Yohane 16:12 - Katɔti Ɔku Kedee

¹² “Mbo ala pii na lɛsu-mii. Nsu adubo bumomo butulo-mii ɔƒɛni.

Yohane 16:12 Referans Kwoze

Yohane 15:15

Nsɔ naaalɔ-mii mina kabla bablane ɔƒɛni, ɔsika ukyuli ɔni mɔɔbla ukyuli bamba kabla ni, ɔɔɔgyi lɛla lɛni na nwuna unwoti ɔɔbla. Mmomu mɔɔlɔ-mii nnii bakpana. Ɔsika lɛla biala na línu lɛ́siku mina Ɔti kudɔ ni, ani na lɛ́su-mii.

Marko 4:33

Yesu ɔ́su-ma etemila buni na agba amɛni udu kemmo kalɛ na baakana kalɔ bunu.

Batalane Kabla 1:3

Na emeyi aavlene kemmo na nwuna kukpi kama ni, údie lɛlɔ ɔ́tina-ma kɔlɛ kɔlɛ ɔni na ɔ́tina geen ka ɔ́kya ngba. Ama bani nánu-nwu ni, ɔ́tɛmiku-ma ɔ́siku nwuna Ɔti lɛga kadikɔ ala lɛlɔ.

Yohane 14:30

Nsɔ naaakana-mii bɔtɛmiku gyɔlɔɔ. Ɔsika ukyuli ɔni mɔɔdi kayawi kamɛni lɛlɔ ni, ɔ́si ɔdubo. Na uuubo ɔyikun ɔdi na mina lɛlɔ.

Yohane 16:11

Na badubɔnu ka Katɔti ɔɔtɛku bekyuli litemi, ɔsika Katɔti ɔ́ɔtɛku ukyuli ɔni mɔɔdi kayawi kamɛni lɛlɔ litemi kukuuku na ɔ́ɔdu-nwu kɔtɔ.

Yohane 16:13

Nsu si uwi ɔni na Katɔti Kɔyu kɔni muudie litemi geen lɛni ndanku Katɔti lɛlɔ mmɔ úbo ni, ɔdubo-mii bɔtɔnku kalɛ na bɛnu litemi geen lɛmmɔ ƒui bɛti. Na ulatɛmi na anwu ɔlati ɔyikun kemmo. Mmomu lɛla lɛni na únu ni, ɔdubo-mii bɔsu na ɔsu-mii ala ani ndubo bɔlɛ.