyuli biala ɔni mɔɔdi mina ɔda bubo lɛlɔ ni, anwu mɔɔyɔ́-mi. Na mina Ɔti ɔdubɔyɔ ukyuli ɔni mɔɔyɔ́-mi. Na ami lɛnɔ ndubɔyɔ-nwu na lidie lɛlɔ lɛtina-nwu na ɔnu-mi.”